Sa simula, 'di ko pa alam
kung paano uumpisahan
anong magiging laman?
naisip kong ikaw nalang
sa unang pangungusap, sinimulan ko sayo
lagi kitang tinutukoy
sa pangalawa'y nahanap ka, napalapit lalo
'di man matapos pero laging tinutuloy
Sa gitna, akin ng nasimulan
biglang ikaw ang naging paborito
pilit kong iniiba pero 'di ko mapigilan
ikaw ang nag-iisang topiko
sa sumunod na talata, biglang napapikit
nabighani sa mga pang-uring nagamit
hanggang sa tuloy-tuloy ka nang binabanggit
walang negatibong salita para ika'y maialis
Sa bawat pagbigkas ng mga salita
ay tila ilang sentimetro nalang palapit sa'yo
kaya aking ipapadama
mautal man, sa'yo'y pilit na ibabato
Noong wala ka pa,
pagbuo ng mga salita'y puno ng lumbay
ngayong ikaw ang kasama,
pagdidiin ay naging makulay
Malaking espasyo ang nilaan sa puso
para tuluyan kang mabuo
kaya naman sa lahat ng naisulat ko
ikaw ang pinakagusto
ako'y patuloy na magsusulat lagi
'di dahil sa gusto ko lang
sa espasyong ikaw ang may-ari
sa puso'y maituturing kang espesyal
Kay dami na ngayong tulang naikuwento
at lahat masasaya
dahil nakarating ako sa dulo
kung saan nandoon ka
kaya sa pagwawakas ng pangungusap,
'di mo man marinig pero nais kong sabihin
pagkatapos ng huling pangungusap,
hindi mo man alam pero patuloy kang mamahalin.
~Paboritong Topiko
09/01/2019; 4:12
BINABASA MO ANG
Hundred Thoughts of You
PoesíaKadalasan bago ako matulog o pagkagising ko sa umaga kinukulit ako ng isip ko. Bakit daw ayaw kong makinig sa kanya? Laging wala akong maisagot. Kaya lagi nalang itong sumisigaw. Minsan sa kasisigaw nito nabibingi na ako. Kaya naman mula ngayon gust...
