مراد بقي قاعد مستني و اعصابو بايظه م عارف يعمل شنو وله يفكر كيف... شال تلفونو ضرب ل مصطفي..
مراد:( الو...مصطفي..... تعال لي في شقه ناس جمانه اسي.... اسي يلا سرعه) و يقفل..
جمانه قاعده في عربيتها في الشارع و بتبكي .. مراد دقي ليها كتيير بس م ردت... تاني دقت ليها نور... جمانه ردت...
جمانه ردت و هي بتبكي:( الو نور........نور الكلام طلع صح. مراد بخوني...شفتو بعيوني ي نور...شفتو بعيوني........ انا في الشارع و م حارجع البيت م دايره ارجع... حاحجز علي اقرب طياره و امشي لناس امي...... حامشي اقرب اوتيل ابيت فيهو... ااي بكلمك بس اصل... طيب.... طيب) و تقفل..
جمانه كانت مصدومه شديد و حالتا كعبه..
جا مصطفي ل مراد لقاهو قاعد علي المصطبه حقت العماره مصطفي كان مخلوع..
مصطفي:( في شنو ي مراد?)
مراد:( جمانه لقتني مع الذفت الاسمها جيجي دي)
مصطفي:( كيف?)
مراد:( مشيت ل جيجي البيت و هي جات هناك)
مصطفي:( دقيقه دقيقه.. جمانه شنو العرفها ب جيجي?)
مراد يكورك:( م عارف والله م عارف..ده الحاجه المطلعه عيني... المشكله اسي جمانه م بترد و مافيشين في البيت م عارف اعمل شنو انا...م عارف)
مصطفي:( اهدي ي مراد .. اهدي.. كدي انا بضرب ليها)
مصطفي يضرب ل جمانه بس م ترد عليهو...
مصطفي:( م ردت)
مراد:( الله يلعنك ي جيحي الله يلعنك)
مصطفي:( ارح البيت نتفاهم هناك م ممكن القعده الفي الشارع دي)
مراد:( م ماشي مستني جمانه بس)
مصطفي:( يمكن م ترجع اسي.. ارح و الصباح بنجي)
مراد:( مصطفي لو ماشي امشي.. انا م ماشي)
مصطفي م قدر يخلي صحبو براهو قعد جمبو و بقو مستنيين...
اميره قاعده في البلكونه مستنيه مراد يجي بس م جا.. لمن نعست و مشت نامت..
مراد لمن تعب من الانتظار قام مشي مع مصطفي البيت من دخل شال زجاجه شراب و بقي بشرب ورا بعض..
مراد كان زعلان شديد و حالتو كعبه .. مصطفي حاول يهديهو بس م قدر..
نور ماسكه جمانه و بتحاول تهدي فيها.. و جمانه بتبكي شديد ..
نور:( م تزعلي روحك م بستاهلك.. ربنا يعوضك باحسن منو)
جمانه:( غشاني ي نور.. غشاني.. معقوله كل السنين دي م عرفتو...بلعب بي و غشاني و هو عندو وحده تانيه و يمكن اكتر.. خاين حقير.. خاين)
