نبضات قلب

السبب!

هناك حياة وعلاقات تتحطم وتنكسر بسبب خذلان احد الطرفين للأخر.... فهل يمكن استرجاع هذه العلاقات بعد # الخذلان
**********
داخل مطعم بمدينة الاسكندريه يطل علي البحر ويدور الحوار :
رفعت: وبعدين انا ادمرت خلاص عز وفاضل بيعوني هدومي انا خلاص حعلن افلاسي انا مش عارف اعمل ايه محتاج تساعدني ارجوك
منصور : ايه الحل اللي فإيدي نتا عارف انهم سلموا كل اعمال الاداره لاحمد وباسل الشرقي ودول مابيرحموش ومبيلعبوش ولا بيهذروا تفتكر انا اقدر اقرب حتي منهم مش ممكن طبعا
رفعت: يعني ايه بيتي اتخرب سبع سنين سجن وسمعتي بقت صفر محدش راضي يقف جمبي ولادي حأكلهم منين انا بعت كل اللي ورايا وكل حاجه بمتلكها عز دمرني وخدعني وعملي كمين .
منصور : منتا اللي غلطان يارفعت حد قالك تجازف ومتلاقيش غير عز الشرقي وتروح تعمل معاه صفقة الات بايظه اهو فضل ياخدك علي قد عقلك لحد ماطلع متفق مع البوليس واتمسكت متلبس هو انت الغلط من ناحيتك انك فكرته بالغباء ده وهو اذكي مما تتخيل اصلا ده غير انك فتحت عيونهم عليك اصلا وصادروا كل اموالك واتحبست سبع سنين
رفعت بكل غضب الدنيا وبراكين الشر انا لازم انتقم منه واخد حقي منه واخليه يندم علي كل حاجه عملها فيا لازم انتقم لمراتي اللي سابتني وولادي اللي بعدوا عني ووقتها ناري حتبرد
منصور:حتعمل ايه يامجنون محرمتش من الجنان ده سبع سنين سجن ضيعوا اخر ذره عقل عندك حرام عليك دمرت نفسك ياصاحبي ابعد عن سكة عز ابنه الكبير مابيرحمش وقرصته والقبر ده وحش السوق رجالة اكبر مني ومنك وبيعملولوا حساب
رفعت:لازم اخد حقي لازم انتقم لازم
منصور في داخله ربنا يستر ياتري ناوي علي ايه يارفعت نظرات الشر فعنيك دي مش حتبقا نهايتها كويسه حتضيع نفسك ياصاحبي
......................
وفي الجهة الاخري في مجموعة الشرقي تحديدا المكتب الاصلي لعز وفاضل اول نجاح لهم في مكتب رئيس مجلس الادارة يجلس عز علي خلف مكتبه وفاضل علي الكرسي امام المكتب
فاضل : يعني ياعم عز ليه من الاول تخلينا نسيب اعمالنا واشغالنا بقا مادام بتخليني اجي الصبح اعد جمبك علي المكتب بالساعات وتعد تقولي المكتب ده غالي عليك وبتحبه وتعد تعيد ف الذكريات
عز بابتسامة : عارف يافاضل يااخويا انا بحب اجي هنا ليه واخدك معايا ونفضل مدة طويله هنا ف المكتب ده علشان اشوف االنجاح اللي وصلناله انا وانت من مجهودنا طوال السنين دي كلها وبحس بفرحة ابونا اللي ربانا وزرع الحب ف قلوبنا يكفي انك الاخ والصديق اللي أأتمنه علي مالي وحالي وانا مغمض واني من غيرك ولا حاجه لدرجه اني بطلب من ربنا دايما يجعل يومي قبل يومك
فاضل بغضب : ليه ياعز الكلام ده بتقول كده ليه انت متعرفش انك عكازي ... بيك بحس اني مسنود واني كامل مش حقع ربنا يخليك وتعيش وتشوف ولادك وولادهم انت عكازي ياعز انت سندي وضهر واخويا يوم مااقع انت موجود تلحقني
عز وكأنه تذكر شئ: كويس انك دخلت ف الموضوع لاني عاوز منك حاجه ودي حتكون سر بيني وبينك حاليا وبعد كده نبلغ هويدا ومنيره
فاضل: خير ياعز انت بقالك فتره سرحان وسكوتك ده قالقني
عز: عاوز اكتب ووصيتي
فاضل باستغراب وخضه: بتقول ايه ياعز بعد الشر عنك ياخويا ليه السيرة دي ربنا يخليك لينا وتربي ولادك
عز بنبره جاده : انا كلمت استاذ اكمل المحامي بتاعنا يجي ف سرية تامة علشان اقول علي وصيتي وتكون حاضر وطبعا ده الموضوع الاول لكن لسه في الموضوع التاني اللي كنت عاوزك فيه
فاضل : قول ياعز انا سامعك
عز شرد قليلا ثم تنهد وتابع في جديه : عاوز نجوز ولاد الشرقي لبنات فاضل الشرقي
فاضل بصدمة ممزوجه باندهاش : انت بتقول ايه ياعز مش فاهم ازاي يعني
عز بجدية : اولاد عز الشرقي يتجوزو بناتك بنات فاضل ومنيره
فاضل افاق من صدمته وقال انت عاوز تجوز ولادك لبناتي طيب ازاي ماهما موجودين طول السنين دي كلها محدش فكر يقرب منهم ازاي تبقي دي وصيتك انت كده بتظلم ولادك قبل بناتي انت ناسي ابنك الكبير كان خاطب بنت خالته واعدو اربع سنين يحبها واهو سايبها بقاله اكتر من سنه مفكرش فحد من بناتي ليه لالالالا انا مستحيل اوافقك علي الجنان ده ياعز مش حقدر اجبر بناتي علي الجواز وامنعهم من حرية الاختيار كمان ده غير ان احمد كل يوم مع بنت شكل منكرش انو شايف شغله كويس جدا احسن مني ومنك كمان لكن مع البنات علاقاته وصلاني انت ناسي اخر مشكله عزيز سالم بنته جات لهويدا البيت علشان تتطمن علي احمد
قهقه عز وقال متفكرنيش يومها ايه اللي حصل احمد نزل بيقدمها لمامته بيقولها دي سالي والبنت ياعيني طلعت اسمها جميله اعد يقولها قوليلي اي موقف يفكرني بيكي او اي علامه قهقه فاضل الواد مكانش فاكرها اصلا ومن وقتها وهي كل ماتشوفه تتقمص وتسيب المكان اللي هو فيه وتمشي وخسرنا عميل مهم بسببه
والاستاذ التاني باسل اللي مره واحده صارحته انها بتحبه راح رادد عليها وقال امممممممم تفتكري اني ممكن انزل لمستواكي واقولك انا كمان انا عندي اشرب شاي مع توست بالمربي والزبده افيدلي كتير من اني اضيع الخمس دقايق ف سماع التفاهات دي وسابها وركب عربيته ومشي وبعد ده كله عاوزني اسلم بناتي ليهم لا طبعا مستحيل
عزب بتنهيده : انا عارف انا بقولك ايه يافاضل وكده حموت وانا مرتاح واثق فيا يااخويا
كان فاضل في حيره من امره لايعرف كيف يتصرف في هذا الموقف اللذي اوقعه فيه اخوه هوحقا يحب اخوه ودائما ينفذ كل قرارته لثقته العمياء فيه ولكنه خائف فاحمد كالجليد لا شئ يسطتيع اذابته والغضب عنوانه وباسل الغرور صنع له خصيصا والثالث لايتحمل المسؤليه ياالله ماهذا العبء الذي احمله قاطع شروده صوت اخيه عز ها يا فاضل قولت ايه
وافق يافاضل انا عمري ماقولت حاجه وطلعت غلط بناتك حيكونوا ف امان مع ولادي
فاضل بتنهيده : موافق يا عز لكن اللي حيعترض نحترم اعتراضه ونوافق علي طلبه
عز بارتياح: زي ماتحب يااخويا وصديقي ومد يده ليصافحه فقام فاضل وصافحه بابتسامة واسعه وهو في عالم اخر وشروده فعز يفضل ان يحمل الحمل وحده بعيدا عن تؤام روحه اخوه وصديقه .
.....................
في فيلا عز الشرقي قامت السيدة هويدا بعملها المعتاد صباحا حيث تقوم بجمع الورد من حديقة الفيلا التي تقوم كل صباح بمراعتها
اخذت بعض الورود ووضعتها ف مزهريه تليق بها وقامة باعداد وجبات لذيذة من الفطور بمساعده ام رقيه
فهي تحب ان تعمل بنفسها وام رقيه تقوم بمساعدتها
احمد : صباح الخير ياامي وهو يجلس علي السفره وحشتيني
الام بتأنيب : اكيد لازم اوحشك ماحضرتك بتيجي وانا نايمه وبتمشي برده وانا نايمه انا حرقص النهارده من الفرح ان احمد بيه بجلاته بيفطر معايا علي سفره واحده في اللوكانده بتاعته اللي بيجي ينام فيها ويرتاح ويغير هدومه وينزل تاني ولا اخوك الاستاذ المحامي اللي بشوفه ف المناسبات
مين بيجيب فسيرتي علي الصبح كان هذا صوت باسل من خلفها
ضحكت الام باستخفاف لا ده كرم منكم الصراحه متجمعين ف وقت واحد علي السفره وحتفطروا معايا كمان الترانزيت بتاعكوا لحد الساعه كام بقا
رد باسل سريعا يامي التوست ده حلو اوي بالذبدة الحقيني بكوبايه شاي لاني عندي صداع جامد اوي
الام بغضب انتو ناوين تجننوني انا لازم اشكي لعز يشوف طريقه ف الوضع ده انا خلاص تعبت
رد باسل سلامتك ياامي كل ده علشان طلبت توست زياده اومال لو قولتلك اعملي فطار جديد حتعملي ايه
حرام عليكوا البرود ده حسوا بيا شويه نفسي اعد معاكم وانتوا مش مهتمين انا ماشيه وكادت ان تخرج من الغرفه نادي احمد عليها ففرحت انها اثرت فيه واستدارت تبتسم بحنيه ولكن لم تكمل الابتسامه فقد تلاشت عندما سمعته يقول
لحمد : يامي بالله عليكي وانتي خارجه قولي لام رقيه تعملي شاي مخصوص والجريده لاني مقرأتش امبارح
باسل : وانا ياامي قوللها تزود التوست والزبده وتجيبهم مع الشاي والجريده لاحمد
صاحت الام وجزت علي اسنانها وطلبت من اللله ان يرأف بحالها وحال من سيرتبطوا باولادها فويلهم من سيقعوا بحبهم اولاد عز الشرقي سيزوقوا انواع العذاب واشكاله والوانه
يتبع........ً