ياسين نزل من بيته .. واتمشى لغاية اخر الشارع
وسهر كمان كانت بتتمشى وقابلت ياسين
ياسين مشى جمبها
سهر : اهلا
ياسين ابتسم
سهر : عامل ايه النهارده
ياسين : احسن منك
سهر ابتسمت بتحدي : حلو الرد .. نقطه ليك
ياسين :وانت
سهر : مبقتش كويسه لما شفتك
ياسين : حلو الرد ده بردو
سهر : ههه امال ايه
ياسين : انت رايحه فين بدري
سهر : انا رايحه شغلي
ياسين : بس المكتب مش من هنا
سهر : ما انا بشتغل كمان في مدرسه
ياسين : بجد ؟!
سهر : مدرسة موسيقى
ياسين : لازم مرة اروح اشوفك هناك
سهر : اي وقت تحبه ..يا .. كلب
ياسين باستغراب :انا
سهر بخوف : كلب جاي نحيتنا
ياسين لف وسهر استخبت وراه
سهر بصوت واطي : مشيه مشيه
ياسين لف وراها
سهر وقفت مكانها زي الصنم : انت بتعمل ايه
ياسين : بيقولو ان الكلاب بتشم ريحة الخوف .. فاهدي خالص واسترخي
سهر : بيقرب بيقرب
ياسين بيضحك : متخافيش
الكلب قرب من رجل سهر و بدا يشم جزمة سهر
سهر بحذر: قولو لو مش عاجباه الريحه هغيرله الجزمه
ياسين كان بيتاملها وبيشوف شكلها وهي خايفه للمرة التانيه
الكلب مشي
سهر فتحت عين من عيونها ولما اتاكدت انه مشي ...مسكت قلبها واخدت نفس ولفت لياسين وربعت ايديها
سهر : بتضحك عل ايه
ياسين : على شكلك
سهر :على فكرة الموقف مفهوش حاجه بتضحك ... مستفز ..
سهر مشيت وكات متعصبه
____
ولما وصلت للمدرسه المدير طلب منها انها تيجي لمكتبه
سهر خبطت على الباب
عصام : اتفضل
سهر : صباح الخير
عصام : صباح النور يا سهر يا بنتي .. اقعدي
سهر : شكرا .. خير فيه حاجه
عصام : جهزي نفسك علشان هتروحي تعزفي في حفلة قريب سهر : ايه ؟! بجد
عصام : بجد .. انت موهوبه وتستاهلي كل خير ... بنتي المجنونه و الطيوبه
سهر : شكرا جدا يا استاذ عصام
عصام : وخلي بالك علشان الحفلة هيحضرها ناس كتير ومهمين ومنهم الاستاذ صدقي وعيلته وهو طبعا صاحب اكبر شركة واغنى اغنياء البلد
سهر : اه طبعا ..طبعا
______
ياسين راح الشفل اخيرا ...واول ما دخل الشركه كان كل الموظفين بيبصوله ..
ياسين : فيه ايه
السكرتاريه : استاذ صدقي بقاله حوالي 5 ايام بيدور عليك ..انت كنت فين
ياسين : كنت تعبان شويه
السكرتاريه : ادخله استلقى وعدك
ياسين : ربنا يستر
خبط ودخل
صدقي كان حاطط راسه على المكتب ومحبط
ياسين : صدقي بيه صباح الخير
صدقي رفع راسه وقام بسرعه
صدقي : ياسين ..
وراح عنده
صدقي زعق : كنت فين.. انت متعرفش ايه الحصل معايه كل الايام الفاتت يا ابني !
عاطف دخل ومن غير كلمه
صدقي : و انا مبقلش ابني زي كل مرة بصفتك زي ابني لا المرة دي لانك فعلا ابني
ياسين مفهمش : شكرا
عاطف : انت فعلا ابنه وهو ابوك بمعنى الكلمه
ياسين :انا مش فاهمك .. انتو بتحاولو تقولولي ايه
عاطف : الانت سمعته .. ولو حابب تتاكد شوف التحاليل دي
ياسين ببرود : انتو هتتضحكو علية بالكلام الاهبل ده ... انا والدي اتوفى من اكتر من 25 سنه
صدقي : انا كنت بدور عليك من زمان انت واختك .. تعالى معانا نتاكد تاني ونعمل ال dna .. بس الاوراق دي فعلا حقيقه ... هنا المستشفيات بتشيل عينات من الدم .. وانت لما ادتني من دمك لما كنت عامل حادثه احتفظو بعينات من دمك ورحت وطالبت بتحليل الdna وهما عملوه واتاكد انك ابني
أنت تقرأ
دماغه توزن بلد
Lãng mạnدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
