دماغه توزن بلد

الجزا التاسع والثلاثين

سهر قدرت تفك ايديها ورجلها وشالت اللزق الكان على بقها وراحت عند ياسين
قعد تحت رجله وشالت الزق عن بقه
سهر : ياسين .. ياسين !!
ياسين فتح عيونه :...
سهر : فوق ..ركز معايه الله يخليك ... هنطلع خلاص ..
ياسين بصوت تعبان : ازاي يا سهر ؟؟
سهر : اسمعني كويس .. انا لاحظت انهم بيجو يشوفونا كل ربع ساعه . يعني كل 900 ثانية .. في الوقت ده  شايف الشباك الصغير الهناك انا ههرب منه ... وهروح اجيب مساعده واجي اجيبك
ياسين : ان ..مش هسيبك لوحدك
سهر مش هقدر اطلعك معايه من الشباك .. مش هقدر اخاطر بحياتك انت متصاب
ياسين : بس ...
سهر : مفيش بس .. انت واثق فيه  ولا لا
ياسين : واثق فيكي
سهر : خلال ربع ساعه هتكون بره
سهر جايه تمشي 
ياسين : سهر
سهر لفت
ياسين : متسيبينيش اموت
سهر دمعت ...
( طبعا احنا سمعنا الجمله دي قبل كده )
سهر : انا هموت علشان انت تعيش
وبسرعه جريت
وفتحت الشباك  و بصت
وقالت : اتشجعي يا سهر هتعمليها
نطت من الشباك و ووقفت على سقف البيت وكانت بتمشي براحه ... بضت تحت لقت مفيش حد من الرجاله واقفين عند البيت من بره فبدات تسرع المشي ...
لكن  الكعب اتكسر
واتزحلقت وكانت هتقع لكن مسكت بالحافه
سهر بصعوبه : آه ..
وفضلت ماسكه 
لقت فيه واحد من الحراس طالع
سهر شدت على نفسها وقدرت تطلع وبدات تنهج كان على وشك انه تنكشف ... كسرت كعب الجزمه التاني علشان تقدر تمشي  
سهر وهي بتكسره : 122 123 ثانيه 
وكملت مشي على السقف ...ونزلت من على انابيب الميه 
وجريت بسرعه احسن حد من الحرس يشوفها ...
سهر لنفسها : لازم ادور على غرفة الكهربا ... اكيد هي بره البيت بس فين .. الوقت عمال يضيع مني
في واحد من الحراس جه فاستخبت سهر  وكانت بتترقب لما يمشي  لكن لاحظت حاجه ... لاحظت فيه نور بسيط  على ظهر الحارس واستنت لغاية ما مشي وراحت عند المكان
سهر خبطت على خشبه : النور كانت طالع من هنا ... بس الباب ده مقفول بقفل
راحت مسكت الطرف الكسرته من كعبها  وبدات تكسر في الباب الخشبي
سهر بتعد  : 204 ..205 ثانيه 
وكسرت حته  ممكن تدخل منها .. وبالفعل دخلت و شدت الدراع بتاع الكهربا فالنور فصل  
_________
ياسين النور اتقطع عنده وفي كل البيت  وبص حواليه حس ان ده بسبب سهر 
سعد في غرفة تانيه
سعد : حد فيكم يروح يشوف الكهربا الي قطعت  دي
واحد من رجالته : حاضر يا كبير انا هروح
سعد : خد مفتاح لوح الكهربا 
راح الراجل وطلع للوحه الكهربا لقا الباب مكسور من النص
الراجل قال بسرعه وهو بيفتح بالمفتاح  : يا نهار اسود 

دخل و فتح النور ( شد دراع الكهربا) وبدا يدور في الغرفة 
سهر من وراه  : بتدور على مين يا فندم
لف الراجل
فراحت سهر ضربته بعصايه على دماغه  ... ووقع على الارض دورت في جيوبه عن مسدس لكن ملقتش
سهر: عملين فيها عصابة ..ومعهوش مسدس ده ايه الغلب ال انا فيه ياربي ... خطتي الاولى فشلت  ...
خبطت على الارض
سهر : 375 .. .376 .. الوقت بيضيع 
طلعت من الغرفة ووهي طالعه داست على حاجه ...
سهر : مفاتيح !!
شالتهم من على الارض  .. وواحد من المفاتيح مكتوب عليها التكيف ...  سهر دخلت الغرفة تاني وشدت الراجل من رجله وطلعته بره
سهر : انا دلوقتس هخبط عل الازاز بتاع البيت ولازم حد يطلع يشوف الراجل المرمي بره ..وهيفضو البيت وانا هطلع عنطريق فتحه التكيف  ... يارب كل حاجه تمشي على هوايا

وفعلا خبطت على الازاز وبسرعه فتحت فتحة التكيف الكانت موجوده  في غرفة الكهربا ومدت ايديها في الجزا الكسرت الباب منه وقفلت القفل من بره واخدت المفتاح معاها وطلعت
سهر : 700 .. 710 ثانيه
كان الدنيا حر جدا بس هي استحملت كل ده .. وكملت طريقها   
في الوقت ده طلع واحد من رجاله سعد ( نعيم ) علشان يشوف من الخبط فلقه صاحبه ( عبدو )واقع على الارض ...  نهج واتخض وراح دخل  لسعد
  نعيم : يا كبير عبدو واقع بره
سعد وقف :  ايه !!!
طلعو كلهم
وسهر في فتحة التكيف اتاكدت ان كل الفي البيت طلعو لكن كان فيه طريقين  وسهر مكنتش عارفه تروح فين  290 ثانيه بس والحارس هيجي وهتنكشف
فراحت خبطت على الحيطه
سهر : ياسين ... ياسين
ياسين سمعها 
سهر : اعمل اي صوت انا مش عارفه اجي من اي طريق 
.... ياسين
ياسين سمعها  لكن كان بقه مكتوم 
ياسين لنفسه : اعمل ايه دلوقتي ..مش هتقدر تسمعني
بدا ياسين يضرب بالكرسي على الارض جامد
سهر سمعته وابتسمت بامل : الحمدلله وبسرعه سلكت الطريق الجه منه الصوت
__________
سعد راح عند غرفه الكهربا ولقه ان الباب مكسور والباب مقفول
سعد : نعيم  .. روح شوف ياسين والبنت المعاه بسرعه
نعيم راح
سهر وصلت لاخر الطريق وغمضت عينها
سهر : 898 ... 899 
دخل نعيم
نعيم خبط على راسه : هربت !
سهر نزلت من السقف وخبطت برجلها نعيم
سهر : واخيرا 900
وضربته بكوعها في وشه ووقع
سهر راحت عن ياسين فكعبلها نعيم ووقعها على الارض وبدا يلولها دراعها
وياسين بيحاول يفك نفسك 
سهر كانت بتتوجع جامد  ومن ال لوي سمعت صوت كسر كتفها .. ومن الواجع قدرت توصل لعلبه بنزين حديد وخبطته على راسه كذا مرة لغاية ما اغمى عليه
سهر مسكت دراعها وبوجع جامد عيطت 
سهر  : آه
وراحت عند ياسين وفكتله ايديه ورجليه وشالتله اللزق من على بقه
ياسين بقلق  : دراعك اتخلع صح
سهر : لا  ..مفيش حاجه
ياسين : انا سمعت صوت دراعك ... الكلب الحيوان ..
سهر : اهدى دلوقتي احنا لازم نهرب  ... انت متاذي ولازم تروح للمستشفى
ياسين جاي يقوم داخ ومسك راسه وقعد على الكرسي تاني
سهر : اسند عليه ... انا وانت هنخرج عايشين باي تمن
سهر سندته و طلعو بره الغرفه ونزلو واستخبو علشان سعد كان واقف واتسحبو  .. وهما الاتنين جريو

وبعد جري ...
سهر : الاماكن زي بعضها
ياسين : ديه يمكن .. 3 مره نعدي على نفس الاماكن
سهر : حتى مفيش طريق عام
سعد معاه مسدس   : مش هتعرفو تهربو
ياسين وسهر لفو لقو سعد ورجالته محاوطينهم 
ياسين بدا مايشوفش قدامه ورجله سابت
سهر : ياسين !
مسكته وقعدت ترجع بظهرها بعيد عن رجاله سعد لكن في وقت سهر رجلها ممسكتش الارض 
سهر بصت وراها لقت ان هما على جبل وبعيد جدا في بحر
سعد اخيرا استجرا وضرب الطلقة على .....

__________
يا ترى مين الاتطلق عليه النار  سهر ولا ياسين ؟؟
استنو الجزا الجديد