كانت اسيل تذهب وتجئ في غرفتها وهي بداخلها تشتعل من الغضب عندما سمعت اسيل صوت غلق باب المنزل علمت بأن احمد قد غادر ثم خرجت هي من غرفتها وقفت مواجهه لوالدتها التي اخبرتها بنبرة حازمة
استعدي انتي واخواتك لان يوم الخميس عرسانكم جايين يطلبوكم مني
تسمرت اسيل بمكانها غير مستوعبة لما قالته لها والدتها الان كيف تستعد وعن اي عريس تتحدث
اسيل : عرسان ايه ياماما اللي جايين يطلبونا يوم الخميس
كانت تلك الكلمات التي سمعتها نيرة اثناء دخولها من باب المنزل وقفت هي ايضا مصدومة ماذا تقول والدتهم اهذا معقول
دخلت اسيل بدون كلمة تبعتها نيرة الي الغرفة وهي تقول بغضب
معقولة ماما توافق علي الطريقة دي هي مش كانت معانا ايه اللي يخليها تغير رأيها بسرعة كده هي مش عارفة انها كده بتجبرنا
اسيل بغضب : احمد بيحلم اني اوافق علي الجوازة دي مش وقت ما يحب يتجوز هيلاقيني . هو ميعرفش انا اقدر اعمل ايه هو وقف قصادي وتحداني لكن انا مش ممكن اخسر
قاطعتهم نوران وهي تفتح باب الغرفة وتدخل مندفعة وهي تقول معقول اللي ماما بتقوله ده هيجوزونا بالعافية
اسيل بنبرة مرعبة تنم علي الشر
مش هيلحقوا يتجوزونا يمكن لما يعرفوا شروطنا يرجعوا ف كلامهم
نيرة بتركيز : ناوية علي ايه يا اسيل
اسيل بابتسامة خبيثة : هقولكم والتنفيذ يوم الخميس
########################
دخل احمد الي الفيلا وجد باسل يجلس امام اللابتوب الخاص به ومندمج باعماله جلس بجانبه علي الاريكه بتعب وهو يتأفف بضيق نظر لها باسل بتساؤل
مالك يا احمد في ايه
احمد :كنت عند مرات عمي
باسل بتفهم : كنت بتكلمها ف موضوع جوازنا
اومأ احمد ثم تابع باسل حديثه : وطبعا اقنعت مرات عمي ووافقت لكن البنات مش موافقين صح
اومأ احمد بتعب ولكنه لم ينتبه لابتسامة باسل المتحدية فقد اقسم بداخله ان نيرة لن تكون لغيره فهو الي الان لا يستطيع تفسير مشاعره ناحيتها برغم ان هناك الكثير والكثير من الفتيات التي تتمني كلمه منه وعلاقاته النسائية الكثيرة ولكن نيرة ابنة عمه مختلفة فهو سيبدأ من الان بالعمل علي اقناعها
قاطعه عن التفكير دخول مهند القي عليهم السلام وجلس بجانبهم
احمد : كويس بما انكم متجمعين فجهزوا نفسكم ليوم الخميس هنروح لبيت عمي ونتقدم للبنات
مهند بلامبالاة: اوك انا داخل اوضتي
نظر له باسل بالسرعة دي يوم الخميس انا كنت مع نيرة الصبح وكل تصرفاتها بتقول انها مستحيل توافق
احمد بابتسامة : ومين قالك انهم وافقوا علي الميعاد انا سايب اسيل شوية وهتطلع نار من عنيها
ضحك باسل ثم رسم الجدية وتحدث بس فعلا يا احمد انت هتتجوز اسيل علشان وصية عمك بس . اسند احمد رأسه للخلف واغمض عينيه ثم تنهد وقال : الحقيقه مش عارف يا باسل لكن اللي متأكد منه انه مش بسبب الوصية بس لكن كمان علشان نساعد والدنا انها يتعافي لما يلاقينا نفذنا وصية عمي من يوم وفاة عمي وهو مفيش اي تحسن واخيرا قررت مع الدكتور اننا نسفرة للخارج وكمان لاني مرتاح للموضوع اسيل فعلا انسانه كويسه ورقيقة اوي وبريئة وهتكون انسب زوجة ده غير اني تعبت بقا ومحتاج استقر ومش هلاقي انسب من بنت عمي
باسل بداخله : مازلت ياحمد تحتاج للفت نظر بسيط حتي تكشف عن ما بداخل قلبك
################ يتبع
أنت تقرأ
نبضات قلب
Roman d'amourبسم الله الرحمن الرحيم قد يلعب الزمن بقدرك وتفقد الكثير قد تحاول الحياه جعلك تذرف مئات العبارات لكن ارها انت ابتسامتك...... وصل بسيارته امام منزلها وتوقف ثم التفت للسيده منيره وقال باين عليكي تعبانه اوي هوصلك لفوق واطمن عليكي وبالفعل صعد وهي تستن...
