دماغه توزن بلد

الجزا الثامن عشر 2

في البيت سهر كانت لابسه وجاهزة تنزل الشغل وفتحت الباب
لقت بسمه
سهر : بسم الله ..خضتيني
بسمه : ايه نازلة فين ؟
سهر  :الشغل
بسمه : آاااااه
بسمه شدت سهر وقفلت الباب
سهر : انتي هبلة يا بت
بسمه : لا سوري مفيش شغل .. غير لما تروقي خالص
سهر : لا طبعا .. م انا كويسه اهو
بسمه: مش عليه الكلام ده
سهر : بس..
بسمه : مبسش ..  انا اخدتلك اجازة اسبوع
سهر : يلاهوي .. ده انا اموت فيها .. هعد في البيت طول الوقت ده 
بسمه قعدت سهر على السرير  : لا مانا عامله حسابي ..
بسمه فتحت الباب ودخلت ومعاها اكياس كتير
سهر : ايه دول
بسمه : اشتريت كل السوبارماركت بتاع بابا .. وبمصروفي .. ياريت يطمر فيكي
سهر : هههه
بسمه : وهعد معاكي طول الوقت علشان متزهقيش
سهر : يا سلام .. 
بسمه : بجد ...ودي اوامر عليا (  وطت صوتها)  ياسين
سهر بصت على الارض و  ابتسمت
بسمه : اوووه .. بتضحكي على ايه
سهر قلبت ملامح وشها بطريقه طفوليه : مبضحكش... يلا يا رخمه ..قومي من على سريري
وضربتها بالمخده
___________
ياسين وادم لمو حجاتهم وجهزو نفسهم علشان يروحو عند صدقي البيت ويعيشو عنده .. بعد طلب صدقي ان ياسين يعيش عنده
صدقي بعت سيارة تاخد ياسين وادم .. وتوديهم على القصر ..
وبس وصلو كان صدقي مستنيهم بره بدموع العين ....
ياسين نزل من العربيه وطلع السلالم الفخمه وجرى على حضن صدقي .. حس بدفى محسهوش بحياته ... دخلو القصر والكل كان مستني ياسين وادم .. سلم ياسين على نور وسعاد وفتحي
عاطف ابتسم : تعالى يا ابن عمي
حضن عاطف ياسين
ياسين : والله كنت ارخم مخاليق ربنا
عاطف ضحك من قلبه لاول مرة  : الكل بيقلي كده
ياسين : هههه
________________

ياسين دخل غرفته وكانت غاية في الروعه و الجمال ... كانها جناح ملكي
ياسين اول حاجه فكر يعملها يكلم صحابه الفي مصر علشان محتاجهم
ياسين : الو
احمد : الو ياسين !!.
رامي :مين يا احمد الي على التلفون 
احمد بفرح : ياسين
سارة : ياسين
رامي قام من مكانه بسرعه وجرى على التلفون : الو الو ياسين ..  وحشتني جدا
ياسين : رامي ازيك ... والله وانت كمان
احمد : هات التلفون يا رامي... ياسين كده متكلمناش طول الوقت ده
ياسين : والله فيه حجات كتير حصلت من ساعة ما سافرت هنا ..وو
احمد : وايه ؟! شكلك مخبي حجات
ياسين : وانا محتاجكم اوي الفترة دي ف حضرو نفسكو للعمليه رقم 510
سارة : هو الانا سمعته صح يا جماعه ؟!
ياسين : اه .. انا هحجزلكم طيارة بعد يومين وهاجي اخدكم من المطار .. متتاخروش .. مش هينفع اتكلم دلوقتي اكتر من كده ... لقااءنا قريب
سارة فاتحه بقها : مع السلامه .. مع السلامه
ياسين في نفسه : كان الاول حق بدر بس ..دلوقتي حق سهر كمان ...

رامي : معقول احنا هنرجع نشتغل تاني ؟!
احمد : غريبه !!
سارة : الموضوع شكله كبير .. بس وراه سر اكبر من ما احنا نتوقع

_______

سهر سرحانه
بسمه : انا جهزت الاكل .. ايه ده انت سرحانه
سهر : ها؟! كنت بتقولي حاجه
بسمه : لا انتي عقلك طار خالص
سهر : فعلا .. علشان مصاحبه واحده متخلفه ومريضه نفسيا
بسمه : بسببي انا بردو ..
سهر طلعت لسانه : ملكيش دعوة
بسمه سكتت شويه: ممكن اسالك سؤال !
سهر : من امته الادب ده
بسمه : لا بتكلم بجد
سهر : اه طبعا اسالي
بسمه : مين هو ياسين ده؟!
سهر ابتسمت وسكتت
بسمه : اصله واحد كانه من عالم تاني ... مختلف جدا
سهر : فعلا
بسمه : طب ايه هي حكايتكو
سهر : ولا حكاية ولا حاجه
بسمه وقفت على السرير : اصل مش العمله كل ده في غيابك كان مش حكاية ولا خوفه ولا عياطه .. مين هو ياسين يا سهر
سهر :...
قامت من على السرير
ملقتش زي العيون الملهمه في اي مكان...ملقتش الوش الكان نور لضلمتي ده في اي مكان...او حتى لقيت حد كلامه بيلمس القلب زي كلامه... ولا الجمال طبيعي زي ده ... لفيت اادنيا دي كلها و الكون كامل وملقتش حد زيه ابدا ...ملقتش زي ضحكته ...ودايما زي ما هو ...هو زي ورق اخضر في موسم المطر ... هو الراحه والسلام بليل .. واغاني الصبح .. هو طريقي الطويل .. ساعات نتفق سعات .. سعات بيسمع كلامي .. وسعات مبيعملش غير الفي دماغه ... هو كان عالم باشارة منه كان بينشر السعاده والامل ..فعلا هو حد غريب ..كنت انانية شويه وفضلت شغلي عنه .. وهو كان اناي اكتر لما فضل عقله عن قلبه .. ولو مرة علشاني ...

وبدات تحكيلها عن شغلها وعن كل الحصل وبعد ما خلصت

بسمه : واو .. كل ده حصل معاكي يا سهر
سهر : شفتي
بسمه : ولسه بتحبيه ؟!
سهر سكتت: معرفش
بسمه : اه منك .. غبيه طول عمرك
سهر : طب اعمل ايه انا
بسمه :.. هاتي ايدك
سهر مدت ايديها  باستغراب
بسمه مسكت ايدين سهر وحطتها على قلب سهر
بسمه : قلبك هو الجواب ... يعني لما بتسمعي صوته ... لما بيكون في مكان معاكي .. هتحسي باحساس غريب ... احساس انك هتطيري .. انك هتفردي جناحك وهتتنططي من هنا لغاية اخر اليوم ... احساس انك بتلفي وانت واقفه مكانك .. فهمتي  .. ولا انت جحشه
سهر مسكت قلبها وقالت في نفسها : انا بسمع كلام وحده هبلة .. اهو قلبي طبيعي ومبيحصلش  حاجه
سهر ابتسمت : لا لا انا جحشه ...ههههه
بسمه ضربتها بالمخده : انا كنت بقول كده بردو
سهر تلفونها رن
سهر : هرد وهرجعلك تاني
بسمه : يلا مع السلامه

سهر : الو مين
ياسين :انا ياسين مساء الخير
سهر : مساءالنور ..خير فيه حاجه
ياسين :لا بس انا كنت حابب اطمن عليكي ..امم  عليكم
سهر ضحكت : اه احنا كويسين
ياسين : بعد تلت ايام ان شاءالله ممكن نتقابل .. عمرو وبسمه وادم ..الكل هيكون موجود
سهر : تمام .. فيه حاجه مهمه ؟!
ياسين : لما هنتقابل هنتكلم
سهر وهي بترفع شعرها من على عيونها  : تمام ..
ياسين: مع السلامه
سهر : مع السلامه
سهر قفلت وجاية ترجع الاوضه وقفت ومسكت قلبها
سهر غمضت عيونها وفتحتها بحركة سريعه : ايه ده  .. ايه البيحصل
سهر بدات تضحك : اهو بيطير .. وبيفرد جناحاته و  و.. بيتنطط اهو.. عايزة الف و ادور ... يبقى انا بحبه

سهر جريت وشربت ميه واتنططت : اوووه .. من تاني يا سهر  .. يعني ايه ؟! يعني نسيتي كل العملهمعاكي بالسرعه دي ..
سهر طلعت تجري على بسمه
سهر ضحكت : ايوة
بسمه : فيه ايه ..
سهر : لسه بحبه اوييي
بسمه : يسسس .. كنت متاكده
سهر بدات تدور بس فجاة وقفت : بس اعمل ايه دلوقتي ! ... افرضي انه اتغير من نحيتي و اخسره خالص
بسمه : جربي حظك
سهر : يعني ايه
بسمه : اعترفيله
سهر : انت مجنونه .. هو المفروض يجي مش  انا
بسمه : مهو المرة الفاتت جه .. وانت العملتي فيها سوبر مان وممكن اعيش من دونك.. العدل انك المرادي التقوليله
سهر : تفتكري !
بسمه : طبعا
سهر : بس انا مش هقدر
بسمه : متبقيش ضعيفه بقه ... قبل متخسريه خالص
سهر : اخسره ؟!
بسمه : ها؟!
سهر : انت مخبيه حاجه عني
بسمه بتردد : لا لا .. يلا نامي بقه
سهر شكت في بسمه بس احلامها خلتها متخدش في بالها الجمله الاخيرة دي