دماغه توزن بلد

الجزا التاسع والعشرين 2

اسمعو وانتو بتقراو♡♡
ياسين لبس بدله سوده  على قميص ابيض وجرافاطه حمره  ..سرح شعره البني ورش من عطره ولبس ساعته 
ونزل من على السلالم ووقف قدام ابوه
صدقي : ايه الجمال ده كله ..
ياسين : بجد يا بابا
صدقي : ههزر معاك يا ولد
ياسين : يلا يا عاطف يلا يا نور انتو لسه مجهزتوش .. حرام عليكم هنتاخر
عاطف  نزل وهو بيلبس الجرافطه ..
عاطف : مستعجل ليه .. ده انت لو كنت العريس مكنتش هتروح القاعه بالسرعه دي
ياسين : اصل ورايا شغل كتير هناك ..
صدقي : بطل تضايق ابني بقه
عاطف : اوبا ايه يا ياسين الاناقه دي كله
ياسين : ده بعض من عندنا
عاطف : حلوة الثقه !
نور : انا جهزت يلا
ادم : وانا كمان .. كده مظبوط يا جدو 
صدقي : اه يا حبيبي
ولما طلعو بره
ركب صدقي ونور و عاطف وادم السيارة الخاصه وياسين جاله تلفون
صدقي : يلا اركب يا ياسين
ياسين : لا اسبقوني .. انا بس هعمل كام حاجه كده واحصلكو عاطف : عمال  تستعجلنا وانت المتاخر
ياسين : يا رخم .. يلا امشو

واخد تاكسي وراح مشوار وبعدين راح على الفرح كان عمرو وصل ... وكان الاغاني ورقص احمد ورامي ومحمد حوالين عمرو  
ياسين راح لعمرو : الف الف مبرووك يا عمرو
عمرو : الله يبارك فيك 
ياسين : بسمة جاية امته
عمرو : عم محمود قالي كمان نص ساعه
ياسين :تمام تمام
عمرو : مالك متوتر كده ليه
ياسين : انا ؟! لا ولا حاجه
عمرو : اووه ...مخبي ايه
ياسين : سلام يا بايخ
ياسين راح لصدقي
ياسين : ايوة يا بابا نادتني ليه
صدقي : اتاخرت ليه يا ابني .. قلقت عليك
ياسين : رحت مشواري وكان الطريق زحمه
ياسين فضل باصص على باب القاعه
نور : لسه سهر مجتش اهدى بقه  !!
ياسين بلهفه : مش عارف ليه  ..
استوعب الي قاله وبسرعه : لا انا مش مستني حد !!
صدقي : ههههه
سارة وصلت
ياسين : سارة جت معلش تقعد معانا شويه لغاية ما سهر تيجي وهروح كلنا نقعد على طاولة تانيه
نور: اه طبعا
ياسين شاور لسارة وسارة جت
وسلمت على كل الموجودين
ياسين اخد حياة منها
وقعد يلعب معاها وبيبص على الباب
سارة : ياسين عيونك هتقع من كتر البحلقه على الباب
عاطف : والله يا  مدام تعبنا من كتر ما قلناله 
صدقي :  عاطف و ياسين روحو اقفو مع الشياب هناك
ياسين قام وادى حياة لسارة
ووقفو مع الشباب وقعدو يضحكو 
ووياسين بيضحك عينه وقعت عليها
سهر دخلت وكان لابسه فستان احمر منفوش من اطراف الفستان نقشه سوده وحزام اسود دانتيل وحجاب اسود فيه ورود حمرة من اطرافه
ياسين غطى وشه بكسوف  ومسح على شعره  وبدا يداري ضحكه بالعافية
عاطف طبطب على كتف ياسين : يلا روح اهي جت
ياسين : سلام
وراح عند سهر
سهر : اهلا
ياسين : انت طالعه حلوة
سهر : شكرا ..وانت كمان
ياسين : شكرا 
سهر : طب يلا ندخل 
ياسين : اه .. اه
سهر راحت سلمت على الفريق وباركت لعمرو
عمرو : مجتيش ليه مع بسمه ؟!
ياسين ابتسم : حرام عليك يا اخي
سهر : عم محمود رفض .. قالي اني تعبت اوي فهو هيجبها وهيجي
عمرو : طيب .. 
ياسين : طيب يلا  يا سهر
سهر مشيت : ايه ده عمو صدقي موجود !
ياسين : اه تعالي نروح نسلم عليه
ولما راحو 
سهر : ازيك يا عمو صدقي
صدقي : اهلا يا سهر .. عامله ايه
سهر : الحمدلله كويسه .. نور ازيك يا حبيبتي
نور : الحمدلله ... وحشتيني اوي ..
سهر : يارب دايما
ياسين : بابا انا رايح اتاكد من البوفيه واتاكد من كام حاجه كمان
صدقي : روح يا ابني
مشى ياسين وسهر بدات تضحك معاهم
سهر تلفونها رن : عن اذنكم ...
نور : اذنك معاكي
خرجت بره القاعه علشان تسمع
سهر : الو يا ياسين .. في حاجه
ياسين من وراها  : كنت عاوزه اقلك حاجه
سهر لفت باستغراب : ياسين ..
ياسين : حبيت اقلك انت النهارده احلى واحده موجوده هنا .. 
سهر ضحكت وبصت على الارض
عم محمود نادى  : سهر !!
سهر لفت
سهر : ايه ده بسمه وصلت
عم محمود : اي تعي ساعديها
سهر : حاضر
ياسين فضل واقف
وسهر راحت لبسمه وحضنتها بحب وشالت طرف فستانها
وبصت لياسين وقالتله بصوت واطي  :  حتى انت احلى واحد هنا !!
ياسين ضحك 
____
دخلت بسمه القاعه والكل كان مبسوط وبيضحكو والفريق كله قعد على نفس الطاولة .. 
المسؤول عن الموسيقى طلب  من الكل يجو علشان يرقصو ... وشغل الموسيقى الهادية وعمرو وبسمه كانو بيرقصو واحمد وسارة  وناس كتير غيرهم 
ياسين : قومي
سهر : لا لا
ياسين : لا علشان خاطري يا سهر
ياسين مد ايده ليها فسهر قامت معاه
وبداو يرقصو سوا وخلصت الاغنية وهما الاتنين ما اخدوش بالهم .. وفين وفين لما فاقو ..
ياسين رجع بضهره خطوتين لورى وانوار القاعه اتقفلت ومحدش من الموجودين عمل صوت او تحرك
سهر : بسم الله .. ايه الحصل
النور اتفتح تاني
سهر بصت حاوليها لقت كل الناس الفي الفرح متجمعين جمب بعض
وياسين واقف قدامها
سهر : ايه البيحصل ؟!
ياسين طلع ورده حمرة من جيبه واداهلها
سهر مكنتش مستوعبه اي حاجه
ياسين نزل على ركبه
ياسين : انا مش عارف فعلا  ابدا منين ...بصي انا مش عارف اما عملت ايه في الدنيا حلو ..علشان ربنا يكرمني بيكي .. بجد انت الهدية الطلعت بيها بحياتي  ... شكرا بجد يا سهر على كل حاجه على وقوفك دايما جمبي في كل لحظة الحلوة والصعبه .. بصي انا قدام كل الناس دول قررت اديلك ده

ياسين طلع صندوق واداه لسهر ... ولما سهر فتحته
سهر  : ترمس 
الكل  ضحك
ياسين : اه .. مش انت كنت بتسالي عن هديتك
سهر : يا رخم
ياسين : هههه .. لا مش هي دي !! .
وطلع من جاكيت البدله علبه صغيرة وفتحها واول ما سهر شافتها دمعت.. كان فيها خاتم 
ياسين : تتجوزيني بقه
سهر مسحت دموعها وضحكت وهزت راسها : اه ..
ومسك ايديها ولبسها الخاتم
الكل صقف وصفر وكانو مبسوطين وخصوصا صدقي

أَنَّتَيْ جاية مَن الأَرْض وَلا جاية مَن السما
ده اللَيّ زِيّكَ بيجي مَرَّة كُلْ مية سَنَة
مَن نَظْرَة رَوَّحَت فِيها وَأَنَّتَيْ بَرَضَهُ مَشَّ هَنّا يا وَيْلِي آنا

كُلْ حاجَة نَفْسِي فِيها فِيَّ العُيُون دِي شَوَّفتَها
كُلْ حاجَة جَمِيلَة أَنَّتَيْ أُجَمِّل مِنها
أَكْتَر واحِدَة فِيَّ حَياتِي أَحِسّ بِيهاً وَأُحِبّها يا رُوحِيّ آنا

يا حلم بعيد يا جايز نفسي يبقي أكيد
خيال بحلم تطوله الإيد وتجمع بينا يوم مواعيد

يا حلم بعيد ده أنا اللي في ليل هواكي وحيد
بغنيلك بقول وبعيد هواكي في قلبي نار بتقيد

يا حُلْم بَعِيد يا جايز نَفْسِي يُبْقِي أَكِيد
خَيّال بِحِلْم تُطَوِّلهُ الأيد وَتُجَمِّع بَيَّنا يَوْم مَواعِيد

يا حُلْم بَعِيد ده أَنا اللَيّ فِيَّ لَيْل هواكي وَحِيد
بغنيلك بِقَوْل وَبَعِيد هواكي فِيَّ قَلْبِي نار بِتَقَيُّد
 
ياسين : قوميني
سهر ساعدته يقوم
ياسين : معلش ظهري وجعني من الحركه دي .. انا بقه عندي 37 سنه !!
سهر ضحكت وراح ياسين شالها ورافعها فوق وبدا يدور بيها
ياسين نزلها
الكل جرى عليهم وباركلهم والتصقيف على في القاعه
ياسين : لسه فيه حاجه واحده
سهر استغربت  !
ياسين : انا اهلي موافقين عليكي تبقي شريكة حياتي...فناقص موافقت اهلك انتي بس
سهر نزلت راسها
بعدين الكل بدا يبعد شويه
لطفيه بصوت مهزوز بتقاوم دموعها : سهر !!
سهر رفعت عيونها الفي ثواني امتلت بالدموع : دادا لطفيه
وجريت عليها وحضنتها بكل قوة
ليلى ماسكه عياطها بالعافيه : وانا مليش من الحضن ده
سهر راحتلها وحضنتها
ليلى : وحشتيني اوي يا سهر
سهر : وانت  والله
ندى جريت على سهر وحضنتها : عمتووووو
سهر : ندى حبيبتي
حلا حضنت ادم ابنها وشريف حضنه كمان  وحضنت ياسين وحتى باباها الي اتفاجأت بشوفته .. وجريت عليه

حلا وقفت وبصت لسهر وكان شكلها متضايقه وبعدين بصت الناحيه التانيه 
شريف : حلا !
حلا مردتش عليه

سهر راحتلها : انت اكيد زعلانه مني وليكي حق...انا جرحتك عارفه .. بس مقدرش اشوفك زعلانه اكتر من كده
حلا : ....
سهر لفت وكانت هتمشي
حلا : سهر .. انا مقدرش اكسر بخاطرك ابدا
سهر ضحكت وحضنتها 
سهر راحت لياسين : انا هبقى كدابه لو قلتلك انك  انت من احسن الحجات الحصلتلي في حياتي
ياسين استغرب من كلامها
سهر تابعت  : لانك  انت  احسن حاجه حصلالي في حياتي  
ياسين خبط بقوة على قلبه : يااااه  يا قلبي ... انا كنت حاسس اني هموت وانت بتقولي كده
سهر :بعد الشر عنك ..
الكل كان مبسوط والفرح كمل للاخر  واكيد هيبثى يوم محدش يقدر ينساه ابدا