ياسين نعمان
شاب في ال27 من عمره ... عيونه خضره وشعره ذهبي الي يشوفه يحسبه اجنبي و جسمه رياضي ...طيب بيحب الناس بيحب السعاده خلوق بيعرف حدوده كويس . مش بس جمال وادب ..بردو عندو حاجه صغيرة كمان .... ذكاء!! دماغه قنبلة ذرية توزن بلداستاذ ورئيس قسم .... اقصد رئيس عصابه ...بس مش العصابه ال بتاذي الناس دي هدفه انه يساعد الناس ....عصابة سرقه بس ..على الفرازة ..بدات حكايته من وهو صغير 10 سنين تقريبا كان شاطر في دراسته الصبح وبليل كان بيمارس هويته المفضله"" السرقه ""
هو مكنش محتاج فلوس ابدا بس لما اهله ماتو وسابوه اثر في قلبه و بقى عنده زي مرض السرقه هي الحاجه الوحيدة الكان بيحس معاها بالراحه والامان وكبر وخلص دراسته في هندسه ... وعرف ان محدش بيلاقي شغل بالسهوله دي فقرر انه موهبته دي مش لازم تضيع ابدا ...... بدا يسرق اكتر من 27 عملية احترافية لكن مفيش حد مسك عليه دليل الشرطة سمته " الساحر " لانه بيختفي في اخر دقيقه وطريقته المميزة خلته ذكر على كل الصحف يتمسك لانو بالفلوس الي بيسرقها مش بياخدها... كلها بيديها للمحتاجين والمظلومين المحدش سامع صوتهم
جمع مجموعه من الموهوبين الغيره
احمد مبرمج كومبيوتر شاب عنده 25 سنه بيحب الشغل جدا لكن الدنيا مدتلهوش الهو عايزه ولا وظيفه ولا بيت كويس ولا حد يحترمه فراح ياسين اخده وبقه الفرد الاول في العصابة بتاعتهم .. هو المسؤول عن اي معلومات.. تغير نتائج ..حسابات وهمية محتاجنها في عملياتهم السريهسارة بنت غلبانه عندها 24 سنه متميزة في دراستها في حقوق بس وحده في وحده اكتشفت ان الهي اتعلمته غلط وان كل حاجه فيه مش بتمشي عل كل الناس واكتشفت كده لما اتسجنت ظلم على ايد واحد صاحب سلطة ومعرفتش تساعد نفسها ومامتها ماتت من الحزن عليها عشان كده اتولد جواها كره للظلم جامد وياسين اخدها معاهم عشان تنتقم من الاذوها والي بياذو اي حد غلبان في البلد ...هي مسؤولة تمثيل في عصابة ياسين وشاطرة في نقل الاخبار
رامي مدرس كيميا في مدرسه حكومي عنده 33 سنه مراته ماتت وسابتله بنوته صغيرة لكن مشلوله جرى على المستشفيات وتعب معاها جامد بس مفيش ولا مستشفى كانت موفرلها الرعايه الهي محتجاها وده الفرد التالت في فرقة ياسين ...هو المسؤول عن اي كيميا في الموضوع في عمليات الهروب
اما مازن ولد عنده 20 سنه منتهى الادب والطيبه عنده توحد وعنده قدرة انه يفرق كويس بين الطيب والشرير كانت امه بتضربه دايما عشان اتولد مريض ..باختصار انسانه معرفتش تقدر الالماس بس ياسين قدر يقدر مازن ويدربه كويس ...هو المسؤول عن توزيع الفلوس البيسرقوها على الاماكن والناس المحتاجنها
واخر فرد كان بدر .. بدر مدرب بوكسينج شاطر بل محترف رغم صغر سنه عنده 30 سنه...سريع ....قوي كان بيشتغل في نادي لكن في يوم عمل حادثه حصلتله فيها اصابة في رجله لكن الادارة مستنتش وقت تعافيه ورفدته ..... هو كان مسؤول هو وياسين عن تنفيذ العملية والجري والهروب وبجد هو شاطر في الحكايه دي
وده كله تحت تخطيط العقل المدبر ياسين
كل حد في الفريق ده كان بيحترم ياسين لانه انسان كويس ا ولا عمره اساء لاي حد فيهم كانو بيحاولو كتير يعالجوه من مرض السرقه بس معرفوش واستسلمو للامر الواقعياسين كان عنده بيت صغير بسيط بس هو عرف يستثمره بطريقه ذكية من بره صالون وغرفة نوم ومطبخ وحمام لكنه بنى تحت الارض غرفة المخططات بتاعته فيها معمل وغرفة تدريب وغرفة حاسوب البيدرب فيها الفريق .... بتدخل البيت تحسه دولاب عادي بس من جوه المخبا ال سري بيتفتح بس ببصمة الصوت الصممها احمد بصوت ياسين وهو بيقول جملته الشهيره
" توزن بلد "
أنت تقرأ
دماغه توزن بلد
Romanceدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...