شهد:( استغربتا شديد لمن سمعتا خطوبتو هو و مي)
قلتا ليها:( مجاهد كويس والله.. بس الحمدلله انو م قال لي.. لانو م كنت حاوافق)
يارا:( صح.. نصيبو م معاك)
جات ماشه مي معاها بت...و عملت نفسها م شايفانا..
يارا:( عاينو مي ...عامله م شايفانا)
شهد كوركت ليها:( مي...مي)
اتلفت و ابتسمت و جات علينا..
سلمت..
يارا:( م شايفانا وله شنو?)
مي:( م شفتكم والله)
شهد:( م باركتي ل ميناس ليه?)
مي:( بشنو?)
يارا:( خطوبه ميناس الاسبوع الجاي)
مي تكشر و تاني تبتسم..
مي بمساخه:( الف مبروك)
قلتا ليها:( الله يبارك فيك)
مي:( يلا سلام)
و مشت...
عاينا لبعض و ضحكنا...
شهد:( البت دي حاقده)
قلتا ليها:( هبله ساي م شغاله بيها .. المهم...دايره امشي اشتري حاجات الخطوبه لازم تمشو معاي الاتنين)
شهد:( طوالي طبعا...و بختار ليك...زوقي رهييب)
يارا:( نخلص المحاضره و نمشي طوالي... بعرف محلات حلو شديد)
قلتا ليهم:( طيب)
بعد طلعنا من الجامعه مشينا شفنا الفساتين و الحاجات المحتاجه ليها... ماما و ماما ليلي بجهزو في البيت و الضيافه و المعازيم و كده....
مي كانت بتتكلم مع مجاهد في التلفون...
مي:( مجاهد انت م طبيعي الليله)
مجاهد:( ماف شي ي مي بس تعبان)
مي:( طوالي بتكون تعبان بس بتتكلم معاي...الليله في حاجه م طبيعيه.. اوعي تكون زعلان من موضوع خطوبه ميناس?)
مجاهد:( لالا طبعا...ميناس زميلتي بس ماف شي اكتر من كده)
مي:( م مصدقاك)
مجاهد:( لو كان عندي ليها شي م كنت خطبتك انت)
مي:( خطبتني? وينا الخطوبه دي.. جيت اهلك بس البيت حتي دبل م لبسناها.. كلام خشم سااي.. و من يوم اتخطبنا انت م حسستني انك مبسوط و ذي الغاصبنك)
مجاهد:( مي احنا اهو بنتعرف علي بعض من قريب غير معرفه الجامعه.. و انتي اصريتي اجيب اهلي قبل م نعرف بعض كويس...و قلتي م بتتعرفي علي زول م وصل البيت. . و عشان اثبت ليك جديتي جبتا اهلي البيت...اها تاني دايره شنو?)
