دخلتا غرفتي و رميت شنطتي بزهج في السرير و قعدتا جات داخله وراي يارا بت خالتي..
يارا:( براك بتجيبي المشاكل لنفسك...منو القال ليك تردي عليها? هي طوالي بتحب تفرسك كده و في الاخر بتجي في راسك انتي هي اصلا م بتزعل لانو م عندها احساس)
ختت شنطتها و قعدت جمبي...
قلتا ليها:( انا حاغير الترحيل ده و لو كترتها حاغير المدرسه كلو كلو)
يارا:( انتي ي ميناس عبيطه? م تردي عليها بس...خليها تتكلم لحدي بكرا.. انا م بعرف اتكلم ب خشمي لو كترتا حاضربا و حاخد فصل تاني من المدرسه بسببها)
ميناس:( خليك ي يارا بعيد.. انا بتصرف معاها)
يارا:( البت دي حاقده و ربي حاقده عليك.. كل يوم تقعد تتكلم قدامك.. و تطاعن فيك ..انو مم عندك اخوان و امك عرست وله م عرست دي م حاجه بتخصها...و بعدين انتي اصلا تتاثري بكلامه ليه? انا مش اختك? امجد و مراد ديل مش اخوانك?? و امك اهو عايشه و الحمدلله..و امك م عملت شي غلط ?? ليه بتتاثري بكلامها?)
مسحتا دموعي..
قلتا ليها:( صح انتي اختي.. و اخوانك اخواني... بس برضو.. الزول بحتاج امو و ابوهو... و انا جد موضوع م عندي اخو او اخت دي حد متعبني... جد كنت بتمني اخو او اختك.. جد كنت بتمني كده)
يارا قعدت جمبي حضنتني عليها...
يارا:( حرام عليك وااله ي ميناس.. يعني اختك الا تكون من امك.. اهو انا اختك...و البتحتاجي ليهو من اختك اهو بعملو ليك.. اكتر من كده دايره شنو?)
مسحت لي دموعي..
قلتا ليها:( والله انتي اختي الما جابتها امي.. و جد ماما ليلي بعتبرها امي.. م خالتي بس و انتو جد م مقصرين معاي.. ربنا يخليكم لي... م عارفه حارد ليكم جمايلكم علي دي كيف)
يارا:(يلا خلاص بطلي بكا.. قومي استحمي و غيري و حامشي اكلم ام ايوب تحضر لينا الغدا.. ماما شكلها مافيشه)
قلتا ليها:( طيب)
احكي ليكم عن نفسي شويه و حارجع ورا شويه عشان تفهمو الحاصل...
انا اسمي ميناس عبدالرحمن... وحيده امي و ابوي...
عشتا طفولتي بالطول و العرض.. امي و ابوي كانو مدلعيني شديد و قبل م اطلب الحاجه بلقاها موجوده..
يارا بت خالتي ليلي ... انا وهي اتربينا مع بعض.. لانو احنا قدر بعض في العمر.. فرقنا شهرين من بعض..
يارا بقت لي اختي و حبيبتي و كل صحباتي.. انا و هي علاقتنا حلوه جدا.. بنقرا مع بعض من الروضه..وبرضو نفس المدرسه .. و بقعد معاها في بيتهم طوالي.. و ده غير الاجازات البجي بقعدا معاها.. و ايام الامتحانان برضو بنعسكر مع بعض...
