اليوم البعده الكل اتجمع بعد طلب ياسين
سهر باستغراب : ليه اتجمعنا تاني
بسمه :غريبه فعلا ..
عم محمود : بس يجي ياسين راح يقول النا
ضحى : سهر !
سهر : ايوة
ضحى : هو انت بقالك كام سنه حاسه انك متراقبه ؟!
سهر: مش فاهمه سؤالك
ضحى : يعني متخطفتيش محصلش حجات غريبه زي الحصلت معاكي الايام دي
سهر : لا .. ده بقالي شهر تقريبا على الحكاية دي
ضحى : ومشكتيش ان ده لسبب
سهر : قصدك الوقت الجه فيه ياسين هنا ؟!
ضحى : اه ممكن .. واحتمال كبير ..
رامي : يلاهوي
سارة : معقول
سهر دمعت : يعني ياسين هو المستهدف مش انا
ياسين دخل : اسف جدا على التاخير
الكل كن ساكت وسهر وشها في الارض
ياسين : هو ايه الفاتني
احمد : سيبك محصلش حاجه .. ها مجمعنا ليه ؟!
ياسين : اوكاي هنبدا الشغل
فتح ورقه كبيرة وعلقها على اللوح
ياسين : مجمعكم علشان ده
ضحى : ايه ده
ياسين : هفهمكم الحكاية من الاول .. امبارح عمرو قد يجيب معلومات عن مازن من البنك ..ووسط المعلومات كان عنوان بيته وده الهنشتغل عليه .. رحت انا ومحمد وعمرو للعنوان المكان كان طريق فاضي وظلمه بس اخدنا وقت قصير لغاية ما وصلنا .. و هناك كان الوضع فوق الخيال .. الحمايه على بيت مازن مش معقولة ... لما بتدخل من المدخل الفي اليمين واقف عليه حارسين امن 3 اضعاف حجمي
سهر : جميل
ياسين .. البوابه والسور متكهربين ... جوا فيه كلبين حراسه متدربين كويس جدا ...6 حراس بيبدلو مكانهم كل ربع ساعه
سهر بتداري ضحكها : بس !!
ياسين : بس .. لا وفيه كاميرتين مراقبه بره
سهر : حلو
ياسين : انا حاسس انك مش مصدقه
سهر : مصدقة .. مصدقة ...لكن عايزة اقوم اضربك بالجزمه .. بتقولي 6 حراس وكلبين
احمد : اوووه ..
بسمه : جدعه يا سهر
ياسين : اسكتو .. وايه المشكله
سهر : المشكله اننا هنتنفخ وهيتولع فينا وهيعملونا بوفتيك وبسطرمه ... وهنتربي من جديد .. وبتناقشنا في العمليه ..
ياسين : انا كنت عامل حسابي انك هيكون عندك رد الفعل ده وعلشان كده اسمعي الخطة
سهر :اتفضل
ياسين : عم محمود مهمته يوصلنا للمكان الحراس بره بيتكلمو الماني ... فضحى مهمتها تلهيهم وتخليهم يصلحو عربيتك او اي حاجه وكده وفي الوقت ده ادم هينط ويدخل غرفة الامن وهيعطل حقل الكهربا باسرع وقت واول ما هيعطله هيكون معانه اجهزة لاسلكي هنتكلم بيها هيكلم رامي الهيدخل ومهمته هتكون سهله خالص هيروح يحط في لحمه منوم ويرميها للكلاب في وقت التبديل بتاع الحراس ... احمد طبعا هيعطل الكاميرا قبل ما يظهر رامي فيها .. رامي هيخرج من نفس الطريق الدخل منه في وقت تبديل الحراس هيطلع ادم ويدي اشارة لضحى علشان تنهي مهمتها ... دلوقتي هدخل انا وعمرو هنط من على السور وهندخل البيت .. خصوصا ان باب البيت مفتوح دايما ... كده عملنا الخطه رقم واحد .. لسه حاجه واحده بسيطه
عم محمود : الخطة تجنن .. شو بدك اكتر من هيك
ياسين : احنا منعرفش البيت من جوا .. فده هيبقى مهمة بسمه ومحمد ...
___________
اليوم البعده ..
عند مازن
الامن : من انت ؟
محمد : الصيانه
كان محمد لابس لبس بتوع الصيانه ازرق وماسك عدة ومغطي وشه بطاقيه وكانت معاه بسمه الي كانت لابسه لبس خدامات
الامن بشك : هل يعلم السيد مارك بحضورك
محمد : لا .. انها صيانه دورية فقط
الامن : ومن انتي
بسمه : انا الخادمه...يعلم السيد مارك بحضوري
الامن : نعم . لقد ابلغني انك ستحضرين .. هيا معي
دخلو هما الاتنين
مازن كان قاعد وواقف قدامه شخص .. وسمح مازن لبسمه انها تدخل تنضف ولمحمد انه يشتغل وطلع السلم بتاعه وبدا يمثل انه بيشتغل ومسح على زرار قميصه ففتحت كاميرا صغيرة وبدا يصور كل المكان
مازن : لماذا اتيت اليوم .. لتعكر مزاجي بتفاهاتك
الراجل : ليست تفاهات .. انها معلومات مهمه . .. مازالت حيه
مازن وقف: من ... ماذا تقول !
الراجل : سهر لم تمت لقد رايتها مع اصدقائها ومع ثلاثه لا اعرفهم ..
محمد من الصدمه وقف العلبه من ايده ومازن بصله
مازن : ما دهاك ايها الابله
محمد : اسف سيدي .. اسف .. ساذهب لأصور ..اقصد لاتكد ان كل شيء بخير
مازن : اذهب
محمد بدا يصور كل اماكن تقريبا والكاميرات الموجوده في المكان ...الا الدور الي فوق لان الباب كان مقفول من جوه ..اما بسمه كانت بتزرع كاميرات في اماكن مخفيه .. ولقت مفتاح محطوط فوق ازازة الميه .. ماخدتش في انتباهها ..
وبعد شغل مراقبة يوم طويل مشى محمد ووراه بسمه و راحو لياسين وادوله الهما جمعوه
.......
ياسين اتصل بسهر :الو
سهر : ايوة .. ازيك يا ياسين
ياسين : الحمدلله .. وانت
سهر : تمام جدا
ياسين : انتي فين
سهر : انا راجعه البيت خلصت دوامي ..
ياسين : طب استني انا جاي اخدك ..اذا مكنش عندك مانع
سهر : لا مش ضروري .. مش عايزة اتعبك ..
ياسين : لا ولا تعب ولا حاجه
سهر : شكرا جدا .. بس هو فيه حاجه مهمه
ياسين : لا .. هو لازم يكون فيه حاجه مهمه علشان اكلمك
سهر: ههههه .آاااااه
سهر صرخت و سمع ياسين صوت تكسير حجات
ياسين : سهر انت كويسه !! سهر
سهر قامت من على الارض وبتداري و جعها وكسوفها بالضحك
ياسين : فيه ايه الحصل .. انت كويسه
سهر بتعدل حجابها : اه .. اه .. يا دي الكسوف .. معلش اصلي كنت بكلمك والتلفون على الشاحن ونسئ خالص وقاعده بمشي لغاية ما وقعت على ظهري زي الصرصار المقلوب ..
ياسين : طب الحمدلله .. خضتيني
سهر : معلش يلا سلام
ياسين : سلام
________
بعد اقل من تلت ساعه كان ياسين قدام شغل سهر
ياسين : اسف اتاخرت
سهر : لا عادي
ياسين : طب اركبي
سهر ركبت
ياسين للسواق : هيا
ياسين : بابا عاوز يشوفك وصمم انه يعزمك
سهر : وانا بجد كمان عاوزه اشوفه جدا
_____
ولما وصلو
سهر بصت على القصر
سهر : واو .. حلو اوي بيتك يا ياسين
ياسين : واهله هتحبيهم اكتر
ياسين اتقدم ومشي قدامها
سهر : ده ولا بيت البرنس بتاع الكفته
ياسين رجع لسهر : البرنس ؟! انت قلتي برنس
سهر هزت راسها بالنفي : لا لا انا مقلتش حاجه
ياسين بشك : اه كنت بحسب
سهر : لا متحسبش
ياسين مشى قدامها
والخدم فتحو الباب
ياسين : اتفضلي
صدقي : اهلا اهلا .. ازيك يا . ..
سهر : سهر
صدقي طبطب على ايديها بحب : اتشرفت بمعرفتك جدا ..انت طلعتي احلى من ما ياسين بيوصفك
ياسين : احم.. (غطى وشه وقال بصوت واطي ) ليه كده يا حج
سهر : معلش مبيعرفش يوصف بضمير
صدقي : ههه ..فعلا .. اتفضلي
نور كانت واقفه
ياسين : تعالي اعرفك على عيلتي ...دي نور بنت عمي
نور : اهلا يا قمر
سهر : لو انا قمر انت تبقي ايه
نور : ههه .. شكلنا هنبقى صحاب
سهر : ياريت
عاطف : ومش هتعرفها عليه ولا ايه يا باشا
ياسين : انا اقدر .. ده عاطف ابن عمي
عاطف : ازيك يا استاذة سهر
سهر : الحمدلله .. اتشرفت بمعرفة حضرتك
ياسين : وفيه عمي ومراته بس هما مسافرين لولايه تانية حاليا
سهر : حلو
نور : بصي انا العملاك الاكل النهارده .. دوقيه وقوليلي رايك سهر : لا بقه انا جايه .. اساعدك
نور : لا طبعا انت ارتاحي ..
سهر : بالعكس انا حابه اتعرف عليكي اكتر
عاطف : تمام يلا يا ياسين علشان نشتغل شويه اعبال ميخلصو شغلهم
ياسين : بس انا عاوز اروح اساعد معاهم ...
الكل سكت وكاتمين الضحك
سهر ميلت راسها : بتقول ايه ؟
ياسين : ها ؟!يلا يا عاطف يلا يا بابا ورانا شغل كتير
ياسين في سره: ايه الرخامه دي
ياسين كان بيمشي وباصص لسهر لغاية ما اتخبط في الحيطه
ياسين مسك راسه ومشى عادي
عاطف كان في المكتب بيتناقش مع ياسين
صدقي : انت خلصت المشروع
ياسين : اه خلصته اخيرا بعد تعب ..
صدقي : طب هو فين
ياسين خبط راسه : مش فاكر .. انا حطيطه فين
بدا يدور في المكتب
عاطف : اه انا شفته في المطبخ .. روح هاته بسرعه
سهر في المطبخ و كانت بتبص على الملف وبتقلب فيه
ياسين : سهر هو الملف معاكي ؟! هاتي
سهر جايه تدهوله لكن بعدته عنه : لا مش هدهولك
ياسين قرب علشان يشد منها الملف : هاتي يا سهر مستعجل والله
سهر : لا .. فين هديتي ؟
ياسين : اي هديه
سهر : احمد قالي انك وصيته يجبلي هدية من مصر .. فين هيه
ياسين : يا كلب يا احمد ..( زعق ) سهر هاتيها دلوقتي
سهر : انت بتزعقلي طب مش هتاخدها
نور : اهدو بس يا جماعه
ياسين : انت مجنونه يا بنتي بقلك مشغول .. مش وقتك
سهر : انا مجنونه طب والله ل اوقعه في الشوربه
نور : لا الا الشوربه
ياسين : مش هتقدري تعمليها .. انت لسه وبس
سهر طلعت لسانها : ملكش دعوة بلساني وانا ممكن اعمل اي حاجه في مزاجي
ياسين اتعصب :..
عاطف من بعيد بعصبيه : ياسين انت لسه مجبتش المشروع
سهر اتخضت من صوته فوقعت المشروع في الشوربه
ياسين فتح بقه وضدقي جه وفتح بقه
وعاطف كمان ونور
اما سهر فبتسمت بخوف 😅😅
سهر: ايه ..انا .. امم ..اصل .. عن اذنكم
سهر مشيت وطلعت تجري من البيت
سهر : يا نهار اورنج
أنت تقرأ
دماغه توزن بلد
Romantikدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
