دماغه توزن بلد

الجزا السابع عشر

ياسين : لابسه جزمة كعب
سهر : لا ..ليه
ياسين : يلا
سهر : يلا ايه ؟؟ انا مش فاهمه كلام حضرتك المبهم ده
ياسين : يلا يا استاذة سهر علشان هنجري
سهر بصت وراه فتلاقي للراجل جاي من بعيد نحيتهم : لا انا مش هجري ..لا
ياسين مسك ايديها فاتفجات سهر وبصتله
ياسين : متخافيش ...متكونيش جبانه ..مفيش حاجه احلى من الاثارة
سهر معرفتش ترد خالص وبدات تجري مع ياسين والشخص وراهم
دخلو وسط الزحمه وبداو يزقو الناس
ياسين : هنلف من ورا العمارة في ممر ضيق في الجمب
سهر وهي بتنهج : طيب
وفعلا دخلو  واستخبو
ياسين : هششش
سهر : هو جاي ورانا
ياسين : اكيد .. بس اهدي انت بس
سهر : هادية اهو 
ياسين كان هيتكلم لكن فجاة يشوف ظل جاي نحيتهم 
ياسين :ادخلي العمارة وخليكي متبعاني ولما اشاورلك تخرجي
سهر : تمام
وبالفعل ده الحصل وياسين جه علشان يطلع المسدس من جيبه لكن افتكر ان سهر موجوده
ياسين في نفسه : للاسف لازم اشتغل من غير مسدس
و الراجل كان بيتقدم براحه  فلفله ياسين
وقال : بخخخخ
وضربه بكوعه في وشه فوقع على الارض .سهر كانت من جوه بتابع البيحصل وقالت
سهر بهبل :يا ولد
ياسين : يلا بسرعه يا استاذة سهر
سهر خرجت وكملو جري ....
ياسين بدا ميعرفش المكان الهو بيمشي فيه 
سهر بنبرة حادة  : حضرتك مش عارف احنا رايحين فين صح
ياسين : اكدب لو قلتلك لا
سهر : يعني انا بجد... اوووف انا كان مالي بالحصل النهارده ...
ياسين : ... معلش ...
الراجل كان لسه بيجري وراهم 
ياسين مكنش عارف يقرر يجرو منين : يلا من هنا  
ياسين في نفسه : اتمنى يكون اختياري صح
كان المكان عباره عن كوبري ....
سهر بقلق : الطريق مقفول
ياسين : يا نهار ...
الراجل : مش كفايه هرب بقه يا ياسين  ... اول مرة يعني تختار اختيار غلط
ياسين بص وراه  فلقه سهر شبه مرعوبه ورجع بظهره بمحاذتها
ياسين : انا ممكن يكون اختياري غلط بس عمري ما بسمح للغلط انه يركبني للاخر
ياسين بص لسهر وقال :  ان بجد اسف يا استاذة سهر على الهعمله دلوقتي بس انا لوقلتك هعمل ايه هتقعدي تعارضيني
  سهر : انا مش فاهمه حاجه
ياسين : دلوقتي هتفهمي
ياسين  ضرب رجلها  فجايه تقع فراح شالها 
ياسين : سلام يا شريف 
ونط  على لوحه اعلانيه متعلقة على الكوبري والوحه اتقطعت وبدات تتمايل بياسين الي كان شايل سهر بايديه التاني وساب اللوحه
سهر حطت ايديها على وشها وصرخت   : ااااااااااااااااآاااا 
وكان فيه باص بيوصل اطفال فالاطفال الكانو في
الباص قعدو يسقفو جامد ويقولو:  سوبر مان  اهو  لان كان شكلهم بيطيرو ولاحظ ياسين  ان الاطفال بيبصوله فغمز بابتسامه
ووقعو  جوه عربية محمله قطن
شريف من فوق الكوبري جري علشان يشوف ايه الحصل في الثواني المعدوده مسافة ما رمشي كان اختفى كالعادة  وقال بصدمة
شريف : يا ابن الجنيه
اما في عربية القطن
ياسين : انت كويسه
سهر وقفت: انت مجنون احنا كنا هنموت ...
ياسين: انا اسف جدا
سهر من حركت السيارة راحت وقعت
ياسين قعد يضحك
سهر  : متضحكش 
ياسين وهو بيحاول يبطل ضحك  : معلش.. معلش 
سهر كان لسه قلبها بيدق جامد:خلاص بقه
وبدات تداري ضحكها هي كمان
سهر وياسين بصوت عالي : ههههههعهه
سهر قالت بعد ما اخدت نفس طويل  : واو
ياسين : واو؟؟
سهر : يا استاذ ياسين انا كنت هقولك على فكره ان  انت مطرود بعد الحصل النهارده
ياسين بص باستغراب
سهر : بس دي اول مرة فحياتي اعيش متعه زي العشتها النهارده
ياسين بيسمع من غير تعابيرغير الابتسامه

________
ادم :مامي ...مامي
حلا بصوتها الرقيق  : ادومه حبيب مامي 
حلا الشخصية الجديدة فقصتنا .. ست بتتحمل المسؤولية بمعنى الكلمه ام ناجحه وزوجه مسانده وعيلتها بتحبها موت والناس كلها بتحكى وتتحاكى باخلاقها  ... عيونها خضرة وبشرتها فاتحه و رفيعه وطويلة  ومحجبه  
كانت مبسوطة في حياتها ولكن كان في جزا من قلبها مجروح ومع الوقت هنعرف ايه اصل الجرح ده
وادم ابنها الوحيد ...دلوع مامته لكن بيتحمل المسؤولية رغم ان عنده 7 سنين  ... دمه خفيف ولمض .. وواخد عيون واخلاق مامته وقوة باباه
شريف ( الكان بيلحق ياسين ) كان اب ناجح .. وزوج طيب بيخاف على مراته جدا ... وكان ضابط شاطر بدلته ماليانة مدليات ونجوم  .. جسمه رياضي وبيحب الرياضه جدا ... وضيع نص عمره بيدور على' الساحر '
نرجع تاني  لحلا وادم
في الكافيه شالت حلا ادم وطلعته على الكرسي لانه مكنش بيوصل له
حلا رفعت حواجبها : ها بتفكر في ايه يا ادم بيه
ادم : والله يا فندم ماما حصلت  حاجه تجنن
حلا : با ادم بيه ايه الحصل
ادم : يا مامي فندم سوبر مان طلع من التي في tv وكان بيطير النهارده وكان شايل بنت  وغمزلي كده هو لما كنت في الbus
وحاول يقلد الغمزة بس معرفش
حلا : ههههه بجد .. وكان لابس البس وكده 
ادم : اه والله يا ماما  ... انت ليه مش مصدقاني
حلا : بطل هزار يا ادم .. مفيش حاجه اسمعا سوبر مان
ادم  كشر : ماشي يا حلا هانم بكره تصدقي ان ادم كان صادق حلا زغزغت ادم : ماشي يا ولد
ادم  وهو بيضحك : خلاص خلاص
حلا : ايوة كده اتعدل .. ايه رايك  ا طلبلك ice cream
ادم : بليز يا مامي
حلا : اوكاي يا حياة مامي
ادم : مامي فين بابي ؟؟
حلا : باباك جاي ..جاي يا ادم
اما من جوا حلا كانت بتقول : فينك يا شريف مشيت من غير ما تديني خبر وقفلت تلفونك ...
شريف فتح دراعاته لادم : انا جيت يا حبيب بابي
حلا :.......