دماغه توزن بلد

الجزا الثالث والثلاثين

ياسين كان مشغول جدا كان بيجمع الموظفين و في ايده ورق  المتطلبات العايزينها علشان المشروع 
ياسين بيشرح للكل : هنبدا اول حاجه بالاكل ... وهنمشي على تقسيمه .. وخلال 4 ساعات  هنخلص كل حاجه .. وهنعمل الوجبات دي كلها
امير بيقرا الورقة : الله يخرب بيتك يا ياسين. . 4 ساعات ايه
ياسمين شدت الورقه من امير : مستحيل نقدر نخلص
سارة بثقه : ياسين عمره ما غلط
ياسين ابتسم : شكرا جدا. . يا جماعه لازم كلنا نتعاون وكل حاجه هتخلص ان شاءالله .. بصو يا جماعه
احنا مجموعتين
المجموعه الاولى هيكون فيها سارة بما انها بتعرف تطبخ وهتعرفك كل الحاجات  وهيكون معاها امير وياسمين وايمان وفادي و عبدالله  مسؤولة عن الست اطباق دي
سارة : تمام
ياسين : والمجموعه التانيه هيكون انا والاستاذة سهر وفاطمه واية وعمار و محسن النصار و ..
ياسين بص بعيونه ملقاش سهر واقفه
ياسين في نفسه : راحت فين سهر
ياسين للموظفين : يلا يا جماعه كل  واحد يروح مجموعته ثواني وهاجي
وطلع بسرعه .. كان حاسس ان فيه حاجه مش مضبوطة ورا  اختفاء سهر المفاجئ
_________
نرجع تاني للحصل بين جمال وسهر
سهر برقت عيونها : جمال!!
جمال : مفاجئه مش كده
سهر جايه تمشي راح شدها
جمال : استني رايحه فين
سهر : ملكش دعوه
جمال : ربنا يسامحك ياستي
سهر دمعت : كفايه فضايح بقه يا جماال
جمال :انت الجبتيها لنفسك .... سهر احنا ولاد عم ولازم نخاف على بعضنا كمان مستقبليا هتبقي مراتي  .. مش ناذي بعض
سهر : ده بعينك .. ابعد عني وعن حياتي وانا والله مهبلغ عليك
جمال: تؤ تؤ ...  انت عيبك انك مش عارفه تفرقي بين الخايف عليكي والعايز ياذيكي فمثلا ... الاسمه ياسين ده .. يا ترى بيساعدك من غير مقابل عمرك فكرتي.. ازاي موظف بسيط زي ده ضعيف يقدر يضرب الحرميه الدخلو عليكي ولا يقدر يدخل وسط النار ويخاطر بحياته ويتسلل لمكتبك ويفضل فيه وطبعا نص الشعب سمع عن الحصل لما وقعتي من فوق الجبل وازاي انقذك ..و... و.. يا ترى عمل كده علشان انت مجرد مديرته الروتينيه ...  الدايما بتتخانق معاه  .ولا علشان انت عدوته وعايز ينتقم منك 
سهر كانت مصدومه وبدات تفتكر كل حاجه الملهاش تفسير 
جمال : ردي يا سهر
سهر مسكت نفسها وقالت وهي مش قادرة تكلم : يعني ..يعني هو ساحر مثلا ..او ظابط ...
جمال : وليه ميكنش العكس .. حرامي

في اللحظة دي وصل ياسين للريسبشن وجري على سهر
ياسين : انسه سهر
سهر بصت لياسين وبصت جمبها لقت جمال مش جمبها وبدات تدور بعيونها عليه
ياسين : فجاة لقيتك.مش موجوده فخرجت اطمن عليكي
سهر بتمثل قوتها: .. تمام ..عن اذنك
ومشيت من غير ما تتكلم ولا كلمه زياده ومسحت دموعها
ياسين فضل واقف مكانه : ايه الحصل؟.
سهر دخلت المطبخ والموظفين قالولها عن مجموعتها وبدات تشتغل وياسين دخل وكان بيساعد الموظفين الفي مجموعته وجمال دخل المطبخ
جمال : هلااااا .. ايه نسيتو تصحوني علشان اساعدكم
ياسين من بعيد : اصلا مش محتاجين مساعدتك
جمال : مش هرد علشان انا محترم 
سهر بصوت واطي : جدا
وبعد مرور ساعتين كان الل بيشتغل وخلصو نص الوجبات 
ياسين وهو  بيطبخ سرح في سهر الكانت مع البنات وهي بتطبخ
سهر : حد يعرف فين طقم السكاكين
ياسمين : هناك يا استاذة سهر
سهر : شكرا
وراحت علشان تجيب طقم السكاكين من فوق  لكن فجاة النجفه الفوق كانت هتقع  عليها .. ياسين جري عليها
ياسين زعق : سهر انتبهي 
ونط وقعها على الارض والنجفه وقعت على الارض والبلور اتكسر
سهر كانت مغطيه وشها وقاعده على الارض وياسين كان بينهج
ياسين : انت كويسه
سهر : اه ..
ياسين مد ايديه لسهر علشا يقومها لكن سهر قامت لوحدها  وبصتله بنظرة حزن وراحت علشان تكمل شغل

جمال راح وقال لسارة : مش  قلتلك اني ممكن اعمل اي حاجه حتى اني اقتل ..
سارة : .....
جمال :للاسف .. فلتت المرة دي بس عادي .
                             ..so watch out
سارة : جمال ..  انت شكلك مش عارف لو حاولت انك تاذيها .. ياسين ممكن يتصرف ازاي
جمال : مش عايز اعرف
خلصت ال 4 ساعات وخلصو كل الاطباق وكان الاكل حلو جدا
الكل كان مبسوط  انهم قدرو يخلصو الاكل ...
ياسين : دلوقتي الديكور !!
عبدالله ( واحد من الموظفين ): سيبولي انا الديكون انا بفهم في الحجات دي 
سهر : متاكد
عبدالله : اه جدا .. بس محتاج 2 يساعدوني
فاطمه : انا ممكن
وائل : وانا كمان
عبدالله  خلاص كله تمام
ياسين عمل صح في الورقه على فرع الديكور
سهر : طيب .. ايه رايكم  احنا عندنا امير ممكن نستغله بشكل صح
امير رفع راسه لفوق وحط ايده في جيبه  : انا مش فاضي اليومين دول
سهر استغربت من الرد
ياسين : متافورش يا امير .. اه كملي يا استاذة سهر
سهر : ممكن امير تغني ..هما هيحبو صوتك زي ما كلنا حبيناه
امير : ها ؟؟انتو بتهزرو بجد
ياسين: فكرة حلوة
امير : حلوة ايه يا ياسين ..لوسمحت اخرس خالص
سهر : يعني دي اول مرة هنكون محتاجنلك فيها 
ياسين : يلا يا امير بقه
امير : خلاص ماشي انا موافق
ياسين نط عليه : يسسس
سهر بصت في ساعتها
ياسين : متخافيش ناقص حاجه صغيرة خالص  مش هتاخد وقت
سهر بصت على الارض
سهر: حد قالك اني خايفه
ياسين : مكنتش اقصد بس ..
سهر : انا مديرتك ولازم تعرف حدودك بالتعامل معايه انا مش زميلة في الشغل 
ياسين : انا اسف بجد
سهر : مش محتاج تعتذر على دي بس ... مفروض تعتذر على حاجات كتير
ومشيت
امير : ههه قلبت عليك يا كبير 
ياسين : اسكت ...انا مش فاهم فيه ايه ؟؟ في حاجه مش مضبوطه فيها 
سهر لنفسها : سهر !! ايه الانت بتعمليه ده .. انت صدقتي فعلا كلام الاسمه جمال ده ... من امته وانت كده بتصدقي  كل حاجه .. ياسين مستحيل يكون عدوي او حرامي .. انا مش فاهمه جاب الكلام ده منين اصلا ... ياسين موظف شهم عاوز يساعدني مش بس انا لكن كل الموظفين كمان ... بس انا مش لاقيه تفسير لكل حاجه بتحصل معايه من ساعة ما قبلته

سهر سمعت ياسين في اللحظه دي بيقول : المستثمرين وصلو