دماغه توزن بلد

الجزا الثاني والثلاثين

جمال دخل وقعد وسارة كانت واقفه وبصه على الارض
سهر ربعت ايديها : الساعه كام في ايدك يا جمال .. انت مجنون ...
جمال ولع سيجارة : موضوع مهم ... ولا ايه يا سارة
سهر شدت السيجارة من ايده ورمتها على الارض وداست عليها:. ايه اسلوب الثقه ده .. انا ممكن اجيب الامن لو مقعدتش باحترامك .. انجز لان الوقت متاخر لو عارف
جمال :قعدي بس..ده الكلام هيطول
سهر قعدت
سهر لنفسها : فعلا انا مش فاهمه حاجه .. ايه البيحصل في الزفت ده .. مش فاهمه طريقته .. مش فاهمه نظراته لسارة
جمال بدا يضحك بستفزاز : ههههههههه ... انا بجد مش مصدق .... انا جمال اليحصل فيه كده
سهر اتعصبت  : سارة فيه انا مش فاهمه  ..
وركزت شويه
سارة : انت متعوره في وشك ليه  .. اوعى يكون مد ايده عليكي
جمال : من غير لف ودوران عاوز  60 %
سهر  : نعم ؟؟
جمال : 60 % من نسبة الفلوس  الهتطلع من المشروع هتروح  باسم جمال 
سهر : والا ؟؟  ..
جمال شد سارة : قوليلها انت يا سوسو 
سارة : جمال هياخد 60 % والا هيدخلني السجن ..
جمال : نحترم نفسنا .. اسمي الاستاذ جمال
سارة عضت على سنانها  : الاستاذ جمال من كام يوم خلاني اوقع على ورقه .. بما اني محامية الشركه وخلاني البس كل اليلة  .. هيقدم الورقه للشرطه .. الورقة عبارة عن اقرار اني انا الي..
جمال ضرب كتف سارة جامد: كملي
سارة : الي مسؤولة عن عمليات النصب الي كانت في الشركة والبنايات  الي اتهدت وسرقه الاموال ...  زائد انه انت مشتركة معايه في الجريمه
سهر عيونها دمعت : و ..
جمال : ولو موقعتيش انت كمان على الورق البيقول اني هاخد 60 % من نسبه المشروع وكتبتيلي نص شركتك .. يقى توصي حد يجبلك انت وسارة عيش وحلاوة في السجن

سهر قامت من مكانها وضربت جمال بالقلم : ليه كل ده 
جمال اتوجع من الضربه فراح لسهر وزقها على الكرسي  

جمال بدا يزعق ويصرخ عليها بصوت عالي : انتو الاتنين متفقين عليه .. عماله عصابه وناوين توقعوني .. عماليني تجمعو علي اوراق ... وكمان بعتيها تراقبني هي وواحد كمان ..
سهر غمضت عيونها من صوته
جمال داس على ايديها اوي : بس انا مش غبي زيك وزي الهانم التانيه .. انا لعبتها صح .. لو تعرفي انا ممكن اعمل فيكو ايه .. هخليكم تندمو وعد  يا سهر .. وعد ..   
سهر : سيب ايدي  
جمال زعق اكتر  : على فكره لو فكرت تغلطي نص غلطه معايه  .... انا معايه ورق كتير هطلعه بس لما اقش الانا عايزه .. تمام يا حبيبتي .. خلي بالك  يا سهر انا معاكم بكره فخلي بالك اني ممكن اضيع المستثمرين من بين ايديكي
 
_____
في الوقت ده كان صوت عماله يعلى وياسين كان مش قادر
ياسين لامير : انا هروح يا امير
امير : استنى يا ياسين .. سيبه براحته متعملش مشاكل
ياسين اتعصب  : انت مش سامع الاصوات انا هروح اوقفه عند حده
________
جمال جاي يمشي
فلف وضرب سهر بالقلم
جمال : دع تمن القلم الانت ادتهولي
سارة اتنرفزت منه وضربته برجلها  بحركة من حركات ياسين
فجمال رايح يضربها
سهر وقفت قدامها وبصوت عالي : اطلع بره 
جمال:..
سهر : قلت اطلع بره
وقعت على الورقه وادتهالو بكسرة
جمال : خلاص تمام .. ممكن اقطع الورقتين دول لو كل حاجه اتنفذت زي ما طلبتها .. متخافيش انا مش وحش للدرجه دي

طلع جمال من جيبه لبانه وبدا يمضغ
جمال: ياريت البني ادم البره ده ميعرفش حاجه .. لاما .. مش محتاج اقلكم ايه الهيحصل .. بس انا  ممكن اقتله عادي ! ! انا مبستلطفهوش

ومشي وفتح الباب وكان ياسين كان لسه هيخبط على الباب وخرج جمال وضرب بكتفه ياسين

سهر قعدت على الكرسي والدموع بدات تنزل من عيونهة
سارة : ليه وقعتي على الورق
سهر بصوت واطي ابرز جمال صوتها : وكان في ايدي ايه اعمله
ياسين خبط على الباب الكان شبه مفتوح : ممكن ادخل ؟
سهر مسحت دموعها : روحيله .. يا سارة
سارة :حضرتك كويسه .. شكلك تعبت فجاة
سهر : لا ولا حاجه بس روحيله انت .. واوعي تحكيلو على حاجه
سارة بصتلها بقلق : حاضر
وراحت للباب
ياسين : المتخلف ده عمل ايه
سارة : مش مهم يا ياسين
ياسين : ايه ده الفي وشك يا سارة
سارة : خلاص يا ياسين بقه امشي 
ياسين : انا عايز اشوف الاستاذة سهر
سارة : سهر مش هينفع تقابل حد هي ..
سهر قاطعتها : انا هنا
ياسين : حضرتك كويسه
سهر بشجاعه جدا   : دي اول مره في حياتي احس اني كويسه
ياسين : بس انا مش حاسس كده
سهر: انا اسفه علشان صحيناك من نومك
ياسين : انا مش فاهم حاجه
سهر : ادخل غرفتك وارتاح ورانا بكره شغل كتير
سارة كانت ماشيه
سهر مسكت ايديها : انت هتباتي النهارده عندي انا عندي سريرين في غرفتي
سارة : مش ضروري والله انا هاخد اي غرفه
سهر : انت في امانتي يا سارة .. وانا عارفه انك هتبقي بامان عندي 
كل واحد دخل غرفته 

اليوم البعده الساعه 6 ونص .. صحى ياسين ولبس قميص زيتي بكم  وجهز نفسه ونزل وخبط على باب كل غرفة وصحى كل الموظفين ... وكانو كلهم بيقومو بتعب .. لغاية ما وصل عند غرفة سهر ..ياسين رن الجرس وساب حاجه على الباب  ومشي بسرعه
سهر قامت وبصت من العين السحريه
سهر : مين الرن الجرس
فتحت الباب  ولقت رساله وباستغراب شالت الرساله ودخلت الغرفة
سهر بتقرا: من ياسين
سهر كانت هترمي الرساله لكن بالصدفه عيونها جت على جمله  انا متاكد انك هترمي الرساله !! ف ادي لخطي فرصه تانيه وافتحي الرساله
سهر : هههههه
بتبص على سارة لقتها بتتقلب فراحت دخلت البلكونه
كملت سهر : اتمنى انك تبقي كويسه النهارده كمان  ..انا مش عارف ايه الحصل .. بس ممكن اساعدك باي حاجه .. بس احكيلي ايه الحصل بينكم والزفت الي اسمه جمال ... انا مستعد اعمل اي حاجه علشانك ..
يلا علشان نبدا نشتغل .. ورانا  شغل كتيير .. وانا هعمل قصارى جهدي علشان المستثمرين يفضلو معانا ويحبو شغلنا .. وده وعد مني
سهر: تمام يا استاذ ياسين .. حاضر يا فندم 
راحت سهر وصحت سارة ولبست فستان ابيض باكمام واسعه مطرزة بورود تركوازيه .. وعلى حجاب جمع بين التركوازي والابيض
ونزلت هي وسارة
سهر ربعت ايديها ... وبصت على ياسين  الكان بيجمع في الموظفين ووداهم على المطبخ : انا مستعده  جدا
جمال جه  جمبها : وانا كمان
سهر برقت عيونها :.....