بعد مرور وقت ... وقت طويل .. دول سنين ... 9 سنين بضبط ..
(- لا يا سهر متمشيش .... ضرب سهر ليه بالقلم على وشه ... ركب العربيه وهو بيسوق بسرعه جنونه ... ووهو على السرير .. ومحطوطله جهاز التنفس .. والشاش على راسه .. وجروح في وشه ... فتح عيونه لاول مرة ..بعد 3 اسابيع في غيبوبه ... مش شايف نوعا ما ...وكان باصص على السقف ... وبص حواليه لقى حلا بس الجمبه ... بصوت متقطع سال
" سهر " ... فترد حلا بصوت جامد .. " مش هترجع تاني " .. فيبدا بهز راسها وهو بيقول لا .... ورفع جهاز لتنفس .. وبدا يشيل حقن المحاليل وهو بيعيط .... مستحيل .. مستحيل يا سهر تسبيني بالسهولة دي .. لكن يقع تاني )
ياسين فاق من النوم .. وقام قعد بحركه سريعه وقلبه كان بيدق ...
ياسين بيشرب مايه : انت مش هتبطل تحلم بنفس الحلم ال السخيف ده نفس الشريط بيعدي كل يوم .. اهدى يا ياسين اهدى
قام ياسين وفتح الدرج وطلع علبه المهدا واخد حبايه ..
لبس بدلته السوده ورتب شعره وحضر شنطته البيحط فيها اوراق شغله .. ولبس نظارته وساعته وفتح باب غرفته وطلع على الصاله
حلا كانت بتحضر الفطار : صباح الخير يا ياسين
ياسين بدون تعبيرات : صباح النور
وصب قهوته وفتح الجرايد
شريف طلع من غرفته كان لابس بدله الشغل .. وقعد على السفرة مقابل ياسين
شريف ابتسم : عامل ايه النهارده ...
ياسين مردش لفترة وبعدين : عايش وده اهم حاجه
شريف اتقلبت بسمته ..
ياسين : امال فين ادم ??
حلا : في اوضته منمش طول الليل
ياسين : انا هروح الشغل .. وهرجع بدري
شريف : ربنا يوفقك
ياسين مردش على شريف اكتفى بتمثيل الابتسامه
وخرج اخد تاكسي .. وراح للشركه
في الشركه
كانو الموظفين متجمعين حولين المدير وقف ياسين معاهم وسلم بهدوء على سارة ...
جمال : انا مبسوط خالص بالانجازات الانتم عملتوها في الشركه .. كلكم اجتهدتو جامد لكن في حد منكم الكان السبب في نجاح مشروعنا الاخير.. ومش طبعا في المشروع ده بس لكن في التمن سنين الفاتو ... البشمهندش ياسين المتميز دايما ...
كل الموظفين وسعو لياسين وبداو يسقفو لزميلهم المحبوب ياسين ...
ياسين ضحك وعيونه لمعت : شكرا جدا على تقديرك ليه
جمال ابتسم : تستاهل العلاوة
امير : ياسين .. ياسين ..الشبح
ياسمين : مبرووك
جمال : الكل يرجع شغله بقه .... عايزين انجاز اكتر واكتر علشان تطلع شركه سهر تر...
ياسين بصله وكل الموظفين كذلك
جمال مسح على راسه : اقصد شركه جمال صدقي .. اتفضلو
الكل رجع شغله
____________
في الطابور الصباحي
رامي : يلا يا واد انت وهو .. اقفو في الطابور
احمد وقف جمب رامي : صباح الخير
رامي : صباح الورد
احمد : النهارده خروجتنا مع ياسين صح !؟
رامي بص على الارض : اه
احمد : مالك زعلت ليه
رامي : وحشني الشغل مع ياسين زي زمان
احمد باستغراب : انت غريب .. لما ياسين بطل الهو فيه .. وانت اشتغلت في مدرسه .. وانا اشتغلت في نفس مدرستك واتجوزت سارة و هيجيلي اول بيبي قريب وانت زعلان
رامي : انا حالي كويس .. بس انا زعلان على ياسين .. ياسين بقه وحيد وحاله اتغير في التسع سنين .. بقه انسان جديد بيحب الشركه .. وعايش على ذكرى سهر .. وسايب بيته ليه ولبنتي الاخيرا عرفت اعالجها يعد وظيفتي .. وعايش مع اخته في بيتها .. وعايش مع عدوه ...
احمد : انت فقري ...
رامي : هههه
احمد : ياسين مشتكاش .. هو عايش مع اخته ..لقه العيله ولقه الامان ولقه افضل صديق في الدنيا .. ادم ... ومتخفش ياسين عقل دلوقتي وكبر بقه عنده 37 سنه ... اتوقع انه نسى سهر وحبه ليه .. وبعدين سهر دلوقتي زمانها في القبر .. او متجوزه وعندها عيال ... الدنيا مش هتتوقف وبعد 3 شهور هيخطب الي اسمها ضحى .. هي بنت كويسه وهتخاف عليه .. واهم حاجه انها بتحبه وتنقيت حلا
رامي : بس هو مش هيرضى يخطبها .. هو مجبر من اخته
احمد شهق : يا نهار اسود .. هتاخر على حصتي الاولى سلام . يا رغاي
رامي : سلام يا رخم
أنت تقرأ
دماغه توزن بلد
Roman d'amourدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
