دماغه توزن بلد

الجزا السابع الثلاثين

سهر فاقت بدري والموظفين كلهم وراحو يجهزو احتياجات المؤتمر الصحفي
سهر : يلا يا جماعه بسرعه لازم نخلص بسرعه
امير : المستثمرين بيراقبونا من بعيد يا انسه سهر
سهر بتحاول تدور عليهم : ليه؟؟
ياسمين : اتوق انهم عايزين يلاقو علينا اي غلطه
سهر : علشان كده لازم نخلي بالنا
سارة : انسه سهر .. اللوحه الاعلانية هتتاخر شويه ...المكتب اتصل وبلغني
سهر : مفيش التزام ابدا
امير : اوبا .. دول جايين
سهر : اثبتو .. كانهم مش موجودين
امير : ورحمه امك يا انسه سهر ..
سهر قاطعته : امك ؟؟ انت خليت فيها انسه
امير : متاسف .. بس لو خلتيني ااجر بلطجية يجو يثبتوهم وخلص من ام طلبتهم
سهر : استاذ امير اسكت .. كلامك كله تلوث 
مستر جونس : اهلا
سهر : اهلا
مستر جونس بيدور في كل حته : حلو الشغل الانتو عملتوه
Good job
بس انتو مش متعاونين ابدا
سهر :   نعم ؟؟
مستر جونس : where is mr yaseen
سهر لنفسها : انا فعلا مشفتهوش النهارده !! غريبه
اعدو كلهم يبصو لبعض ومش عارفين يردو
امير لياسمين بصوت واطي : مرضاش ينزل معايه  ... مش عارف ليه
سهر سمعته : انت بتقول ايه
امير : قال انه هيعمل مفاجئه
مستر جونس : انا هستنى 
ياسين : انا اهو
سهر ابتسمت
ياسين سلم على جونس وبدا يشتغل وبعد نص ساعه مشيو المستثمرين وراحت سهر على المكتب الكان في الاوتيل ... 
واشتغلت ... والباب خبط
سهر :اتفضل
ياسين : ازيك يا استاذة سهر
سهر : اه .. امم .. الحمدلله 
ياسين بهدوء حط ورقه على المكتب 
سهر ابتسمت : ايه ده
ياسين سكت بس كان بيبص عليها بحب ... وزعل في نفس الوقت
سهر خبطت على المكتب ووقفت بسرعه وملامحها اتغيرت
سهر وهي متعصبه وقفت قدامه وشدته من دراعه وطلعت بره المكتب كان ضغطها على دراعه بيزداد اكتر
ياسين : استني .. انسه سهر .. سهر !!
سهر اخدته وراحت عند الموظفين
سهر زعقت : ايه ده يا استاذ ياسين ... طلب استقاله .. ده الطلع بايدك .. انك تمشي وتسبني
ياسين كان  مندهش  من الهي بتقوله
سهر زقته : انت عندك كل حاجه لازم تمشي على مزاجك .. لا احنا كلنا محتاجينك هنا يا استاذ ياسين .. انا عارفه كويس انت عملت كده ليه ...
ياسين قاطعها : انت عارفه كويس اني  مبدخلش الحجات في بعض    
سهر : امال ؟؟
ياسين : انك تكوني قدامي طول الوقت بيوجعني
سهر : ده مش مبرر .. انا اسفه يا استاذ ياسين .. طلبك  مرفوض
وقطعت الورقه ورمتها على الارض
سهر زعقت : بعد نص ساعه المؤتمر اجهزو .. امير هاتلي سلم .. وياسمين روح هتيلي الورقه الاعلانيه
وفعاا كانت كل حاجه جهزه وطلعت بنفسها وظبطت اللوحه ونزلت ووهي نازلة رجلها اتكعبلت وكانت هتقع  ..اما ياسين فجري ومسكها 
ياسين : انت كويسه
سهر :  اه .... بس يمكن كنت هبقى كويسه اذا مكنتش موجود
ياسين : وانا كمان متاكد من كده

................  
لبسو الكل واتجهزو علشان المؤتمر 
سهر لبست فستان اسود راقي واخدت نفس ونزلت كانت القاعه زحمه شويه 
اما ياسين راح عنده اخته 
حلا : مالك يا ياسين
ياسين اتنهد : تعبان جدا 
حلا : انت مش تعبان انت زعلان صح
ياسين :....
حلا : انت اخويا عرفاك كويس جدا عمرك ما بتعرف تخفي وجعك
ياسين نام على رجل اخته
ياسين : فاكره امي يا حلا
حلا : حد ممكن ينساها
ياسين : انا عايز اعرف انا ليه مش فاكرها ... قولتيلي ان هي ماتت وانا صغير .. بس على الاقل كنت لازم احس بوجودها جمبي كنت لازم احس بحنانها بحبها او افتكر شكلها حتى .... انا حتى حاسس ان في زمن في طفولتي معشتهوش معرفش ايه الحصل فيه او مين الناس الكانو معايه فيه
حلا : في حجات الواحد لما ينساها بتكون رحمه ..علشان تعرف تكمل حياتك
ياسين : بس انا حاسس الفترة دي كانت هتفرق معايه اوي
حلا : كانت هتاذيك جدا
ياسين قام : حاسس انكم خبيتو عليه حجات كتير
حلا :....
ياسين : انت عارفه حاجه ؟؟ صح ...  حلا بجد انا محتاج مساعدتك .. ارجوكي ساعديني انا قاعد بدور في الزمن لكن مش عارف اوصل لحاجه
حلا: وعد يا ياسين لما تيجي الفرصة المناسبه هحاول اقلك اي حاجه
ياسين :مفيش فرصة اكتر من كده انا خسرت مستقبلي مش عايزاني اتهنى حتى بالماضي 
حلا :..
ياسين : انا مضطر اقوم ..  عندي مؤتمر  .. هرجع تاني وهنكمل كلامنا .. بس ادعيلي
حلا : بالتوفيق يا ياسين ... اخويا طبعا هيطلع حلو 
ياسين : يا سلام ههههه

مشي ياسين وراح على القاعه
قعدت سهر على طاولة مع الموظفين 
ياسمين : ياسين وصل يا انسه سهر
سهر : مهو احنا شغالين عنده ... بيجي في اي وقت والكل يبقى منتظره
ياسين قعد وقفل زرار البدلة :  اهلا ... امتى هنبدا
امير : لسه مبداناش مستنيين حضرتك
ياسين : كان عندي شغل مهم ... المهم دلوقتي الانسه سهر هتطلع تكلم على المسرح و بعديها انا .. لازم منغلطش ده اخر يوم هنشوف فيه وش المستثمرين
سهر : ياسمين عايزاكي ترتبي الورق الهنعرضه في المؤتمر
...
مستر جونس طلع على المسرح : اهلا بكل الحضور ... احنا النهارده متجمعين علشان نناقش المشروع ال لفت انتباهنا ... وفاز بقلبنا بكل المعايير ..  مشروع شرك first one
تحت عنوان غير حياة انسان ..   لوجو يجنن  ...   تعاون فريق  ... وافكار راجل من دهب ... استاذ ياسين
الكل صقف 
مستر جونس تابع : ومديره عاقله .. بتحب موظفينها ... مخلصه لشغلها .. وجميله ورقيقه و يتحاكى في رقتها و ...  
ياسين زعق لسهر  : ما تقومي بقه  ...ده لسه هيكمل وصف
ناقص يتكلم عن غمازتك الي بتتفتح الازهار فوقها ... قومي يا ستي
سهر ضحكت وشالت طرف فستانها  
مستر جونس : الاستاذة سهر تركمان
سهر طلعت على المسرح
وبدات تتكلم وكان الكل مبسوط وكانت بتشرح بشكل رائع
على احد الطاولات كان سعد .. قاعد  وجمبه 26من البيشتغلو معاه
(( سعد صاحب شركة مقاولات اتسجن 5  سنين  ورجع تاني  يشتغل ... عنده 29 سنه ... طبعه قاسي و ممكن يعمل اي حاجه علشان مصلحته )) 
سعد جاله اتصال
سعد : الو مين ؟؟
شخص غريب : شوف الصدف
سعد : مين معايه 
الشخص: مش مهم .. لو  عاوز تلاقي الضيع 5 سنين من عمرك في سجن المزرعه ..هو موجود هنا
سعد : ياسين ؟؟! 
الشخص : متسبهوش ... هو مقلش معاك لوحدك  ... هو مضايقني انا كمان
_____