دماغه توزن بلد

الجزا الرابع عشر

ياسين بيقفل عيونه وبيفتحها براحه بصوت متعب : .. انا لازم افضل صاحي
سهر : انا هروح اقول للدكتور باين له اجنن 
سهر خرجت بسرعه : دكتور سيف
دكتور سيف:  ايوة يا استاذة سهر
سهر : استاذ ياسين عمال يقول كلام غريب  شكله بيهلوس
دكتور سيف : اه هههه...انا شفته سهران لغاية دلوقتي فحطناله في الاكل منوم
سهر : انتو مسالتهوش او استاذنتوه على حاجه زي كده ... وبعدين منوم يخليه كده
الدكتور سيف : متخافيش يا استاذة سهر ... هو ده اثار المنوم وممكن تلاقيه بيكلم كلام غريب ولا تهتمي ليه
سهر : تمام عن اذنك

رجعت سهر للغرفة
فلقت ياسين نايم قعدت على الكرسي وطفت الاب توب وراحت غطته وهي ماشيه علقت ساعة ياسين في طرف حجاب سهر
سهر حاولت تفكها ونجحت في كده
ياسين بصوت واطي  :  استاذة سهر 
سهر في نفسها : دي هلاوس حاولي متتعصبيش .. باين انه مش مركز
سهر: ايوة يا استاذ ياسين 
ياسين : هو انا هموت
سهر : انت صحتك حلوة اهي ...هو انت حاسس بحاجه
ياسين  مغمض عيونه : انا كويس خالص  ...بس لانك معايه ....
سهر بتحاول متبصش في وش ياسين
سهر : استاذ ياسين نام انت لازم ترتاح
ياسين : انا امنيتي لو هموت فعلا  اني اموت وايداكي  على قلبي 
سهر بصتله باستغراب
سهر : استاذ ياسين لوسمحت كفايه
ياسين :مش الرصاصه هي الهتمومتني ... قلبي لما هيشتغل هو الهيقتلي  نفسي قلبي يفضل ميت ....
ايا كان ... انا عايزك تساعديني اصلي ههرب بكره  من هنا ...زي طول العمر ما بهرب... اصلي فريقي في خطر ولازم طول الوقت يبقو في حمايتي ....
سهر متابعه الحدث باهتمام
ياسين : بس ازاي بطلب المساعده من اكتر واحده بكرهها في الدنيا و....
سهر  بعصبيه : ياسين قلتلك كفايه
دي كانت اخر جملة اتقالت لفاية ما ياسين نام بهدوء من غير هلوسه وكويس انه نام لانو كان لسه حاجه ضغيرة ويفضح كل اسراره

في بيت تاني
جمال رجع البيت متاخر وصفوت مستنيه
صفوت : الساعه كام في ايدك يا جمال
جمال: اسف يا بابا بس كنت مع صحابي .. يلا انا داخل انام
صفوت : استنى هنا انت بتستهبل ... ايه الانت عملته ده
جمال : ايه يا بابا
صفوت : جايبلي 3 رجاله يسرقو بنت عمك
جمال : ايه يا بابا الضمير حل عليك فجاة .. دي قرصة ودن ليها
صفوت :الحكاية مش حكاية ضمير الحكايه ان واحد من الرجاله دول ضربو موظف بالرصاص  وهو بين الحياة والموت وكمان اتمسكو .... مش خايف احسن يقولو للبوليس على كل حاجه ومين البعتهم
جمال : انا قبضتهم كويس .... كل ما هيجو يفتحو بقهم ..الفلوس هتمنعهم
صفوت : انت متاكد
جمال : ميه في الميه

__________
في اليوم البعده صحيت سهر على صوت التلفون اتصال من لطفيه
سهر ردت بسرعه وبصوت واطي : الو
لطفيه : فينك يا سهر 
سهر : انا في ال..... يا نهار اسود ...هكلمك تاني يا دادا
بتبص سهر على السرير متلقيش ياسين
سهر : ده راح فين كمان
سهر خبطت على الحمام
سهر : استاذ ياسين
محدش رد وكان الباب مفتوح
سهر : مش هنا  هطلع اسال عليه بره

كان فيه دكتور ماشي لابس بلطو وكمامات فجريت عليه سهر
سهر: لوسمحت
الدكتور: ايوة
سهر وهي بتنهج: كان في مريض في الغرفة دي مشفتهوش 
الدكتور : اكيد اتكتبله على خروج ... ممكن تسالي الدكتور سيف هو المسؤول عن المريض الفي الغرفة  113
سهر  : تمام شكرا جدا

مشيت سهر والدكتور نزل الكمامات لتحت شويه وابتسم 

"اعتقد عرفتو هو مين "

سهر وهي في الطريق لمكتب الدكتور سيف وقفت
سهر خبطت على راسها وضحكت جامد
سهر بحرقة: ااااه ... يا حماااااااارة    
  افتكرت سهر الدكتور لما قالها ان الدكتور سيف هو مسؤول عن  المريض ... هو عرف منين ان الدكتور سيف هو  المشرف على المريض ..  لا لا وحاول يفهمني انه هو لما قالي 113 
سهر : ماشي يا استاذ ياسين  .. ماشي

_______
تخبيط باب البيت
مازن :انا الهفتح 
فتح مازن الباب ....
مازن : ياسين
ياسين : ايوة
مازن : الحقو يا جماعه ياسين وصل
دخل ياسين البيت
احمد :ياسين انت كويس
ياسين : اه .. دي رصاصه صغيرة خالص
بدر : اووووه يا ولد ... انت جيت ازاي
ياسين : بتاكسي
بدر : هههه لا مش اقصد ازاي مشوك من المستشفى وانت حالتك صعبه
ياسين : هحكلكم ... انا صحيت من النوم كانت الساعه 6 تقريبا صراحة انا معرفش انا نمت ازاي محستش بنفسي  .... عموما  لقيت سهر نايمه ..فقررت اني استغل الوقت ده واهرب ...انتو عارفين مبعرفش افضل قاعد من غير ماعمل حاجه ...بحب الاثارة ...لقيت الممرضه جيه تاخد الطاولة  الجر بتاعت  الاكل فاتخبيت جوه الطاولة وجت الممرضه  وطلعتني بره الغرفة لكن ودتني عند المطبخ وده الكنت مش متوقعه لكن لقيت بلطو وكمامات فقررت اني اتنكر واطلع وكل الناس تقولي صباح النور يا دكتور وبالطريقه دي عرفت اخرج  

سارة : الحمدلله الانت متكشفتش
رامي : بس انت لازم تفضل تحت رعاية الدكتور ... الانت عملته غلط
ياسين : والله انا حاولت اني افضل بس مقدرتش كنت نفسي في حبة اثارة
احمد : اثارة اثارة اثارة ..انت مبتزهقش
ياسين : للاسف لا وهموت وانا بدور بس على الاثارة 
مازن : يارب نفضل دايما مع بعض كده
ياسين : يارب  ..انا داخل ارتاح في غرفتي وانتو كملو شغلكم علشان هنجتمع في المخبا بعدين