مشو جيجي و اميره محل قعدو ياكلو و بتونسو و بحكو.. و من بعيد مراقبهم محمود و بدوي.. بدوي صور جيجي و اميره.. و رسل الصوره ل مصطفي قال ليهو دي البت البتكون مع جيجي طوالي.. مصطفي شاف صوره اميره بس م عرفها.. م ركز معاها كتير...
محمود م عجبو شكل جيجي و لبسها و طريقه كلامها.. و اميره ذاتها لبسها م كان المتعود عليهو محمود.. لمن خلصو مشو فيلا وليد الباشا دخلو الاتنين.. محمود م عرف ده بيت منو بقي محتار سال روحو:( اميره بتعرف منو هنا?و ده بيت منو المليان حرس كده!!! )
بقي مستني برا عشان يعرف الحاصل...
محمود راقب اميره كم يوم.. لقاها مرات بتمشي الفيلا براها مرات و مرات معاها جيجي.. محمود كان داير يدخل الفيلا بس بسبب الحراس الدخول صعب..
مراد نفسياتو اتصلحت شويه و بقي بمشي الشغل.. و بمشي الغسيل مرتين في الاسبوع.. مرات بمشي معاهو انا و مرات امجد..
قاعدين في الصاله في البيت... انا و امي و ماما ليلي و يارا و ماريا.. ماريا بطنها كبرت و قربت للولاده..
ساميه:( اميره عملت شنو مع محمود?)
ليلي:( رافضه ترجع ليهو..و محمود زعل و مشي تاني م اتكلم معاها.. بس بجي بشوف عيالو او بسوقهم يطلعو و يرجعهم و بمشي)
ساميه:( والله محمود انسان كويس.. م عارفه اميره ليه م دايراهو)
ليلي:( قالت ل مختار بعرف بتاات عليها.. اميره دي حيرتني م عارفاها عايزه تصل لشنو.. )
انا و ماريا عاينا لبعض و سكتنا..
ساميه:( معقوله? بس هو شاريها و جاها لحدي هنا ..بتكون نزوات سااي م حاجه جاده.. لانو لو جادي م كان جاها)
ليلي:( ايوا صح)
يارا:( والله اميره دي م جاده.. محمود خساره فيها.. اليوم كلو راميه عيالها و حايمه.. بتمشي وين وله تجي من وين م معروف.. مؤجره عربيه و جايبه مربيه للعيال بدل م تقعد معاهم هي)
قلتا ليها:( صح.. والله بقيت بحن علي ريري و حمودي.. اليوم كلو مع امنه.. بقيت لمن بلقي فرصه بمشي العب معاهم شويه)
ماريا:( هي كبيره مفروض تكون واعيه.. البتعمل فيهو دي حركات شفع والله)
ليلي:( صح والله.. اهمالها لعيالها ده اصلو م عاجبني.. بس م بتكلم معاها لانو م بترضي الكلام هي)
ساميه:( طول م قاعده معاك في بيتك لازم تسمع كلامك)
يارا:( ابوي م يسكت ليها.. غصب عنها ترجع مع راجلها)
ليلي:( مختار ذاتو احتار معاها.. ربنا يهديها بس)
مصطفي جا ل مراد في البيت كانو بتونسو...
مراد:( اها عملتا شنو مع جيجي?)
مصطفي:( لسه مراقبها بدوي و برسل لي الصور اول باول.. بس عارف معاها بت طوالي بتكون معاها.. بس م عرفتا اسمها منو)
