نبضات قلب

الواحد والعشرون

في الصباح استيقظت نيرة وارتدت ملابسها وذهبت الي الصيدلية نزلت من باب المنزل وجدته واقف بطلته التي تأخذ العقل وهو ينظر لها بمكر اقتربت منه وسالته
_ بتعمل ايه هنا يا باسل
باسل ببراءة مصطنعة : جاي اوصل خطيبتي بلاش
نيرة بضيق : بس ده مكانش اتفاقنا
باسل : انا فكرت انك اكيد محتاجة تاكسي فأعتبريني التاكسي زي بعضه
يلا يانيرة اركبي : تأففت نيرة ثم ركبت بجانبه وهو يقول احنا هنروح مكان نتكلم فيه شوية حاولت نيرة الاعتراض ولكنه لم يعطيها الفرصة ذهب الي نفس المطعم الذي جاء اليه من قبل ثم جلس واجلس نيرة امامه فقالت ايه سر حبك بالمطعم ده شكلك بتحبه اوي
باسل بنظرات عابثة : ليا فيه ذكريات حلوة وبدأت احبه اوي
نيرة وبقلب ينبض بشدة من تلميحاته هو ايه ده اللي بدأت تحبه . باسل براءة مصطنعه : المطعم
ثم اكمل بجدية : نيرة انا عارف ان وصية والدك جات في وقت انا وانتي كنا بنتخانق كتير ودايما مختلفين في كل شئ انا كنت قاسي معاكي جدا  وطبيعي تصدقي اني وافقت اخطبك بسبب وصية عمي فده ممكن يخليكي مترددة في علاقتنا ثم صمت  لدقيقة وهو ينظر لها بنظرات اربكتها  واقترب منها وقال بصوت اجش هتصدقيني لو قولتلك ان في مشاعر جوايا ليكي بدأت احسها مش مشاعر مسؤلية واحد ببنت عمه لا مشاعر اعجاب شخص معجب ببنت مشاعر اول مره احسها انا عرفت بنات كتير زيي زي اي شاب كان ليه علاقات في الكلية وبعد ما اتخرجت ولحد قريب
لكن بمجرد ما دخلتي حياتي مش كبنت عمي لا كبنت حركت قلبي اكتشفت خنقاتي معاكي وقسوتي عليكي دي كانت ..  ثم صمت ....
نيرة متساءلة بنبرة متلعثمه  هامسه نتيجة عنفوان مشاعرها : كانت ايه
باسل بأبتسامه هادئة نتيجة تأثرها كانت خوف وغيرة
نيرة لاتتحمل ماتسمعه نظرت اسفل قدميها ثم امتدت يد باسل رافعا رأسها لتنظر في عينيه انا فعلا اكتشفت ان باسل عز الشرقي بيغير علي بنت عمه بيغير  من لبسها من الالوان اللي كنتي بتختاريها قي لبسك اللي كانت بتثير جنوني  ضحكتك اللي بتلفت العيون ليها بغير من اصحابك ومن  اي شخص يقرب منك احساسي ده شئ خاص بيكي انتي لوحدك مش لأي واحدة تانية شئ بيكبر كل ييوم فأرجوكي اديني فرصة وادي لنفسك فرصة انا متأكد ان نفس الاحساس متبادل بينا . انا مش طالب غير نقرب من بعض عاوز نكتب الكتاب يانيرة كادت تعترض ولكن باسل قاطعها بأنه قال قبل ماتعترضي يانيرة في مشاعر نفسي اوصلهالك بس انا متأكد ان التزامك هيمنعك من انك تتكلمي معايا بحرية كمان مش مسموحلي امسك ايدك براحتي نيرة اوعدك اني هعمل المستحيل علشان نكمل سوا . تخيلي انا اصلا مش مصدق نفسي اني اعد بقالي ساعة بقنع فيكي باسل الشرقي اللي كل البنات بتجري وراه اعد ساعة يقنع في بنت عمه تحن عليه وتوافق تتجوزه
ابتسمت نيرة مما اعطاه امل وقال لها ها موافقة .
بدأت نيرة بالسيطرة علي قلبها ومشاعرها ونظراته عليها وبدات تتحدث : انت عارف ياباسل ان الموضوع جه بسرعه اوي واانت كنت لسه امبارح مجرد ابن عمي بس وفجأه بابا توفي وموته كان صدمة ليا انا مش قادرة اخد قرار دلوقتي وخصوصا قرار زي كتب الكتاب مش سهل انا حاليا مش هقدر اوافق ومحتاجة وقت افكر
باسل غاضبا : ولا يوم واحد يانيره كتب الكتاب هنحدده دلوقتي
نيرة بغضب ونبره عاليه وانا مش موافقه ياباسل انا لسه مش قادره اجمع افكاري لسه متلغبطه كل حاجه بتفاجئ بيها محتاجه شوية وقت اعد مع نفسي وافكر لكن مش هكتب الكتاب لمجرد انك عاوز تكتب الكتاب ولو سمحت التزم بشروطي ومتتعدهاش
نظر لها باسل بجمود وتعابير وجهه لا تظهر ما بداخله اما نيرة فشتمت نفسها علي تهورها ف الكلام وكادت تنطق ولكن باسل قاطعها وهو يومئ رأسه ويقول تمام هلتزم بشروطك ولو علي شرط اني ماشوفكيش غير يوم  ف الاسبوع تمام موافق يلا بينا عندي شغل وتركها وجمع اغراضه من علي الطاوله كادت ان توقفه ولكن الكلمات لا تخرج من فمها
############