(شغلو الفيديو ☝ واقراو )
ياسين : ايوة ده انا
سهر رفعت عيونها ليه .. وهو كان بيبصلها بملامح الغضب ..
فضلو وقت من غير ولا كلمه ولا حركه لغاية
ياسين رفع ايده وكان هيديها بالبوكس في وشها وسهر غطت وشها
ياسين :انت هنا وانا قاعد بتعذب
ياسين كان بيقرب وهي بترجع بضهرها
ياسين بعصبيه : سايبه اهلك وبيتك ورميتي الدنيا وراكي بسهوله
غبيه .. سبتيني لوحدي ومهتمتيش اذا كنت هعيش ولا هموت .. ولا هكمل حياتي ولا اذا كان الزمن هيلعب بيه ويقطعني حتت
سهر مكنتش عارفه ترد .. بس عماله تبصله
ياسين كمل بعصبيه بتزداد اكتر واكتر : بقى عندي 37 سنه ولسه لابس خاتم خطوبتنا .. ضيعتي وقتي وحياتي .. بقيت اخد مهدئات .. دايما في اوضتي .. عايش مع عدوي ..وكله بسببك ... وبسب طيشك
ياسين : سبتيني ليه يا سهر .. مع اني كنت هخليكي تلمسي نجوم الكون باديكي .... كنت هقدم عمري ليكي
ياسين رفع ايده تاني علشان يضربها لكن ضرب ايده في عامود النور
ياسين مسك ايده : آه .. انت انسانه خاينه ..خاينه للسعاده ..للحب .. لكل لحظه حلوة عدت عليه
سهر في نفسها : اعمل ايه علشان اهرب من الورطه
عمرو قال لبسمه : اتدخل ؟!
بسمه : استنى شويه .. نشوف اخرهم
ياسين زعق : عارفه كان احساسي عامل ازاي
ياسين جاب حجرة من على الارض .. وبدا يخبط بيها على صدره بعزم قوته
ياسين دمع : ده كان احساسي .. ده كان احساسي يا سهر
ردي انت ليه مبترديش .. انا بكلمك على فكره
ياسين : انا دلوقتي بقيت اكرهك .. بكرهك
سهر صرخت وحطت ايديها على ودانها :لا .. لا
وجايه تجري لكن في باص كان هيخبط فيها وياسين شدها من ايديها في اخر لحظه باتجاهه ... وهي كانت ميته خوف .. هما الاتنين قدام بعض من غير ولا كلمه بس نظرات العتاب .... والكره
ياسين : وللمرة التانيه بتهربي !! وهتهربي
سهر فجأة اغمى عليها .. ياسين مسكها
وعمرو وبسمه .. وقعدوها على الارض
ياسين اتخض : سهر فوقي !!
عمرو : كلم الاسعاف بسرعه
بسمه : سهر
ياسين نفس سريع : حاضر حاضر
طلع يجري على التاكسي علشان يجيب تلفونه
سهر فتحت عين من عينيها
سهر بصوت واطي : بسسس
بسمه وعمرو في صدمه
سهر : خرجوني من الورطه دي دلوقتي قبل ما يجي
بسمه : يعني انتي بتمثلي
سهر : وطي صوتك .. اه ..ايه رايك اجبلك مايك وتفضحي الدنيا
عمرو : اركبي يلا الموتوسيكل بسرعه قبل ما يرجع
ركبو كلهم وطلعو يجرو
ياسين طلع من التاكسي وكان بيكلم الاسعاف
ياسين : رجاءا اسرعو ان ...
وقف كلام ..ملقهاش موجوده
ياسين كمل وضحك بصدمه : اسف .. هذا مقلب رامز جلال الجديد ... وانا الاشتغاله
قفل المكالمه ..وركب التاكسي
ياسين : للدرجه دي انا متخلف
ياسين ضحك على نفسه مره كمان
______
بسمه : اركني على جنب يا سهر
سهر ركنت وعمرو
بسمه : مين ده يا سهر
سهر شاورت على عمرو : ده عمرو خطيبك يا حبيبتي .. ايه نسيتيه ... انا الوقعت بالموتوسيكل مش انتي يا اوزعه
عمرو : احنا مبنهزرش على فكره .. الراجل كان محروق منك .. اوعي تكوني نصبتي عليه .. ولا اذيتيه
سهر : ايه يا ابني .. لا طبعا
بسمه : امال
سهر : مفيش حاجه بقه !
بسمه : سهر !!
سهر : ده كان خطيبي
بسمه وعمرو : نعم .. وبعدين !
سهر ضحكت : ههه وهربت يوم الفرح
بسمه قعدت على الارض : بتهزري
سهر : والله مبهزرش
عمرو : طب ليه هربتي بالطريقه دي من شويه ..ليه ما واجهتيش .. انا اول مرة اشوفك بتهربي بالطريقه الغبيه دي ..ده مش طبعك
سهر :مش عارفه .. بس مقدرتش ارد عليه
بسمه : علشان حاسه نفسك غلطانه
سهر : علشان حاسه نفسي مش جاهزه انه يرجع بالسرعه دي
بسمه : 9 سنين يا ظالمه ..وبتقولي بالسرعه دي
عمرو : هتعملي ايه دلوقتي .. انتي اكيد هتقابليه مره واتنين وتلاته
سهر : هوقف الموضوع عند حده بس محتاجه مساعدتكم انتو بس
عمرو : احنا معاكي ... ياستي ولا ايه يابسمه
بسمه : ولو اني مش متاكده من الي بتقوليه .. لكن خلاص هنعمل ايه
في طفل جرى عليهم
سهر : مارك !؟
مارك : انسه سهر .. ارجوكي تعالي معي سريعا ... ساندي اعلى مبنى المدرسه وستسقط على الارض
سهر : نعم ؟!
بسمه : يلا تعالي نروح بسرعه
عمرو : انا جاي معاكم
راحو بسرعه
سهر بصت فوق مبنى المدرسه لقت البنت واقفه
والمدير وكل المدرسين والطلبه تحت
سهر : يا استاذ عصام ما حد يطلع يجيبها
عصام :هي رافضه حد يطلع
سهر : مش معقوله كده
ساندي : انستي سهر انظري الي انا سأطير ... مثلما قلتي لنا .. ان الانسانه يجب ان يطير عاليا ويحلق باحلامه
سهر في نفسها : الله يخرب بيتك
سهر: ساندي رجاءا ابتعدي قليلا .. ستقعين
ساندي : لا ساطير.. حتى ارى النجوم وارى الكوكب كما يفعل *البرق
البنت كانت هتنط لكن حد مساكها من ضهرها
وزقها نحيته
بصت البنت لقته البرق
ساندي : البطل .. كنت اتوق لرؤيتك .. هيا نطير سويا
البطل : لا يستطيع الانسان ان يطير .. انظري اعلاكي
وشاور على الطيور
البطل : يمكن للطيور ان تطير باجنحتها وتحلق السماء .. وهذا دليل على عظمه الخالق سبحانه تعالى ..اما البشر فلديهم شيئان لا تمتلكه هذه الطيور
ساندي : ماذا؟
البطل : اولا العقل عليكي ان تفكري جيدا في كل امر تفعلينه .. فمثلا اذا اسقطتي هاتفك
ساندي : لا هاتفي لا
البطل : ههن نعم هو جماد و سوف ينكسر .. فما بالك لو سقطتي انتي وانتي لديكي الاحساس والشعور .. وثانيا القلب يمكن بقلبك ان تحبي احلامك فستشعري كانك تطيرين بها لاعلى سماء
ساندي : صح !.. اتفقنا
البطل : انا لا استطيع الطيران .. لكن استطيع التفكير (ابتسم ) لكي اهرب قبل ان يراني احدهم وفجاة نط ودخل عصام وام وابو البنت وبعض المدرسين
وبعدين طلع عمرو وسهر وبسمه
واطمنو على البنت
استاذ عصام : انسه سهر انت متحولة للتحقيق
سهر : اووف بقه
استاذ عصام : بكره الصبح تكوني موجوده بدري
ومشى
بسمه وعمرو : البسي
سهر :اهئ اهئ
روحت سهر
بسمه وعمرو قررو انهم يفكرو في موضوع ياسين وسهر ويشوفو حل ..
_____
ياسين رجع البيت وحكى لادم على كل الحصل ودخل ينام وصحى اليوم البعده ولبسو
ادم راح على الجامعه
وياسين راح يطمن على صدقي
خبط على الباب
صدقي : اتفضل
ياسين : ازي حضرتك
صدقي : بخير يا بني وانت
ياسين :كويس جدا
فتحي : اهلا بالزوق
ياسين ابتسم : شكرا لحضرتك
سعاد : اتفضل قعد
ياسين : لا مفيش داعي .. انا بس كنت جاي اطمن على حضرتك .. وكمان ابلغك ان الدكتور بيقلك ممكن تخرج النهارده
عاطف : استاذ ..
ياسين : ياسين
عاطف : اه ... الدكتور هو المهمته يجي يقولنا مش حضرتك
نور : عاطف ..
ياسين : انا عارف يا عاطف بيه ... فمتتعبش نفسك وتاكد عليه المعلومات
فتحي حب يلغوش على البيحصل :انت بقه بتشتغل ايه يا بطل
ياسين : مهندس معماري
صدقي : حلو جدا .. في اي شركه هنا ؟؟
ياسين : بصراحه انا مبشتغلش هنا .. انا بشتغل في البيت وببعت للشركه الي ف مصر
صدقي من غير تفكير : تيجي تشتغل عندنا في شركتي
عاطف : يا عمي انت مريض دلوقتي .. ومينفعش نكلم في الشغل
صدقي : استنى بس انت يا عاطف . ها ايه رايك يا ابني
ياسين ابتسم : صراحه يا صدقي بيه .. انا حاسس انك ربطت اني ساعدتك باني عايز مصلحه من حضرتك .. انا فعلا مكنتش اعرفك ..دي صدفه بحته .. ومش حابب انك تاخد قرار .. بسبب اخلاقك العاليه وتندم عليه في الاخر
صدقي : في شغلنا اتعلمنا اننا نعرف نفرق بين الصح الغلط ..وانا شايفك انك مناسب جدا .. وانا حبيتك والله
ياسين : انا ...
نور : انت اكيد مش مبسوط في الشغل البيتوتي .. ولا ايه
صدقي : خلينا نجربك طيب على الاقل وانت تجرب الشغل ..واذا معجبكش تقدر تعمل الي يريحك
عاطف الكلام مكنش عاجبه
فتحي : وانا مدير هناك وهساعدك
صدقي : انت هتكسفني ولا ايه
ياسين : لا لا .. انا هيكون ليه الشرف ولو اشتغلت عند حضرتك
صدقي وفتحي : خلاص متفقين
ياسين : عن اذنكم ..انا هروح لقسم الشرطه ..واشوف ايه الحصل في الموضوع ده
عاطف : وانا جاي كمان ...مع السلامه يا جماعه
صدقي : مع السلامه يا ابني .. اتفضلو
____
سهر كانت بتتمرن في النادي
وتلفونها رن
سهر : الو
الشخص : ايه لسه بتدوري عليه
سهر : مين معايه
الشخص : معقول معرفتيش ..انا متصل اقلك ان القصة اخدت منعطف جديد بظهور ياسين .. هتحصل حجات كتيرة وهجيبه راكع تحت رجلي وهخليكي تستسلمي للامر الواقع ..
سهر زعقت : انت بتقول ايه ..والله بس الاقيك مش هرحمك ..
الشخص : ههه ..ولو اني مش هخاف .. بس بطلي تدوري عليه .. و حاولي تخدي بالك من ياسين بقه كويس جدا .. علشان هو هيبقى فريسه سهله جدا دلوقتي و ممكن اصطادك اسرع
سهر : انت ..انت .. الو الو
سهر رمت تلفونها على الارض
وقعدت على الارض
سهر : ومن جديد هبدا اتدمر بسبب ياسيم
أنت تقرأ
دماغه توزن بلد
Romansaدماغه توزن بلد فعلا ... بس ايه الممكن يشقلب دماغه ويوقفه على ايديه ... مين الهيقلب كيانه .... يمكن دماغه هتركن على جنب وقلبه الهينبض .. هينبض بالحب ولا ايه .. وهل هيفضل ثابت على حبه ... دي الدنيا فيها مفاجآت كتيرة ... دي فيها سهر ... تابعوني وادعم...
