دماغه توزن بلد

الجزا الواحد والعشرين 2

ياسين : بصراحه انا مش عارف هبدا ازاي .. وفكرت كتير اوي قبل اللحظه دي .. كلنا مختلفين بس اتوقع ان هدفنا واحد .. او هيكون واحد ... زمان عانيت كتير بسبب شخص واحد .. خدعني بمسمى الصداقه .. واكتشفت بعد كده انه اكتر واحد عاوز يكسرني وبيحاول يحطم فيه واحده واحده .. لا مش كده كمان انا كنت غبي لما فكرت اني اسيبه ..عملت حساب للكنت بسميه زمان اخوه فكانت نتيجة ده موت ( دمع وكان بيصارع الدموع وبصوت مهتز ) موت اعز صديق واخ ليه .. وعدت السنين ولسه في قلبه الحقد والرغبة في انه يخلص مني ويضعفني ... وفعلا قدر يعمل كده لما أذى مصدر قوتي وحسيت فجأة ان الزمن وقف ... لكن لاول مرة الحظ حب يديني فرصة تانية ... رجعلي قوتي الي كانت بتموت .. ورجعني ياسين بتاع زمان ... انتو بس الممكن تساعدوني .. الشخص ده اسمه مازن .. هعرفكم من البداية انه هيبقى الوضع مش سهل ومحتاج تخطيط كبير علشان نفهمه .. وهنواجه اخطار لازم نكون ادها .. انا هحترم راي وقرار كله واحد منكم ومش هقدر اجبر اي حد على حاجه.. ف مين مكمل معايه ..
عمرو : انا معاك طبعا
محمد : وانا
ضحى : وانا
الباقي : واحنا كمان
ياسين : خلاص ندخل في الجد ... مازن قريب جدا مننا بس محتاجين شوية ذكاء .. عاوز اعرف تحركاته عاوز اعرف هو عايش فين ..
احمد : طب هنعرف التفاصيل دول ازاي ؟!
ياسين : حلو ... مازن ذكي جدا .. واحنا لازم نستخدم نفس السلاح معاه .. هو كان بيدور على سهر بقاله فترة زي ما قالها
سهر : صح
ياسين : فده معناه انه ممكن يكون بيراقب سهر طول الوقت من غير ما تاخد بالها .. فاكيد كان بيتعامل مع اي حد ليه صلة بسهر وبيرقبه كمان علشان يوصلها .. فممكن يكون بيوصل طفل كل يوم لمدرسه بسمه .. او عميل في بنك عمرو .. او زبون على سوبارماركت عم محمود .. او ساكن في بيت من البيوصلهم محمد ... دلوقتي هنوسع الدايرة ... ضحى وادم ميعرفوش مازن اوي ممكن يحاول يشتغل عليهم بردو ..

ادم : طب احنا ازاي هنعرفه لو شفناه
سهر : صور قديمة
رامي : يعني ايه
سهر : اكيد انتو كان عندكم صور ليه ..
ياسين : فكره
سارة : بس احنا مسحنا كل صورة تجمعنا بيه
احمد : انا ممكن استرجع الصور
ياسين : حلو جدا
سهر : اه افتكرت حاجه كمان .. لما كنت مخطوفه اتذكر اسم مارك كوردنير اكتر من مرة ...
ياسين : يعني هو بيستعمل اسم مستعار .. معلومه كويسه جدا
ضحى : طب وانا مفروض اعمل ايه
ياسين : احنا هنحتاج لكل حد هنا ..مش شرط دلوقتي .. ممكن نستخدم الالماني الممتاز بتاعك .. مهارة سهر في التسلق .. مجال دراسه ادم .. قوة احمد طبعا في الكومبيوتر .سارة المراقبى... والباقي هنستعمل تكنيك التمثيل ..

بسمه : كويس بس كل ده هيحتاج وقت طويل
سهر : تسع سنين انتظار وقت طويل جدا .. معتقدش اننا لاز نطول اكتر من كده
ياسين : صح .. اهم حاجه الحرص .. لازم كل واحد يفكر ميت مرة قبل ما يعمل اي خطوة .. لازم نحسب خطوتنا ولازم نتواصل كلنا سوا علشان اي غلطه هتوقعنا كلنا بلا استثناء

محمود : اتفقنا
سهر : كده خلاص ؟!
ياسين : اه تقريبا ..
عمرو : ان شاء الله كل حاجه هتمشي بالشكل الاحنا عاوزينه
بسمه : انا همشي دلوقتي لان ورايه شغل كتير
ياسين : اه اتفضلو
___________
يومين عدو عادي الكل بيتصرف على طبيعته ومحدش عارف يلاقي اي معلومه مفيدة خالص
وفي بنك عمرو .. كان قاعد بيشتغل وبيظبط اوراق مهمه
وفي المكتب الجمبه
الموظف : نحن لا نملك الصلاحيات لاتمام هذه المعامله
الراجل زعق :ماذا تقول .. انت تعمل هنا بمالي .. وتقول لي انك لن تستطيع .. اريد ان التقي بالمدير العام
الموظف : اسف حقا .. سافعل ما هو بوسعي ..
عمرو مكنش مهتم بالمحادثه
الموظف : هل يمكنني ان اعرف اسمك الكامل ؟!
الراجل : مارك كوردنير
قالها وابتسم ابتسامه خفيفه وبص بطرف عينه لعمرو
اول ما سمع الاسم كان عمرو في صدمه وحاول ميبصش في عينه ابدا علشان ميعرفش مازن انه عرفه ..
مازن : ساعود قريبا لاكمل معك .. اراك لاحقا
مشي مازن وعمرو قام من مكانه بسرعه وراح لصاحبه الكان بيكلم مازن
عمرو : مين ده يا ايمن ؟!
ايمن : عايز تعرف ليه
عمرو : مبهزرش يا ايمن ..
ايمن : ده استاذ مارك ..
عمرو : بقالك كتير بتشتغل معاه ؟
ايمن : خمس سنين تقريبا
عمرو : وعنده حساب هنا
ايمن : تحقيق ده ولا ايه ؟ اه عنده حساب .. ومسجل فيه معلوماته الشخصيه كلها .. تحب اقلك رصيده في البنك كمان
عمرو وطى صوته : حلو جدا .. ايدك على المعلومات
ايمن بصوت عالي : انت عاوزني اسربلك اسرار العملة علشان اترفد انا وانت
عمرو كتم بق ايمن وبص يمين وشمال : الله يخرب بيتك ..هتفضحني
ايمن بعصبيه : حل عني يا عمرو دلوقتي علشان متلبسش نفسك مصيبه
عمرو رجع مكتبه : طب هعمل ايه دلوقتي ؟!
واحده من الموظفين : سيد ايمن المدير يود رؤيتك حالا
ايمن قام وراح 
عمرو ابتسم : هعمل الصح
قام عمرو وقفل الباب ورجع لمكتب ايمن و فتح الخزانه  وكان فيها ملفات كتير
عمرو بص وراه ورجع تاني يدور
عمرو : مارك ..مارك  .. فينه ده ؟! . اهو
فتح عمرو الملف وبدا يصور كل المعلومات
ايمن فتح الباب
ايمن : عمرو !
عمرو قبل ما يوصل بثواني رجع مكانه : ايوة
ايمن : انت ايه المقعدك لغاية دلوقتي دوامك خلص
عمرو : ها؟ اه يلا ماشي سلام

عمرو لم حجاته ومشي وطلع جري على بيت ياسين ..
ياسين  فتح الباب
ياسين : عمرو !
عمرو بينهج : اه
ياسين : الساعه 9 بليل  .. ايه الجايبك دلوقتي
عمرو : 15 شارع st2
ياسين : ايه ده
عمرو فتح تلفونه : عنوان مازن اهو
ياسين مكنش مصدق عيونه .. وادى ل عمرو ميه 
ياسين : اتصل بمحمد يلا وجهز نفسك
عمرو تف الميه الفي بقه :ليه احنا رايحين فين
ياسين : ايه القرف ده يا ابني ...هتعرف حالا