ياسين رجع البيت
لقه ان الفريق متجمع وعاملين يعيطو
ياسين جرى عليهم : فيه ايه
ولما شاف بدر الكان بينزف ... صعق
بعد الكل وقعد على الارض وحط راس بدر عليه
ياسين صرخ باعلى صوت عنده : بدر
سارة كانت بتعيط : مازن ضربه بالسكينه
بدر بيحاول يفتح عيونه وكح : ايه .. يا ياسين .. انا لسه ممتش ..
ياسين : ومش هتموت .. طلبتو الاسعاف !
احمد : اه
ياسين قلع جاكيت البدلة وبدا يحطه على جرح علشان يوقف الدم
رامي : لازم منحركهوش ده ممكن ياذيه
بدر بوجع : انا خلاص هموت .. بس .. احلى حاجه اني هموت بعد ما اخيرا شفتك وانت بتعيط
ياسين : بطل هزار
بدر : انا عايزكو تفضلو تحبو بعض.. وو اه .. عايزك يا ياسين تتغير .. الايام الاخيره دي بقيت انسان تاني .. بسبب سهر .. خلي بالك منها . وانت يا رامي خلي بالك منهم كلهم وانت يا احمد ارجع عيش هنا وسارة ابقي قويه
ياسين : بس يا بدر .. ارجوك
بدر ضغط على عضلة دراع ياسين : فين العضلات يبني..ما اتدرب بقه زي الناس
ياسين ضحك
وبدر رفع ايده علشان يمسح دموع ياسين لكن ايده وقعت..
سارة صرخت .. واحمد غطى وشه ... وياسين بدا يرتعش ومسك ايد بدر جامد .
بنعيش والوقت بيسرقنا
وبنمشى ونسرح فى طريقنا
...والايام اللى بتجمعنا
ممكن فى ثوانى تفرقنا
ساعات الدنيا بتلهينا ...
عن اغلى واقرب ناس لينا ...
وفى يوم عمرنا ما بنتمناش
... نلاقيهم مبقوش حوالينا
مبنحسش بقيمه الحاجه ...
الا لما تروح
وكان فى صوت بيصرخ فينا.
.. واحنا مابنسمعش
ونندم على اللى ضاعو وراحو ..
وقلبى ده مجروح..
يا ريت الوقت يرجع بينا ..
بس مبيرجعش
زمان كانو هنا بيننا وحوالينا ...
واللقى مسموح ودلوقتى ومهما بكينا ..
اللقى مينفعش
قرب من كل اللى حاببهم...
شيل عنهم خفهم وتعبهم
يمكن يسيبوك هما الاول ...
او يمكن انت اللى تسيبهم
على قد ما تقدر فرحهم بصلهم ..
واحفظ ملامحهم هيجيلك يوم فيه ...
تتمنى لو حتى
فى نومك تلمحهم
كانت لحظات صعبه على الفريق جدا .. وقت دفن بدر .. كان ياسين بيتذكر اللحظات الحلوة الكان دايما فيها .. واثناء الهرب في العمليات .. والضحك والفرح .. مكنش عارف يستوعب ان دي اخر مرة يشوفه فيها ...بمجرد ما يتقفل القبر
وكان الوضع عليه اصعب وقت العزا ... كان العزا الساعه 6 وكانت الدنيا بدات تضلم
كان لابس بدلة سودا وقاعد بياخد عزاه ... وبيدعي انه ده يطلع حلم في الاخر
______
سهر كانت بتحاول تتصل بياسين من الصبح بس هو مبيردش فاتصلت بسارة لانها بدات تقلق
ولما اتصلت بسارة
سهر : اه .. امم ..الو .. انسه سارة !!
سارة : ايوة .. مين معايه
سهر : انا سهر تركمان ..
سارة : اه ..حضرتك عامله ايه دلوقتي
سهر : بخير. .. بس بصراحه انا عماله اتصل بياسين بس هو مش بيرد فكنت عايزة اطمن ...
سهر سمعت صوت عياط .. زائد ان صوت سارة مكنش طبيعي
سهر قلقت ووقفت بسرعه : استني كده .. هو كل حاجه تمام .. ياسين كويس ؟!
سارة : بصراحه .. انا في عزا ..بدر اتوفى ..
سهر : ايه ؟؟!
سارة : واتوقع انك لازم تكوني جمب ياسين في الوقت ده
سهر : انا جاية ..جايه
________
ياسين وهو واقف بص لقه سيارة من بعيد وقفت وسهر خرجت منها لابسه بلوزة طويلة سوده وشايله شنطتها وعيونها جت في عيونه لكن راح بص النحية التانيه وسهر بصت على الارض وسارة جت ودخلت سهر الجزا المخصص للستات في العزا
وقعدت لغاية ما خلص العزا بس كان لسه فيه ناس قاعدين ودخل ياسين من الباب وسهر وقفت وسارة كذلك
ياسين صقف بطريقه استفزازية
سهر استغربت من رد فعله
ياسين ضحك بصوت عالي : هههههه ...واو
سارة : ياسين وطي صوتك .. الناس بيتفرجو علينا
ياسين : لا لا هزعل يا سارة .. ازاي في وقت وجود حضرت الضابط سهر تركمان .. منحيهاش
سارة بصت لياسين بخضه
ياسين : نحيها على الندالة .. والبجاحه
سهر وطت صوتها : انت ازاي بتكلم بالطريقه دي ؟!
سارة : وطي صوتك يا ياسين
ياسين : عارفه المثل البيقول يقتل القتيل ويمشي في جنازته ... انت كده
سهر : انا عملت ايه ؟؟
ياسين : انت عارف بدر ممتش .. بدر اتقتل .. قلتلها الكلام ده ولا لا يا سارة
سهر: انت بتقول ايه اتقتل ... از ..ازاي ؟؟
ياسين : مازن القتله !! مازن وشريف وانت هتموتو وبايدي دول ومازن هخليه يتمنى الموت .. سامعاني يا سهر ...
سهر كانت بترتعش : أا..أنا فعلا معرفش حاجه
ياسين : بره .. بدر مش هيشرفو وحده بحقارتك تبقي هنا
سهر اتعصبت : انا مش همشي الا لما نتكلم
ياسين مسك شنطتها الكانت على الكرسي ورماها في وش سهر وشد سهر من ايديها جامد
سارة جايه وراه .. لكن سارة شورتلها انها تستنى
سهر : ياسين .. استنى !! .. ياسين سيب ايدي .. وجعتني
وكذه مرة كانت هتقع وهو بيشدها لغاية ما وصلو عند العربية
وفتح الباب وزقها جوه وقال للسواق يوصلها...
والسواق مشي بالسيارة وياسين مشي
لكن سهر والسيارة ماشيه طلعت راسها من الشباك .. وقالت لياسين بصوت عالي
سهر : لكن انا مش هيأس
ياسين وقف
ودخلت سهر جوه تاني وبدات تعيط
_____
اما ياسين راح على بيت حلا وخبط على الباب جامد
حلا : ايوة مين
ياسين : انا ياسين
حلا فتحت الباب : ازيك يا ياسين .. مالك بتخبط على الباب كده ليه
ياسين : فين جوزك
حلا : شريف ! ليه
ياسين بعدها شويه
ياسين زعق : شريف تعالى هنا
شريف خرج من الاوضه : ياسين انت هنا ..اتفضل
ياسين : لا انا مش جاي اقعد
وقرب من شريف ومسكه من هدومه
حلا : ياسين !!
ياسين : خلي مازن يهرب علشان لو لقيته مش هرحمه .. ومحدش هيقدر يشيله من تحت ايدي .. حق بدر هيرجع بدم مازن .. وشريف لو اتدخلت في الحكاية اكتر من كده ممكن ايتم ادم ..الاصلا مظلوم انك ابوه
قالها ومشي وحلا كانت مصدومه
حلا : ايه الياسين قاله ده يا شريف
شريف : ..... اخوكي بيلعب مع الشخص الغلط
حلا: .....
___________
أنت تقرأ
دماغه توزن بلد
Romantizmدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
