دماغه توزن بلد

الجزا الثالث عشر 2

سهر كانت قاعده في البيت عند بسمه ..  طلعت البلكونه وسرحت شويه في الحصل النهارده الصبح ..
سهر : انا مش فاهمه ازاي حصل كده .. ازاي انا كنت خايفه ..ازاي متصرفتش ... ازاي هربت بالسهوله دي
سهر غطت وشها
سهر : لا كده استني  .. انت يا سهر ناديتي على ياسين .. معقولة  .... لا انا كنت بنادي باقرب اسم جه على بالي ... فوقي يا سهر ياسين بره حياتي للابد
ادم نادى : سهر !!
سهر بصت تحت في الشارع لقت ادم
سهر باستغراب : ادم
ادم : اه انا
سهر : عرفت مكاني منين
ادم : سالت عم محمود
سهر : طب اتفضل اطلع عم محمود وبسمه موجودين
ادم : لا انا حابب اقبلك هنا ..على انفراد
سهر بصت في الساعه : الساعه 9 ونص .. الوقت اتاخر
ادم : مش هاخد من وقتك كتير
سهر : ثواني بس ..وهنزل
راحت سهر وقالت لبسه الهي نازلة ونزلت لادم

سهر: اسفه  اتاخرت
ادم : انا الاسف لاني جاي من غير موعد
سهر : شكل الموضوع كبير .. في ايه
ادم : انا محتاج مساعدتك
سهر : ما تقول قلقتني ... هو خالك ..كويس ؟
ادم : خدي ده
ادم طلع كوبايه القهوة ..
ادم : شمي
ادم قرب منها الكوبايه ...
سهر :مبحبش ريحة القهوة ...
وودت وشها النحية التانيه لكن بحركة سريعه مسكت الكوبايه تاني .. وشمت
سهر اتصدمت : مم..مخدرات
ادم : اه ... انا النهارده لاحظت ده في كوبايه خالو الي بيشرب فيها .. اكتشفت انه  بيتعاطى
سهر كانت دماغها مشغولة : طب يا ادم هو فين دلوقتي
ادم : انا قفلت عليه في البيت وجيت
سهر : طب يلا بينا
ادم : يلا
_______

راحت سهر مع احمد 
ولما طلعو البيت وفتح ادم الباب كانت المفاجأة
البيت كان متبهدل
وياسين كان عمال يكسر في الحجات ويرمي الكراسي ..
سهر كانت مرعوبه فعلا من البيحصل ومكنتش مصدقه عيونها ...
ياسين لاحظ وجودهم
ياسين اتجه لادم
ورمى فازة على الارض
ياسين زعق لغاية ما بانت عروقه  : انت ليه حبستني هنا
سهر :لوسمحت اهدى شويه
ياسين خبط على الحيطه وتابع بصوت عالي : ملكيش دعوة انتي
سهر : لا طبعا .. انا ليه دعوة بكل حاجه تخصك
ياسين : امشي من هنا دلوقتي
سهر : لا
ياسين شدها من ايديها وزعق  : اطلعي بره
سهر : سيب ايدي
ياسين زقها
ادم : انت مالك يا ياسين
ياسين مسك راسه وقعد على الارض 
ياسين  : انا معرفش. معرفش بس مش مرتاح .. انا مش عاوز اتعصب
سهر : انت مش عاوز تتعصب  .... عاوز تاخد الزفت الهيهديك مش كده
ياسين بصلها بعيونه الحمرة : ايه الانت بتقوليه ده
سهر : انت تحت رحمة المخدرات 
ياسين دمع : ها انتي  بتقولي ايه
سهر: ياسين قولي انك متعرفش حاجه عن الموضوع ده ..
ياسين كان لسه في الصدمة : يعني ايه  انا دلوقتي  تحت رحمة  المخدرات
ادم قعد جمبه على الارض  : كل حاجه هتعدي
ياسين بدا يعيط وبدا يضرب نفسه  على وشه ويخبط راسه  : لا .. انت بتكدبي عليه
سهر مسكت ايده : متعملش كده في نفسك يا ياسين
ياسين  : ليه كده ..ليه كده
قالها ونام مكانه وكان لسه ماسك ايديها جامد
سهر بعدت ايديه
ادم : انا هدخله اوضته ..وهرجعلك ثواني
سهر قعدت على الكرسي واتذكرت الورقه الجاتلها قبل كام يوم على المكتب
سهر : الرساله كان مكتوب فيها y _d  الشخص الي بعتلي كان بيهددني ..y) yaseen )  و الحرف التاني اسم شخص تاني 
ادم رجع لسهر
سهر : ياسين في حد حطله في القهوة مخدرات
ادم : و العمل
سهر : احنا لازم نعرف مين الشخص العمل كده
ادم : انا شفته مره الشخص الي بيوصلنا القهوة وحتى عندي رقم تلفون المطعم
سهر : بكره هنبدا وندور انا دلوقتي لازم اروح
ادم : تعالي اوصلك
سهر : مفيش داعي 
ادم : افوقت اتاخر
سهر : شكرا جدا
_______
اما في قصر صدقي
عاطف : الف سلامه عليك يا عمي
صدقي : الله يسلمك
عاطف : ايه الحصلك
صدقي بص للخدامه علشان تمشي 
الخدامه : عن اذنكم
صدقي : عاطف ياسين ابني الي بدور عليه طول السنين الفاتت دي كلها .. ظهر علشان ينقذني من الموت وعيش الامل في قلبي الكان مات
عاطف : ايه الحضرتك  بتقوله ده  .. هو انت عندك اولاد
صدقي :  دي قصة طويلة يطول حكيها ..
انا ومراتي الله يرحمها كنا عايشين ومعانا بنت وولد  كنا عايشين في مصر وكانت كل حاجه حلوة وجميله .. لغاية ما عملنا حادثة بالعربية .... مراتي ماتت وانا كنت بين الحياة والموت دخلت في غيبوبه طويله اوي . ..  اخد القدر مني مراتي واخد الزمن مني عيالي ... دورت عليهم  في كل مكان في العالم ..حياتي كانت صعبه جدا .. عشت هنا وكملت حياتي ومات جوايه الامل وماتت السعاده ابديا لغاية ما جيت انت ونورت حياتي .. حبيت الحياة معاك .. واهو قدامك الشعر الابيض الاكل شعري .... وبعيش تاني لما  اعرف ان ابني قريب مني جدا .. وعايش ... انا على امل انه فعلا يكون ابني .. امانه عليك ساعدني 
عاطف : وانت عرفت منين
صدقي : فيه واحد مجهول اتصل بيه وقلي الكلام ده وبعدين تلفونه اتلغى الرقم من عندي في السجلات
عاطف : احنا لازم نلاقي ياسين ونعمل الdna علشان نتاكد اولا بعد كده هنشوف هنتصرف ازاي
صدقي بص على الارض
عاطف : متخفش يا عمي لو اتاكدت فعلا انه ابنك .. هجيبو وهلم عيلتكم زي زمان ومش هسمح لحاجه تفرقكم ابدا

__________
في اليوم البعده
سهر وادم راحو وسالو عن المطعم واتصلو بالرقم الكان مغلق ادم : هنعمل ايه دلوقتي
سهر : معرفش ..
ادم : احنا لازم نلاقي العمل العملة السودة دي الي حط لياسين المخدرات في القهوة
سهر : هعرفه يا ادم ...وعد اني اجيبه راكع على رجليه 
ادم : سهر الحقي .. هو ده
سهر : مين
ادم : الي شوفته وهو جاي البيت  عندنا
سهر وادم استخبو
واول ما قرب الراجل
سهر حاوطت ايديها حوالين رقبته وشدته
الراجل : ماذا يحدث .. من انتم 
ادم كتمله بقه
سهر : انا من سيسأل هنا ..
وضربته بوكس في وشه
سهر : لماذا وضعت المخدرات لياسين في القهوة
الراجل : من هو ياسين ..
سهر : انا اعلم كل ما فعلته ..
سهر طلعت مسدس من جيبها
سهر : ستقول  ام اطلق عليك ؟!
الراجل : انتظري قليلا ..نعم  نعم انا من وضعت المخدرات في قهوة السيد ياسين
سهر : ومن دفع لك لتفعل هذا 
الراجل ابتسم : حقا انتي لا تعلمين من هو ؟!
سهر : انا لا امزرح
الراجل : اعلم ذلك .. باختصار ..من جئتي لامريكا خصيصا بسببه هو من اجبرني على فعل ذلك
الراجل جرى بعدها
وسهر عضت على سنانها ..
ادم : مين ده ..!!
سهر مردتش عليه ومشيت
لبست البس الاسود الجلد وقناعها وابتسمت 
ابتسامة تحدي ..
________
ادم لما رجع البيت كان ياسين قافل على نفسه بالمفتاح كان خايف احسن ياذي الناس الي بيحبهم زي ما كان هياذي سهر امبارح ...ففضل الوحده ومعاه الحاجه الوحيدة الي بتسليه مذكرات سهر لما كانت صغيرة

صدقي رافض يشتغل الا لما يلاقي ياسين .. ويشوفه ومش هيسمح انه يضيع منه تاني وعاطف كان بيدور عليه في كل حته
___________
اليوم البعده
سهر قررت تروح تطمن على ياسين
ادم فتح الباب
ادم: اتفضلي
سهر دخلت وقعدت : عامل ايه دلوقتي
ادم :حابس نفسه من امبارح ومش راضي يخرج
سهر : هو كده بيقاوم نفسه .. هو تقريبا فقد الثقه في الناس
ادم : الا فيكي
سهر بصت على الارض
ادم :هو فعلا مخلص ليكي و..
سهر : لوسمحت يا ادم ..اوعى تفتكر الانا بساعده علشان بحبه او حاجه انا بس بساعده علشان ده واجبي
ادم فجأة وقف
ادم : ياسين
سهر بصت وراها لقت ياسين
سهر غمضت عيونها ولوت شفايفها  : ايه الحظ ده .. انا مكنتش بصدقهم لما كانو بيقولولي ان حظي زفت
سهر وقفت وكانت مستنيه عصبيه ياسين
سهر : ياسين انا .. مقصدتش القلته ده بس ..
ياسين بكل جمود : لازم معاتبكيش لانك مسالتيش عليه طوله السنين الفاتت دي ولا على الانت بتقوليه دلوقتي   .. لازم اعاتب نفسي ..لاني لسه بفكر فيكي
سهر بصت على الارض
ياسين دخل الاوضه ورمى دفتر مذكراتها على الارض
سهر اول ماشافت الدفتر اتصدمت 
ياسين : انا هتخلص من موضوع المخدرات قريب وهتخلص من شبحك  انت كمان ...  عارفه انت والمخدرات كان عليكم نفس التاثير عليه .. غيبتو عقلي .. واكتشفت ده مؤخرا ...
انا هرمي كل حاجه ورا ضهري وهنسى اني شوفتك وهنسى   كل الحصل معايه من ساعه ما جيت هنا 

سهر نزلت جابت دفترها ومشيت من غير ولا كلمه 
سهر وهي في الطريق لبيتها
سهر بهبلها بتكلم نفسها في الشارع : انا ليه مردتش عليه .. انا كنت ممكن اضربه وبلاط البيت يشهد على كده لولا ادم الكان بيحجز ..  وبعدين هو طويل اوي  مكنتش هعرف اوصله .. انا ليه حظي وقع ما واحد طويل .. دادا لطفيه كانت دايما تقولي اني مدب  ... وحشتني اوي ونفسي اقدر اشوفها واكلمها واكلم  ليلى وندى .. بس مش هقدر

بسمه من البلكونه : لسه فاكره تيجي دلوقتي ..وماشيه بتكلمي نفسك
عمرو : مجنونه نقول ايه
سهر خبطت باديها راسها : انا نسيت اننا مفروض نتقابل النهارده علشان نتابع شغل العمال في شقتكم
عمرو : يلا اطلعي
سهر : طيب يلا