على السفرة في قصر صدقي
صدقي قاعد بيبص على ابنه وبيتسم
نور : ايه يا عمي ده .. ياسين قدر يخليك تنزل تفطر معانا
الكل : ههههه
عاطف : ومين سمعك يا نور ... شايفه الابتسامه الوصله لودانه
صدقي : ايه انتو عملتو رباطيه عليه ولا ايه
ياسين : بص انت وهي محدش يضايق بابا باي كلمه ..
صدقي : حبيبي يا ابني .. انت نازل ؟!
ياسين : اه بصراحه رايح لضحى علشان اخد منها شوية حجات صدقي : ضحى مين
ياسين : ضحى دي اسخف حاجه حصلتلي في حياتي
ادم : حرام يا جدو والله هي بنت كويسه جدا .. بس ياسين مش متقبلها
صدقي : ليه يا ابني كده
ادم : علشان مش هي حبه .. بس مجبر عليها
ياسين : انا مش عارف اتصرف ازاي ..
صدقي :..
ياسين : انا هنزل وهرجعلك تاني و هحكيلك كل حاجه
صدقي : مع السلامه
_________
ياسين فعلا قابل ضحى
ياسين : ازيك
ضحى : بخير .. وانت
ياسين: ماشي حالي ..
ضحى :..
ياسين : ايه الحاجه العايزة تدهالي واتصلتي بيه عشانها
ضحى : لازم نتكلم في تفاصيل الخطوبه ..دي بعد اقل من اسبوعين
ياسين : انا ماشي
ضحى : استنى بس
ياسين : كام مرة قلتلك انه انا مجبور وحلا هي الاجبرتني .. فلو عايزة تتكلمي روحي اتكلمي معاها مش انا ..
ضحى : انت واخد بالك ان كلامك مش لطيف ومحدش يقدر يستحمله ..
ياسين : ضحى .. انا مكنش قصدي المعنى الحرفي للكلام .. انت بنت كويسه جدا ... وعلشان كده مش حابب اظلمك
ضحى : علشان سهر !
بالغلط اتخبط فيها ولد صغير ووسخ هدومها بالايسكريم
ضحى برقت للولد
الولد خاف ورجع لورا شويه
ضحى : انا رايحه اغسل البهدله دي
ياسين قعد على ركبه ونزل للولد
ياسين ماسك ضحكه بالعافيه: انت بطل .. لما فعلته في هذه الساحره ..القبيحه
الطفل ضحك وطلع يجري
اما من بعيد كانت سهر ماشيه و ياسين شافها
ياسين نادى : سهر !
سهر لفت وراها فلقت ياسين وراحتله
سهر : ازيك
ياسين : تمام .. وانت
سهر : الحمدلله ..
ياسين : انا اسف علشان كلمتك امبارح متاخر
سهر : لا انت تتكلم في اي وقت ..
ياسين : نعم؟! قلتي حاجه
سهر : ها ؟! انت سمعت حاجه
ياسين : لو سمعت مكنتش سالتك
سهر : لا مقلتش حاجه ..
ياسين : سهر ... ايه رايك لو تيجي اعرفك على والدي
سهر ضحكت : اه طبعا ..
ضحى طلعت من الحمام ووقفت جمب ياسين
سهر ملامحها اتقلبت وكانت مستغربه من وجود البنت دي
ضحى مدت ايديها علشان تسلم : اهلا .. ازيك يا سهر
سهر بتردد سلمت عليها : اه. اهلا
ضحى : وانا بقول وش ياسين نور ليه اتاري انت موجوده
سهر : اه .. معلش على السؤال ده .. بس هو حضرتك مين .. اصل انا شفتك لما كنت راجعه من المستشفى ...
ضحى : انا ضحى .. خطيبه ياسين
سهر ضحكت : بجد .. الف مبروك يا بطل ( ضربته في بطنه )
مقلتليش يعني
ياسين بتردد : اصل..
سهر : مبروك يا ضحى .. احنا لازم نتكلم كتير و تحكيلي كل حاجه .ونبقى صحاب ولا عندك مانع
ضحى : لا طبعا
سهر : يلا سلام
ياسين مسك ايد سهر : استني بس
سهر ابتسمت و طبطبت على ايده وبعدتها عن ايديها
سهر : انا مضطرة امشي .. علشان الشغل والا هترفد .. سلام
سهر لفت ومشيت وبدات تعيط من قلبها .. ومسحت دموعها .. وبس بعدت عن المكان الكان واقفين فيه قعدت على الارض وعيطت بصوت عالي ... واتصلت بالتلفون على بسمه لكن بسمه مردتش .. فاتصلت بعمرو
سهر : ليه بسمه مبتردش عليه
عمرو : انا في الشغل مش عارف اكلم .. مال صوتك انت بتعيطي ليع
سهر : انت كنت عارف ان ياسين خطب
عمرو : ...
سهر : انا بكلمك
عمرو اتعصب بس حاول ميبينش علشان شكله في المكتب : اه كنت عارف .. ومكنش ينفع اقلك .. علشان متزعليش
سهر زعقت : ودلوقتي لما عرفت ما زعلتش مثلا .. شكرا جدا
وقفلت
أنت تقرأ
دماغه توزن بلد
Romanceدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
