دماغه توزن بلد

الجزا التلاتين

الشخص الاتصل بيه ياسين كان ..
احمد : الو .. ياسين ؟؟
ياسين سكت شويه: انا مش بتصل بيك علشان نكلم في حاجه عن موضوعنا .. الكلام الفيه خلص .. مش عارف ليه اتصلت اصلا ولا ازاي ؟؟
احمد : امال
ياسين : انا متصل علشان اقلك انك خلتني ضعيف جدا .. مش عارف انت ناوي تعمل ايه اكتر من العملته ..  خلتني اغير حجات كتير فيه ..انت بتاذيني وانت مش حاسس .. انت كنت اخويه واكتر كمان .. كنت دايما بشكيلك في وقت تعبي ..  وبحكيلك عني .. وخدعتني بسهولة.. اثبتلي اني كنت غلطان لما اخترتك كعضو في فريقي   ..   انا يمكن اتصلت بيك علشان اسمع صوتك  لاخر مرة تقريبا .. كان نفسي احكيلك على الي  انا تعبان بسببه .. بس الظاهر اني متسرع لما اتصلت بيك
احمد : انا بجد اسف .. بس مش عارف اقلك ايه
ياسين : مع السلامه .. بس قبل ما تقفل عايز اقلك اني  ..مغلطش لما اعتبرتك صديق
وقفل الخط .. واحمد كان مش قادر يتكلم

_____
بعد فتره سهر معرفتش تنام فقامت ولبش شال على كتفها علشان البرد وحجابها وطلعت بره الخيمه 
وفضلت تتمشى وبعدت شويه ولقت زي منطقه مرتفعه عن الارض ... مش جبل لكن طويله   وقعدت على الارض وضمت رجليها قربها وبصت على الواحه كانت الواحه بتلمع والمنظر كان خرافي
سهر : المكان ده يجنن فعلا !!
وبالصدفه فكرت سهر في حاجه بس الواحه نفذتها على انها امنيه ...
طار الشال منها فسهر قامت بسرعه
ياسين مسك الشال بعد ما كان طار في وشه .. وبص يمينه
سهر  بصت شمالها برقت عيونها لما شافت  ياسسن   وكذلك ياشين وبصو في نفس الوقت للواحه
هما ااتنين كان بيفكرو في نفس الحاجه والواحه حققتها 
ياسين مسك الشال وناولهولها : اتفضلي يا انسه سهر
سهر: شكرا 
ياسين : ممكن قعد شويه هنا
سهر : اه اتفضل
ياسين : شكل حضرتك معرفتيش تنامي
سهر : وانت كمان
ياسين : وعرفت انا كنت فين  الصبح ؟؟
سهر : انت كنت هنا
ياسين : اه .. المكان شدني جدا .... هو حلو مش كده
سهر : جدا 
ياسين: الجو برد تحبي تاخدي الجاكيت
سهر : لا شكرا انا معايه الشال ..
صمت شويه
كانت في الفتره دي سهر بتبص  على الواحه وعيونها لمعت وياسين بص على عيونها الكانت احلى من الواحه
ياسين : فاكره لما اضربت بالرصاص
سهر بصتله : هههههه .. اه هو ده يتنسي
ياسين : كان يوم صعب
سهر : على فكره اليوم البعده في المستشفى عرفت تمثل دور الدكتور كويس
ياسين : انت عرفت اليوم ده
سهر : طبعا ..
ياسين : طب فاكره يوم لما نطينا من على الكوبري
سهر : ولا يوم لما كنت في مكتبي
ياسين ابتسم : ننسى الذكرى دي لوسمحتي
سهر : هه ... طب فاكر يوم النهر ؟؟ ...
وقفلت بقها
وياسين بص باستغراب
سهر :..  ايه .. ب.. بالغلط اسفه
ياسين : لا بجد ايه موضوع النهر ده
سهر : .. انا انا هدخل انام الوقت اتاخر 
وراحت جري على لخيمه وياسين راح على خيمته وفتح شنطته
ياسين : يوووه. .انا كنت حاططها هنا .. راحت فين مذكرات سهر  
وقلب الشنطه  لغاية ما لقاها
ياسين : كل يوم هقرأ لغايه موصل لسرك .. انتي عندك سر  كبير وانا هعرفه
بدا يقرا في المذكرات لغاية ما نام
______
في اليوم البعده 
اتجمع الموظفين والباص وصل  وكانو بيطلعو الشنط
سهر : احنا رايحين  للفندق ...
هعرفكم على الخطه كل يوم بيومه الاحنا هنمشي عليها في الاسبوع
النهارده  هيكون يوم راحه 
علشان هنكون مرهقين
ياسمين : انسه سهر في رساله على الفاكس
سهر : من مين ؟؟
ياسمين : من المستثمرين
سهر وقفت .. وكل الموظفين سكتو محدش كان سامع غير صوت الهوا لما بضرب الميه ...
ادت سهر ال لاب توب .. وفتحت الفاكس 
سهر  : المسثمرين قالو انهم جايين بكره الفندق  ... وبيقولو انهم عايزين يعيشو تجربه مصريه ... فبيطلبو مننا ان احنا نكون مستعدين ونعمل تجهيزات ليهم
وبصت للموظفين
امير : نجهز ازاي .. ده شيء مستحيل
ياسمين : فعلا !!
سهر : مش عارفه بجد .. انا بفكر اتراجع عن المشروع  
ياسين : استنو كده شويه يا جماعه  .. ممكن اتكلم
سهر : اتفضل
ياسين: احنا المجتمع بتاعنا مميز جدا .. فيه حجات صغيرة جدا هما كاجانب ميعرفهاش  ... المطبخ المصري  احلى مطبخ في العالم ... الجمعات وازاي بنقعد ... الضيافه
امير : ال costume الهدوم المميزة
ياسمين : ال ديكور
الاستاذ فريد : وممكن تعلموهم اللهجه
السواق : وممكن في الطريق لموقع البنا هخدهم في جولة
سهر كانت عماله تسمع اراء الموظفين وبدات تضحك
سهر لنفسها : يمكن  ياسين جالي من السما .. علشان اضحك لاول مرة 
ياسمين : انسه سهر ايه رايك
سهر ابتسمت: شكرا جدا ليكم كلكم
الكل : على ايه .. كل بمجهودك
ياسمين : ممكن نتصور كلنا عند الواحه ونطبعها ونعلقها في الشركه .. ايه رايكم
ياسين : فكرة حلوة
سهر : وانا عارفه المكان المناسب للصورة

راحو كلهم عند الجبل وطلعو فوقيه
سهر :ايه رايكم
امير : يلا بسرعه ناخد الصورة وهنقف عند الحافه وتحتينا هتبقى الواحه
ياسمين : حلو المخاطرة
وقفو كلهم واستاذ فريد جهز الكاميرا وسهر كانت واقفه جمبه
ياسين : استاذة سهر تعالي يلا .
ياسمين : اه لوسمحتي
سهر : لا مش هينفع
امير :  ليه؟؟
ياسين : شكل الانسه سهر خايفه !!
سهر :لا .. لا انا مبخفش
ياسين : لا شكلك خايفه ..اثبتلنا عكس كده
سهر لنفسها: انا فعلا بخاف .. خايفه احسن اغرق  !!
سهر اتقدمت وراحت وقفت جمبهم
بصت لياسين : مش قلتلك اني مبخفش من حاجه
ياسين بصلها واخدو الصورة   وكانت حلوة اوي
سهر وهي جايه تمشي رجلها اتكعبلت
سهر  صرخت والكل صرخ
كانت هتقع من فوق الجبل  وتنزل في الواحه .. . كان اصعب وقت عدى على سهر بدات تفتكر لقطات من زمان وبدات ما تسمعش اي صوت  خالص غير صوتها وهي صغيره وهي بتصرخ
سهر : ساعدوووني .. بيغرق .. لاااااا 
مسك ايديها وقال : متسيبينيش اموت
سهر بتعيط جامد : لا مش هتموت انا مسكاك ..  حد يساعدنييييييي
قال: انا هموت النهارده وهتموت كل الذكريات الحلوة .. بس انت لازم متنسينيش
وايديها سابته 
سهر: لا .... لا .. 

ياسين  نط  من على الجبل  ومسك ايد سهر  بايد والايد التانيه مسك بيها  صخره في الجبل 
ياسين  نادى بصوت عالي : ارفعوني
كلهم من فوق رفعوه  وهو شد سهر
سهر كانت مغمضه عيونها ... وكانت الدموع على خدها
ياسين كان بيعرق  وبينهج جامد وقال :  انت كويسه
سهر مكنتش واعية
سهر كانت شايفه  الناس وهي بتصرخ وامه ضربتها بالالم
وهي وقعت على الارض
الام : انت الغرقتي ابني  .. اطلعي بره

غطت ودنها كان الصوت بيرن في ودنها ...

فتحت سهر عيونها  لقت نفسها في الباص
ياسمين : انسه سهر انت كويسه 
سهر هزت راسها 
سهر للسواق  : يلا سوق
ياسين : مش مفروض نستنى شويه
سهر : مفيش وقت
الكل رجعو مكانهم الا ياسين فضل واقف جمب سهر
سهر : فيه حاجه
ياسين : لا انا هفضل واقف طول الطريق ... علشان اتاكد انك بخير
وفضل فعلا واقف رغم ان رجله وجعته .. بس كان حابب انه يفضل معاها طول الوقت .. علشان يعرف ايه الكان بيدور جواها لما كانت بتقع ... هل كان البيدور جواها نفس الاحساس كان حاسس بيه .. النقدر نسميه ** الخوف عليها**