دماغه توزن بلد

الجزا الاثنين والخمسين

النهارده اليوم المنتظر .. يوم فرح ياسين وسهر
ياسين مكنش نايم طول الليل ...
ياسين : اخيرا .. السعاده هتكتمل  ... وسهر هي الهتكملها
باب غرفته خبط 
احمد : قوم يا ياسين 
رامي  : يا عريس انت نايم ؟
ياسين قام وفتح الباب 
ياسين : يلاهوي ده انا منمتش اصلا
ادم وهو بيبعد رامي واحمد : خااااالي ....وسعولي كده
ياسين : ههههه ادم حبيبي
ادم : انا هوجب معاك في الفرح يا خالي ..
رامي شال ادم : انه وقت العمل  .... لازم نظبط الوش المعفن ده .. لازم نخليك شيك يلا
ياسين : انا بقيت معفن .. وبقى يتقلي يلا .. ماشي يا رامي
احمد رن تلفونه مكالمه فيديو
احمد : يلا يا ياسين شوف المفاجأة
ياسين : مفاجأة ايه ؟؟
احمد فتح المكالمه وفتح الكاميرا الاماميه وقعد قدام ياسين
سارة بصوت عالي  : ياسييين
ياسين : وانا بقول ايه النور اتاري حلا ..  وسارة وندى على التلفون
حلا : عامل ايه يا حبيب اختك
ياسين : كله تمام  .. وبعدين تعالي هنا .. انت اخت العريس لازم تكوني مع العريس
حلا : غور يلا
ياسين : هههه ايه الاضطهاد ده
سارة : طبعا انت لو تعرف هي فين دلوقتي .... دي مع القلب الضائع .. حب العمر
ياسين وقف والابتسامه على وشه  : مع سهر !! .. وحياة ابوكي صورهالي ...
سارة : تؤتؤ ..
وطلعت لسانها
ياسين : يا رخمه
سهر كانت سامعه صوته وعماله تضحك بكسوف
ندى : يلا اقفلو بقه
رامي : ليه بقه يا شاطرة
ياسين كتمله بقه
ندى ضيقت عيونها : جدع يا عمو ياسين .. اولا انا مبحبش كلمه شاطرة .. ثانيا .. انت بتاخد من الرصيد وعايزين نبدا نشتغل
ياسين : براحه على عروستي
سهر ضحكت وقالت : مش هيكلوني متخفش
ياسين ضحك  : اخيرا سمعت صوتك
سارة : يلا بقى سلام
وقفت
ياسين : البت سارة دي رخمه 
احمد : هههه
....نبدا نشتغل
_____
وبعض وقت طويل
ياسين جهز 
كان لابس بدلة سوده و كان شكله حلو  وشعره ظابط 
احمد : تجنن  يا ياسين
ياسين : شكرا جدا
رامي : هتوحشنا
ياسين : متعملوش كده... متحسسنوش انا هموت 
ادم : بعد الشر يا خالو
ياسين : حبيب قلب خالو
حضنو بعض كلهم وياسين كان شايف بدر في عيونه وكان نفسه يبقى معاهم
احمد : يلا بقى لازم نروح القاعه
رامي : انا نازل العربيه وهاخد ادم
ياسين : انا هجيب الشبكه وانزل
احمد : تمام

سهر كمان جهزت
الفستان الابيض الطويل والطرحه والحجاب والميك اب الناعم 
لطفية : ايه الجمال ده .. ربنا يحفظك يا بنتي
حلا : عروسة اخويا قمر
سهر : بجد ؟!
حلا : طبعا 
حلا : انا نازله اشوف المعازيم واتاكد ان كل حاجه تمام
سهر بصت على نفسها في المرايه واتقلبت ضحكتها لحزن فجأة
ليلى وسارة لحظو
ليلى : مالك يا سهر
سهر ارتبكت : لا ولا حاجه
سارة مسكت ايدين سهر : متكدبيش علينا
سهر : انا حاسه ان ياسين مبيحبنيش ومش بيثق فيه .. ومش مستعدة اخاطر كده
ليلى بعصبيه : مش ملاحظه ان الكلام ده مش مناسب الوقت ده
سارة : استني بس يا ليلى
وقعدت سارة  سهر على الكرسي 
سارة : الدنيا كلها عرفت اد ايه ياسين بيحبك وبيثق فيكي وانتي لسه
سهر : اصل انتي مشفتهوش يا سارة .. ازاي كان بيفتش في تلفوني و تفكيره الشكاك .. انا مش عارفه بجد
سارة سكتت
سهر وقفت فجاة : علشان كده انا قررت قرار
ليلى : سهر متتجننيش
سهر بوجع  : لازم قلبي يرتاح .. لازم
لطفيه : اعملي اليريحك يا بنتي .. انتي مش صغيرة
سهر وقفت : تمام
_____
ياسين في القاعه كان واقف عند السلالم مستني نزول سهر
وسهر د
ظهرت وكانت بتنزل من على السلم وهو سرح في جمالها
وراحت عنده وهو مسك ايديها
ياسين : ايه الجمال ده
سهر : كنت لسه هقلك نفس الحاجه
ياسين : عامله ايه النهارده
سهر : زي الفل
ياسين : لا طبعا .. انت احلى من الفل
سهر : بيقولولي كده . بس انا مبصدقش
ياسين : هههههه
عدى نص ساعه من الفرح .. كانو الناس مبسوطين والضحك في كل مكان
وسهر قامت ووقفت في نص القاعه
وياسين رحلها
ياسين : قمتي فجأة ليه
سهر : لان انا تعبت وزهقت من التمثيل
ياسين : تمثيل   ؟!
الديجاي حس ان فيه حاجه غلط فوقف الاغاني والقاعه سكتت سهر طلعت مسدس ورفعته في وش ياسين : واخيرا عرفت اوقعك يا ياسين ... ا
ياسين من غير ما يفكر طلع المسدس من جيبه ورفعه في وشها
ياسين قلبه دق جامد  : انت وحده خاينه ..بس تعرفي انا كنت  متوقع منك حاجه زي كده
سهر دمعت وبعدين قعدت تضحك جامد  ونزلت المسدس لكن ياسين كان لسه رافع المسدس من غير تردد  
وهي بتعيط فتحت خزنه الرصاص الي في المسدس وقربت من ياسين ورفعت ايده وحطت المسدس والخزنه في ايده
وياسين بص على الخزنه وهو لسه رافع المسدس  لقه الخزنه فاضيه  ووقع المسدسين على الارض من الصدمه

سهر مسحت دموعها  : هههه ضحكتني يا ياسين 
ياسين : سهر انا ..
سهر بقرف وبتحاول توقف دموعها ورجعت لقوتها تاني  : انت الخاين.. انت كنت فاكرني وحشه ... وممكن اتخلى عنك بسهوله ... انا النهارده اتاكدت انك مش بتثق فيه .. والدليل انك حتى في ليلة فرحك معاك مسدس في جيبك .. الثقه مبتتشراش .... انا علشان بحبك .. اتخليت عن شغلي الهو اكتر حاجه بحبها .. انا فعلا كنت غلطانه ... العلاقات لازم تكون مبنية على الثقه ..وفي حالة عدم وجود الثقه بتنعدم الحياة وهنعيش انا وانت في مشاكل.. مفروض تكون عارفني وعارف انك اغلى حتى من حياتي .. اقصد كنت
ياسين نزل تحت رجلها  : سهر لا لا لوسمحتي .. متفهميش غلط انا بس متعود اني ارفع المسدس كده ..من غير ما فكر في الشخص بس انا مستحيل كنت اقتلك طبعا... متضيعيش كل حاجه بينا بالسهولة دي .. الحب نفسه الثقه والله
سهر : يبقى  انت فاهم الحب غلط يا ياس ... يا استاذ ياسين  ..
سهر كانت هتمشي لكن ياسين مسك دراعها
ياسين : لا مش هتمشي يا سهر .. انا اسف
سهر لفت وضربته بالقلم
سهر : متقلش اسمك على لساني ... انا هعيش حياتي بالطريقه الانا عايزاها وهغير الدنيا كلها بايدي .. وهعيش بحب لغايه اخر لحظه واخر نفس هاخده ... ومش هدمع دمعه واحده عليك يا استاذ ياسين وده وعد  ولا حتى انت تنزل دمعه عليه  ... عيش حياتك بحب وحاول تغير في نفسك علشان تعرف تعيش  ( رفعت صباعها السبابه و شاورت على قلبه )  استعمل ده مره في حياتك
ياسين : اسف انا ندمان
سهر : انا مش السيندريلا الهتستحمل الاهانة ابدا ...ولا انت الامير الهيعشها بسعاده  وهيملى حياتها فرحه
سهر رفعت جزا من فستانها وبدات تجري لغاية ما وصلت عند عتبة القاعه  وفتحت الباب
ادم صرخ : لا يا ابله سهر .. لوسمحت
سهر غمضت عيونها وهي مدياهم ضهرها وعيطت
وجاي يجري ياسين عليها لكن حلا مسكته
حلا بصوت عالي : سيبها تمشي يا ياسين ... امشي يا سهر
ياسين بصلها
حلا : اوعى يتكسر بخاطرك ابدا
سهر فتحت الباب وكملت جري 
ونزلت في الشارع
سهر مسحت دموعها  في نفسها : البعد مش هيبقى صعب عليكي ابدا
وكملت الجري والناس كلهم بيتفرجو عليها  
___
لطفيه راحت لياسين : يابني روحلها .. هي بتحبك جدا
ياسين : ....
لطفيه : مينفعش دموعك دي
ياسين مسح دموعه
حلا : اخويا هيتجوز وحده احسن منها ميت مره ..  ابعدو عنه
ياسين : مفيش اغلى عندي من سهر
ياسين جرى
حلا زعقت : ياسين .. ياسين !!
مردش عليها .. وركب سيارته وجرى بسيارته بسرعه  
و قاعد بيفتكر الحظات بينهم
_ انا بخير علشان سمعت صوتك
_ ايوة .. ايوة موافقه اني اتجوزك
_ لكن انا بحبك
_ كل ده علشني
ومن السرعه ....
العربيه اتقلبت بيه كزا مرة  والعربيه اتكسرت وكانت على جمبها
ياسين وهو كله دم : جا.. جايلك يا سهر .. مستحيل تب..تبعدي عني .. طول ما انا عايش..
ومبقاش شايف حاجه غير ضحكتها و.. اغمى عليه

ياسين دخل في غيبوبه
دي النهاية .. بس بتميزها حاجه كل ما تقرب من النهايه ... هتكتشف انها بداية لقصه جديده ... مش دي نهايه الحب .. دي بداية ليه

ده الجزا الاول .. استنو الجزا الجديد بعد تلت اسابيع .. هتشوفو الدنيا والقدر لما بيلعبو لعبتهم  .. بتغير حجات كتيره فيه ... يا ترى ايه الهيحصل في الجزا التاني .. استنوني .. وعلقولي