دماغه توزن بلد

الجزا السادس

فتحت سهر بالremote control العربيه بتاعتها وفتحت الشباك وظبطت المرايه الاماميه
ياسين وهو بيجري من بعيد : استاذة سهر... بس شوفي الcv بتاعي. انت حتى مقبلتيش حد في الوظيفه
سهر باسلوب قاسي : الامر زاد عن حده ... كده كتير وانا مش هسمح التجاوزات دي..... انت صدعتني يا اخي

قفلت الشباك وبدات تسوق بسرعه بس هو كان عنده صبر ما بعده صبر .... طلع ورا العربيه وبطبيعة شغله " السرقه" بيعرف يجري بسرعه فسبق السيارة ووقف قدامها

سهر من قرب المسافه معرفش توقف العربيه وخبطت ياسين
سهر بخوف : بسم الله
وطلعت بسرعه وهو كان واقع على الارض
سهر بعصبية وخوف :انت مجنون ...كنت هتجبلي مصيبه ..انت كويس؟؟
ياسين : اه
سهر :انا لازم اوديك مستشفى
ياسين : بس ساعديني اني اقوم
سهر مسكت ايديه وساعدته انه يقوم
ياسين فضل سرحان فيها لما هي مسكت ايدته وساعدته انه يقزم ونسى المه شويه وكانت عماله تتكلم بس هو مش سامعها
ياسين كان هيطلب ان هي توافق : ممكن ...
سهر وهي ماسكه راسها : هاته ؟؟
ياسين : ايه الهاته ؟؟
سهر : الcv وبكره تيجي الشركة بدري
ياسين : انت بتهزري؟؟
سهر: افندم !!
ياسين: متاسف بس من الفرحه
سهر : ارحمني بقه وخليني اروح
ركبت سيارتها وطلعت علطول على بيتها اما ياسين فكان ماشي بيتنطط من الفرحه وبيعرج في نفس الوقت ورجع على البيت وهو على لسانه كلمه واحده بس
على اد الذل الانا اتذليتو النهارده
هوريكي يا سهر هانم وهردهولك الضعف وانسي كل حاجه حلوة في حياتك لانك من النهارده هتشوفي كل وحش وهتنسي السعاده الانتي فكراها ابديه

سهر رنت الجرس
سهر ببصتها الطفوليه : ازيك يا دادا لطفية
لطفيه : الحمدلله يا بنتي .. اتاخرتي كده ليه ده انا قلقت عليكي
سهر: لا متخافيش انا تمام جدا
لطفيه: وشك اصفر اعملك حاجه تكليها
سهر :شكرا يا داده ...انا هنام عشان ارتاح
لطفية :تصبحي على خير
سهر باستها : وانت من اهله
ودخلت علشان تروح لغرفتها وتنام
________________
في صباح اليوم البعده
صحى ياسين وهو كله نشاط ومستعد انه يبدا خطته
لبس بدلته وجهز الفطار وحضر لابتوب وخرج بره البيت
على الباب قابلته سارة  فمقفلش الباب
سارة :صباح النور يا ياسين
ياسين: صباح الورد
سارة : انت مش هتستنى الجماعه 
ياسين : ورايا شغل يا ستي هههههه .. .اهو يا ستي احمد جه علشان يونسك اقعدو اشتغلو متلعبوش
احمد: ازيك يا ياسين ....ازيك يا سارة
ياسين: كويس كويس ..يلا مع السلامه ..متنسوش الباب مفتوح

احمد:مع السلامه
سارة: مالك يا احمد شكلك مش على بعضك
احمد: ولا حاجه بس هو .....هو
سارة بضحك: ههههه ايه البيحصل معاك يا احمد
احمد: ممكن نفطر مع بعض بره
سارة : طبعا
احمد : على فكره شكلك حلو النهارده
سارة : يا سلام
احمد: اه والله .. بينا يلا

صحيت سهر متاخر وكانت تعبانه جدا .. اخدت شاور واعدت تسرح شعرها الاشقر ... وعلى التسريحه 
سهر : هو فين الدوا بتاعي ... مش لاقياه
قلبت عليه غرفتها لكم ملقتهوش
لبست سهر وخرجت علشان تفطر
سهر : صباح الورد يا دادا
لطفيه: حبيبتي ...  بااهنا والشفا 
سهر : الله يهنيكي.... تسلم ايديكي  يا دادا... يلا انا ماشيه
لطفية : تعالي كملي اكل يا بنتي
سهر : لا انا اتاخرت ولازم اروح ..سلام

وصل ياسين الشركة ومضى اول حضور ليه كان من جواه مبسوط جدا بس كان بيضحك على نفسه
ياسمين : يلا يا جماعه كل الموظفين على غرفة الاجتماعات
كل الموظفين : حاضر
في الغرفة كان كل الموظفين بيسالو عن سبب تاخر مديرتهم  - هي انسه سهر بتخلينا تيجي وهي بتتاخر
- حاجه تقرف
- علشان معاها فلوس بتدوس عل الناس
قاطع كلامهم  فتح الباب ودخول بدر الشركة سهر كانت جاية بفسات اسود عليه ورود بيضه  اكمامه واسعه على طرحه بيضه شايله شنطتها ومشيت لغاية ما وصلت لنهاية طا ولة الاجتماعات الطويله الكل وقف كلام وبصو على الارض الا ياسين  حصلت حاجه غريبه معاه اعد يبص عليها وهي داخله بالطله الملائكيه  ومقدرش يشيل عينه من عليها  ......  حط ايده على قلبه ...في قلبه كان حاجات غريبه بتحصل   .. كانها تفاعلات نبض جامد  وابتسامه لطيفه على وشه وعيونه الخضرة دمعت من عدم بربشته برموشه

سهر بابتسامه : اهلا
الموظفين : اهلا يا انسه سهر
سهر : اتفضلو اقعدو
طبعا الاجتماع  بتاع النهارده ...علشان تتعرفو على الموظف الجديد الاستاذ.....
وبصت سهر لياسين
ياسين : اسمي ياسين 
سهر : الاستاذ ياسين هو الوحيد الاتاهل للوظيفه بسبب ...بسبب تميزه وابداعه ( وبصوت واطي قالت وزززنننننه )
انتو لازم تفهموه طبيعة شغلنا والممنوعات والمسموحات والعقاب
ياسين : ربنا يقدرني واكون عمد حسن الظن
سهر : انشاءالله ... الدوام من الساعه 9  الصبح الى الساعه 10 مساءا... لازم تبداو شغل من دلوقتي
ياسمين : تقدرو تمشو الاجتماع خلص
الموظفين : تمام

بره ياسمين ورت ياسين المكتب وبدا زمايله يشرحولو طبيعة الشغل وكدع وهو كان متفاعل جدا معاهم
فكر ياسين انه لازم يعرف كل واحد في الشركة ويستفيد منه ويجمع اكبر قدر من المعلومات
___________
وفي الطريق لبيت ياسين
سارة برقة  : شكرا على  الفطاار اوي يا احمد
احمد: عفوا على ايه ..
سارة : لازم ندخل نخلص الشغل... وونفذ البحث على اسامي موظفينوالشركة وعن سهر والدخل والاماكن الشركة بتتعامل معاها
احمد: مش ناسي طبعا .... انا كلمت بدر قالي انه مش جاي لانه مراته رجلها اتكسرت فيقعد معاها .....  ورامي حفلة تخرج بنته النهارده فبيجهز نفسه ومازن تلفونه مقفول
سارة : يعني الشغل هيترمي علينا طبعا هههه
احمد: الظاهر كده هههه
وصلو عند الباب
احمد : ladies first
سارة :اوه لا لا oh la la
مسك اوكرة الباب فلقى الباب اتفتح
احمد : ايه ده الباب مفتوح
سارة : احنا نسيناه ..ياربي
فتح احمد الباب وفتحت سارة  النور وكاانو مدهوشين وفي حالة صدمة
سارة واحمد : هو ايه الحصل هنا 
البيت كان كله مقلوب والديكور كان متكسر ومتكركب ايوة حد دخل البيت وفتش فيه كويس 
سارة بخوف : ياربي ...
احمد : انا رايح اتاكد ان المخبا كويس خليكي هنا 
سارة : لا انا جاية
احمد: سارة خليكي هنا متخافيش 
سارة وهي بتدمع  : حاضر حاضر
احمد راح واتاكد انا المخبا كويس و الدخل معرفش مكانه
وخرج فسمع صوت صريخ سارة  جلي من بره
احمد: سارة !!!