دماغه توزن بلد

الجزا الاربعين

لما سعد طلق بالرصاص
ياسين زق سهر من على الجبل ونط وراها
سهر وقعت في البحر كانت بتحاول تطلع لكن معرفتش ... وياسين بعدها بثواني وقع  وقعد يدور على سهر
ياسين: سهر ؟؟
غاص تحت الميه علشان يشوفها وشافها وشدها لفوق
سهر شهقت
ياسين :سهر  ... انت كويسه
سهر بخضه : طلعني من هنا ...امانه عليك ... انا خايفه .. وايدي وجعاني جدا
ياسين : اهدي اهدي  .
وبدا يسبح بيها لغاية ما ووصلو للشط
سهر  قعدت على الرمل ...  ونهجت جامد
سهر : انت ازاي .. توقعني .. كنت ممكن اموت انا وانت ...
ياسين : ده كان الحل الوحيد ...
سهر : ولا انت كنت عايز تعيد الحصل زمان
ياسين : ايه الي حصل زمان ..
قال الجمله دي ومحسش بنفسه

______________
ياسين فتح عيونه براحه لقه نفسه في المستشفى وحوليه الموظفين كلهم وسهر كمان متجبس ايديها  وواقفه قدامه ومبتسمه .... وكمان المستثمرين 
سهر :حمدالله على السلامه
حلا باست ايده :  الحمدلله  يا رب  ... الحمدلله انك كويس  يا حبيبي
امير : حمدلله على السلامه يا معلم 
ياسين ضحك : الله يسلمكم
ياسمين : قلقتني عليك
سارة : لولا الاستاذة سهر .. اتجدعنت وعرفت توصل بيك للشارع ووقفت عربيه  وجابتك هنا
الدكتور : الوصلك هنا كان مهتم بعامل الوقت .. وعرف يسعفك في اسرع وقت .. لو كانت اتاخرت شويه كنت زمانك جالك جلطه .. الاصابه كانت خطيره
مستر جونس : الحمدلله انك كويس دلوقتي
ياسين : تعبتكم نفسكم وجيتم ليه ..
مستر : انت انسان تستاهل كل خير ...so احنا جينا علشان نطمن عليك انت والانسه سهر
سهر : شكرا
جمال : على فكره مفيش حاجه حصلت لكل ده ... ده ياسين مجرد موظف .. مش محتاج التقدير ده كله 
سهر : اسكت يا استاذ جمال
مستر جونس : بصراحه احنا مش جايين بس علشان كده .. احنا جاين علشان نديكي ده
سهر : ايه ده
فتحت الظرف وقرات الورقه و اتقلبت ملامح وشها  وكانت ماسكه نفسها بالعافيه
ادت الورقه لياسمين ...
ياسين : هاتي الورقه ...
ياسين وقع الورقة من ايده
مستر جونس : اسفين جدا 
ياسين قام من على السرير : ليه لغيتو العقد مع شركتنا .. احنا معملناش حاجه تدايقكو
مستر جونس : احنا كنا جايين بندور على الامان  لكن بالحصل ده كله لا يمكن نآمن بالشغل معاكو ... مكنش فيه مساولية مكنش فيه حرص .. احنا اسفين جدا 
ياسين بتؤثر : لا استنو .. انا ممكن اعمل اي حاجه  ... شوفو فيه افكار كتير لسه عندي .. عندنا ابتكار استنو اوريكو
مستر جونس  تجاوزه : اسف
ياسين : يا استاذ جونس  احنا عندنا امكانيات  ... انا ممكن اعمل اي حاجه انت عايزها .. انا ..انا
سهر : استاذ ياسين مفيش داعي لكل ده ..وكل الانفعال ده
ياسين : بس المشروع ده مهم  بالنسبالك وانا وعدتك اني هحافظ على المشروع
سهر اتعصبت : انت مش لازم تذل نفسك بالطريقه دي ...  زي ما هما اتخلو عنا .. احنا كمان هنتخلى عنهم 
المستثمرين اتعصبو ومشيو
سهر : المشروع مهم بالنسبالي  ... بس كرامتنا اهم
امير : بس .. .
سهر: عن اذنكم
ركبت سيارتها وراحت على البيت 
فتحت الباب
ندى من  بعيد : عمتو سهر ...سهر  .
سهر نزلت على الارض : حبيبة قلبي  ...  ندى
ندى : ايه دي ايه الحصل في ايدك
سهر : اصابة عمل
لطفيه : سهر بنتي .. ايه الحصل  ؟؟ 
سهر : ولا حاجه يا دادا  ... انا داخله انام وهاخد ندى تنام معايه 
لطفيه : ماشي يا بنتي 
دخلت سهر غرفتها 
و لبست البيجاما ورفعت شعرها لفوق
وقعدت على السرير
سهر : ندوشه ... انا جايه وجعانه كلام معاكي 
ندى : وانا كمان .. ده انا مجروحه نفسيا
سهر : هههه يا سلام
ندى : اه .. صحابي في المدرسه دايقوني .. وزعلوني
سهر : معلش
ندى : طبعا انت مش حاسه .. وبتقوليلي معلش ..عمرك حسيتي بوجع
سهر بصت على لارض : لا ..مفيش حد على الارض  مبيتوجعش
ندى : خلاص ..خلاص .. كفاية الجو ده ... هتحكيلي قصه صح
سهر : صح
ندى : تمام
ندى حضنت سهر ونامت
سهر :  في يوم من الايام عاشت بنت مع اخوها وابوها ومامتها في لندن  ... كانو مبسوطين مع بعض جامد .. لكن الفرحه مبتكملش .. مات ابوها وامها وسابوها لواحدها هي واخوها  ... رجعو مصر مع جدتهم .. في قرية بسيطه .. اضطرت تتعامل مع زمايلها في المدرسه .. الكانو مختلفين عنها في كل حاجه تقريبا .. كانو مش متقبلين ادبها ورقتها .. كانت ترجع البيت تعيط واخوها يراضيها .. وفي يوم قررت انها تخرج .. تخرج من الحياة المملة قررت انها تجري وتشوف ايه اخر الطريق معاها ..... اخدها الطريق لسكة القطر.. وقفت على الحديد  .. وقعدت تنط  وتضحك ...  كان فيه فراشات وطيور فكل مكان ...

وقفت سهر الحكاية شويه علشان تفتكر الحوار
سهر : واو
ولد اكبر منها بسنتين  من الضفة التانية بيقول بضوت عالي: انت يا مجنونه امشي القطر جاي
سهر مكنتش سامعه صوته
سهر : مش سامعه
الولد : ايه البلاوي البتتحدف علينا من الصبح دي 
جري الولد عليها وزقها في اخر لحظة قبل ما يخبط فيها القطر
ووقعو هما الاتنين في الطين
الولد : حسبي الله ونعم الوكيل ..  شفتي بوظتي القميص
سهر : انت بتزعق ليه يا عم
الولد : عامله فيها انك بتصور فيديو كليب وبتلعبي مع الفراشات
سهر : ملكش دعوة ...
الولد :  حرام والله ..ولما ارجع البيت متوسخ كده  .. امي هيكون رد فعلها ايه
سهر : ما انا كمان اتوسخت 
الولد : ابوس ايدك اسكتي امي هتنفخني .. دي لوبس عرفت اني طلع من البيت ممكن تطب ساكته
سهر : احمد ربك انك عندك ام تخاف عليك وتزعقلك 
قالتها وقعدت على الارض 
الولد : انا اسف والله .. هي ميته ؟؟
سهر بصتله: لا بتتفسح ..  انت غبي اكيد ميته
الولد : معلش .. انا كمان مامتي ميته لكن انا عايش مع صاحبة امي بعتبرها امي .. هي البتربيني  ... مش مخليني محتاج حاجه
سهر : انا عايشه مع جدتي ..انا  جديدة هنا على فكره
الولد : باين ...
سهر : رخم
الولد : شكرا يا ستي ... اسمك ايه بقه
سهر : سهر .
الولد : وانا ...
صاحبه امه من بعيد : يا نهارك اسود .. انت طلعت من البيت ووسخت هدومك .. تعالى هنا يا ولد
الولد : يا نهار اسود ...
طلع الولد وراح عند الست وهي مسكته وهو ماشي بص وراه وقال بصوت مسموع
الولد : ياسين !!

اليوم ده رجعت البيت واتزهقت علشان هدومي .. يوم ورا يوم  بقينا اعز ضحاب .. كان دايما بيساعدني في دراستي  .. وبيتخانق مع اي حد يضايقني  وكمان صاحب اخويه علشان دايما يشوفني .... هو كان زي حالتي انا كنت بشغل وحدته  لكن اخويا حب
ينهي الصداقه بينا الفتره دي لكن قطع الصداقه للابد و غيرني انا كمان.. راح  ضايق ياسين بالكلام .. واتكلم عن امه وابوه وشتم فيه فراح اتعصب وضربه ... انا شفت الموقف من بعيد  مكنتش اعرف ابعاد الموضوع  فرحت لياسين
سهر : انت مجنون ليه ضربته 
ياسين : هو استفزني
اخوها : كداب انا معملتلهوش حاجه
ياسين رايح يضربه : وكمان بتكدبني
سهر وقفت قدام اخوها : اضربه وشوف  انا هعما ايه
ياسين : متدخليش يا سهر لو سمحتي وابعدي
بدا يبعد فيها وبالغلط زقها  من فوق الجبل الكانو واقفين عليه
مسكها بسرعه من ايديها بسرعه
سهر بصت تحتيها لقت النيل
ياسين كان ماسك جامد
ياسين زعق  : متسيبيش ايدي ... روح نادي حد بسرعه
سهر :  متسبنيش اموت  يا ياسين
ياسين : حد يساعدنا
سهر :  انا هموت وان هتكمل الذكريات الحلوة
ياسين :  انا اسف يا سهر  ..انا مكنش قصدي
سهر : لا ..انا مش مسمحاك
وفلتت ايديها ووقعت في الميه

ياسين صرخ وكان مصدوم   و جدتي ضربته بالقلم من خضتها عليه وراح وقع من طوله
الناس عرفو ينقذوني من الغرق وجدتي اخدتني بعديها بفتره انا وخويا ورحنا عشنا في القاهرة وانا جوايه ازداد الكره ..  انا فكره ان مرة سمعت اخويا بيتصل بالتلفون .. ومن الفهمته ان ياسين الحادثه الحصلت دي خلته يفقد الذاكرة من الصدمه .. بس انا طنشت الكلام .. مكنتش عايزة افتكر اي حاجه تفكرني باكتر شخص بكرهه
وزمن طويل اشتغلت واخويا اتجوز وخلف ندى وقبل ما يموت كلمني واعترفلي بالحصل زمان كانه كان عارف ان دي اخر لحظات في حياته ...
دايما بتخيل الحصل بالعكس علشان انا اتغيرت اوي .  كان نفسي انا الغرقه واعيش حياتي وانا ناسيه الحصل . .. والسنين تمر ونتقابل وانا مش فاكراه ...
انا دلوقتي نفسي اقول لياسين كل حاجه .. بس انا جبانه .. غلطانه علشان سبته زمان وحكمت عليه غلط .. وغلطانه اني ضيعته من ايدي دلوقتي .. انا عارفه انك بتتعذب بسبب حبك ليه .. زي مانا كده بضبط

__________