Ramdam kong naglalambingan ang mga ibon
kita ko ang galak sa kanilang huni
narararamdama'y sa kanya itinapon
pero tila ayaw kong magpahuli
ramdam ko ang pagyugyog ng paa
ngunit walang anumang marinig na tunog
'di ko napigilang isayaw ka
tayo'y biglang napaindayog sa tugtog
ramdam kita sa bawat tinig mo
patawad, tanging ngiti lang ang kayang ibalik
bawat saya't kaba mo'y nasaksihan ko
tahan na, yakap ka ng aking bisig
nag-umpisang pumilantik ang mga kamay at daliri
sa ganitong estilo kaya kitang kausapin
napintahan na ng saya ang labi
sabi sa'yo kayang-kaya kitang patawanin
'di ko marinig ang ingay ng mundo
tanging musika ng puso ang nararamdaman
sa piling mo'y kampante ako
puso nati'y lubusang nagkakaintindihan
'di alintana ang hilo ng paligid
kahit patuloy tayong pinaglalaruan ng daigdig
kabisado na kita bawat buka ng bibig
palaging dama ang tinig ng 'yong pag-ibig.
~Dama Ang Tinig Mo
10/11/2019; 21:58
BINABASA MO ANG
Hundred Thoughts of You
PuisiKadalasan bago ako matulog o pagkagising ko sa umaga kinukulit ako ng isip ko. Bakit daw ayaw kong makinig sa kanya? Laging wala akong maisagot. Kaya lagi nalang itong sumisigaw. Minsan sa kasisigaw nito nabibingi na ako. Kaya naman mula ngayon gust...
