دماغه توزن بلد

الجزا الثالت والعشرين 2

مر اسبوعين ياسين كان بيخطط وبيجمعو اكبر معلومات عن البيت... وجهزو ليوم العمليه الهو النهارده
ياسين : هنراجع بسرعه العمليه الهتدوم 3 ساعات بضبط خلي بالكم الوقت اهم حاجه في الحكايه دي .. دقيقه واحده مش محسوبه هتبوظ كل الاشتغلنا فيه ..
رامي ادى لسهر حقنه المنوم : دي الحقنه الهتحقني بيها مازن
سهر : تمام 
ياسين : خطتنا نفس الاول ضحى هتعطل الحراس .. وادم هيدخل غرفة الامن وهيعطل حقل الكهربا وانا وعمرو ورامي هندخل .. رامي هيحط المنوم في اللحمه للكلاب واثناء تبديل الحراس هدخل البيت انا وعمرو ورامي هيخرج  ... ادم هيبلغ ضحى انه خلص .. سارة مهمتك المراقبه هنا انت وبسمه هتكون مسؤولة على الاتصال بالاسلكي هتقدري تشمعينا كلنا  للاجواء بره .. وانت يا احمد هتعطل الكاميرات ... هنشيل انا وعمرو كل الكاميرات الاحنا ركبناها  ..  سارة وبسمه كل 15 دقيقه وقت التبديل بتنبهو احمد ومحمد وهما هينبهوني ولما تيجي الدقيقه 32 ..هتصل بسهر علشان تبدا دورها  .. هتجهز هي وبسمه وسارة .. وهيروحو خلال ربع ساعه للامن وهتمثل سارة انها بتولد وبسمه هتسندها .. في الوقت ده سهر هتنط من فوق السور وتربط نفسها بحبل مع البيت وههتتسلق للشباك رقم اتنين من الشمال من الدور التاني في البيت .. رقم اتنين متنسيش .. وانت هتكوني مساله علشان تفتحيلي باب الاوضه من فوق  علشان ندخلك ... الباب مبيتفتحش الا من جوه يا سهر فلازم تكوني سريعه جدا .. محمد هيبدا يجهز واحمد لازم يبلغني  قرب موعد وصول مازن .. عموما هو هيجي بعد 10 دقايق تقريبا من وقت فتح سهر للباب.. عمرو وانا هنستخبى  وسهر هتطلع عند فتحة التهوية فمتنسيش المفكات .. ولما مازن يجي سهر هتنزل من وراه وتحقنه بالمخدر .. ولما هيقع انا وعمرو هنشيله وهننزل بيه وساعتها هنبلغ محمد الهيكون لابس لبس بتاع الزباله البيكون بيجي كل يوم في نفس الوقت وطبعا هيدخلوك البيت هنطلع انا وعمرو بعربية الزباله الانت هتجرها  وهنحط مازن فيها .. وانت هتجرنا وهنخرج اما سهر  هتكمل طريقها من فتحة التهوية ... سهر اخر فتحة التهوية مقلب الزباله هتقعي فيه معلش ..

سهر بقرف : هحاول
ياسين : وممنوع ضرب اي حد من الست حراس علشان هيتلم علينا البقيه وهيطحنونا .. يلا بينا 
الكل قام  وبداو يطلعو واحد واحد
سهر : ياسين
ياسين : ايوة
سهر :خلي بالك على نفسك
ياسين ابتسم : لا الاه الا الله
سهر : محمد رسول الله

______
وبالفعل محمود وصلهم وبدات ضحى تنفذ وادم ورامي واثناء التبديل عمرو وياسين دخلو البيت
ياسين : يلا يا عمرو بسرعه
عمرو : في كاميرتان في المطبخ  وتلاته في ... ياسين الحق
ياسين : ايه ؟!
عمرو : جهاز انذار ..
ياسين جرى على الجهاز
عمرو : ده رقم سري لازم ندخله خلال 30 ثانيه
ياسين اتعصب : ازاي حاجه مهمه زي دي ماخدناش بالنا منها
عمرو: اهدى وكلم محمد
ياسين مسك السماعات : محمد .  ايه رقم جهاز الانذار 
محمد :جهاز ايه  ؟
اياسين : بسرعه .. طب يا احمد عطله
احمد : مش هعرف لازم اكون متوصل بيه

سهر :ايه البيحصل يا بسمه
بسمه : فيه جهاز انذار . 
سهر اخدت السماعع من بسمه  : اسمعوني امشو بسرعه ..
ياسين بيحاول يفتح الباب : اتقفل علينا .. لازم نكتب الرقم
عمرو : ياسين فيه مفتاح ! اتوقع
بسمه سمعته ففتكرت المفتاح الشافته في المطبخ : عمرو .. روح على المطبخ بسرعه  .. فيه على الميه مفتاح صغير ممكن يكون مفتاح الجهاز
عمرو : حاضر حاضر
وجرى بسرعه وجاب المفتاح واداه لياسين
5 ..4 ..3 .. 2 ..1..0
مجرد ماياسين ركب المفتاح وقف الجهاز في اخر ثانيه
ياسين وقع على الارض وبيضحك رغم عيونه الكانت بتدمع
عمرو : يس يس
ياسين : يلا نكمل كفاة الوقت الضاع .. سهر يلا اجهزي بسرعه
سهر : يلا .. يا سارة بسرعه ضحى هي الهتوصلنا
سارة : تمام
سهر جاي تفتح الباب
سارة : آااااه  
سهر : ايوة مثلي بنفس الطريقه قدام الامن جدعه والله  .. بس بسرعه علشان هنتاخر
سارة قعدت على الارض : لا بجد يا سهر  .. آاااه انا شكلي بولللللد
بسمه وسهر جريو عليها
سارة : آااااااه سهر
سهر كانت مش عارفه تتصرف  : بسمه لازم نخدها المستشفى بسرعه .. 
سارة بتعيط : بموووت
سهر : اهدي بس يلا
بسمه : يلا قومي معايا ..
سهر سندتها
بسمه : احنا مش مفروض نقول لياسين
سهر : اه روحي اتصلي .. بسرعه
بسمه  اتكلمت في ال لاسلكي : الو الو ..
بعدين رمت التلفون
بسمه : الاتصال انقطع
سارة بتعيط جامد
سهر : مش مهم دلوقتي المهم صحة سارة والبيبي
ونزلو بيها على السلالم 
___
عمرو : ياسين مش سهر اتاخرت !!
ياسين : 4 دقايق
عمرو : متقلقش انت بس.. الغايب حجته معاه 
ياسين : انا القالقني ان محدش اتكلم
عمرو : ...
مكالمه محمد : يلا ياسين مازن في الطريق
ياسين : نعم !!.. احنا لازم نطلع بسرعه
عمرو : بس ازاي ؟! الرجاله محاوطنا من كل حته
ياسين : غطي وشك بس
غطو وشهم وخرجو من الباب
______
ضحى كانت بتسوق : يلا قربنا نوصل للمستشفى ...
سارة : بموت
سهر بتمسح عرق سارة  : طب اعملك ايه طيب... ياربي انا فعلا مش عارفه اتصرف ازاي
ضحى : اهدي يا سهر .. وصلنا ساعديني نطلعها يا بسمه
سهر : انا رايحه اجبلها كرسي متحرك
بسمه : معلش يا سارة  ... اتحملي شويه
سهر جريت وراحت جابت كرسي ..
وبسرعه كانت سارة منقولة لغرفة الولاده
سهر كانت بتعيط
بسمه : فيه ايه
سهر : شايفه كانت بتتوجع ازاي ..  مش عارفه اذا هي كويسه او هتبقى كويسه  ... ولا الطفل البريء الهيتولد في ظروف غبيه 
بسمه : متافوريش يا سهر هتبقى تمام ..انا متاكده
سهر  وقفت : ياسين  يا ترى ايه الحصل معاه

_____
ياسين خرج الاول فملقاش الحراس...
عمرو صرخ بفرجه : الحمدلله مش موجودين ..
وفجاة اتنين من الحراس جهم يجرو بعد صوت عمرو 
ياسين : الله يخرب بيتك
ياسين ضرب  حارس بايده فوشه وبعدين عوج راسه فوقع على الارض وبالنسبه للتاني الكان بيخنق عمرو ياسين ضربه في رجله ووقعه على الارض
وبعدين طلعو يجرو على سيارة عم محمود
ياسين :انا الهسوق يلا
الكل : فيه ايه
ياسين : الحراس بيجرو ورانا
ياسين ركب مكان عم محمود وبدا يجري بالسيارة وعربيه وراه وضرب نار
ياسين زعق : كلكم احمو راسكم
رصاصه جت في ازاز الشباك الجنب ياسين 
وياسين كان بيسوق بسرعه جنونيه
ادم زعق  : خالو عربية نقل يمينك ..هتخبط
ياسين :...