دماغه توزن بلد

الجزا الواحد والثلاثين 2

لكن ياسين وصل وفتح الباب بمفتاحه ..
ياسين بصوت عالي : سهر !!
مازن سمع صوته
سهر : ياسين ! انا هنا
مازن كتم  صوتها ..
مازن : اسكتي !
ياسين سمع صوت سهر وطلع على السلالم
ولما وصل محسش بنفسه غير وهو بيضرب مازن ضربات متتاليه .
سهر كانت واقفه بعيد وبتعيط          
ياسين : افهم ..بقه ..انا  مقتلتش حد
مازن نام على الارض  وبدا يكح
ياسين قام من على الارض وكان رايح لسهر 
مازن قام من على الارض وزق ياسين لغاية ما وقع لكن قدر  يتمسك بحافة السطح ..
سهر : ياسين
مازن  بدا يدوس على صوابع ياسين .. سهر جريت على مازن واستعملت السلاح الوحيد العندها ضوافرها وبدات تخربش فيه ... 
عاطف و السواق دخلو ومسكو مازن من ايديه 
وسهر مسكت ياسين بسرعه وكانت بتحاول تطلعه
سهر : اتمسك بيه جامد
ياسين وشه احمر 
الشرطه جت و قبضت على مازن
وسهر اخيرا عرفت تطلع ياسين 
ياسين كان بينهج  جامد جدا  وحضن سهر وهي كانت بتعيط .. حط ايده على راسها علشان يطمنها
ياسين : خلاص ! كل حاجه انتهت يا سهر   ... خلاص
سهر : انا اسفه بجد
ياسين : هشش .. الحصل حصل مش ضروري نتكلم فيه
مازن زعق : انا مش هقف لحد هنا يا ياسين.. سمعني
__________
مازن فضل 3 ايام في الحبس وبعدين سفروه لمصر  .. وهناك اتحبس لفترة ... وفي التحقيق
الضابط : مش عاوز محامي
مازن : لا .. انا كده كده مفيش حد هيقدر جمبي
الضابط : كويس انك عارف 
مازن : تمام .. بس انا عاوز اقول حاجه صغيرة
الضابط : اتفضل ..
مازن : قضية الساحر هتتفتح تاني
الضابط : عفوا ؟
مازن : انا عارف مين الساحر ومكانه كمان .. الساحر الكان مدوخكم كلكم  طول السنين الفاتت موجود .. وعلي وعلى اعدائي
الضابط ابتسم وبدا يحلم بالترقيه
مازن كان مبسوط ان خططته بتنجح 
_______
اسبوع كمان عدى على مازن في السجن بيعد الايام على لقاه مع ياسين هنا .. اتعرف على واحد اسمه سليم
سليم عنده 45 سنه  وبقاله سنه ونص محبوس
واتصاحبه مع ان سنه كان اكبر من مازن
سليم :يعني مقولتليش انت جاي هنا في ايه
مازن : قتل .. خطف ..مش فاكر اذا فيه حاجه كمان
سليم : ههه كل ده
مازن : خطير انا
سليم : احكيلي حكايتك
مازن بدل يحكيله على الحادثه لما قتل بدر وبعدين قاله على موضوع ياسين وازاي قتل اخوه 
مازن : البني ادم ده اسمه ياسين صدقي النعمان .. لا يمكن انسى الاسم ده لغاية ما اموت
سليم : ايه ده ؟! عيد الاسم ده تاني
مازن باستغراب : ياسين صدقي
سليم وقف :شاب طويل وعيونه فاتحه شويه وشعره اشقر نوعا ما ؟!
مازن  : اه .. انت تعرفه
سليم : بص يا مازن .. انا هنا مسجون ومش فارق معايه اي حاجه .. اه انا اعرف ياسين .. وعاوز انورلك طريقك .. رغم انه طريق مسدود خلاص ...في حقيقه لازم تتوضحلك
مازن : قصدك ايه
سليم : مازن .. مش ياسين القتل اخوك .. انا كنت شغال مع عصابه واحد من الكشف كدبهم وفسادهم ياسين ..  انا كنت عبد المامور طلب مني رئيسي اني اقتل  ياسين وانا كنت مراقبه واخيرا عرفت اخليه صيدي جيت اضرب عليه جت في انور اخوك ... انا اتخضيت لما شفت الحصل .. ياسين حاول يساعده لكن انور مات .. وبعدين اضطر انه يهرب ..
مازن : ايه !
____________