يارا جرت نادت عمو مختار و ماما ليلي و امي.. كلهم جو طالعين مخلوعين..
مختار:( في شنو ي محمود?)
محمود:( عارف الحقيره دي لقيتها وين? مع واحد اسمو وليد الباشا)
من قال وليد الباشا مراد اتخلع شديد...
مراد:( وليد الباشا?? )
محمود:( اي)
مختار:( انت بتعرفو?)
مراد بزعل:( بتعمل عن وليد شنو?)
محمود:( حفله و رقيص و شراب و قله ادب.. و مناظر يستعيذ منها الشيطان والله)
مختار بخلعه:( بتعمل شنو عندو? و شنو العرفها بيهو?)
محمود:( م عارف..بس عرفتا هي دايره تتطلق ليه...عشان تعيش مع الحقير داك.. حاطلقك ي اميره بس عيالك تاني بعينك م حتشوفيهم)
اميره م فتحت خشمها قالت ااي شي.. و احنا كلنا في حاله صدمه..
مراد يمشي عليها و يجرها من شعرها..
مراد:( بتعرفي وليد من وين? و بتعملي عندو شنو? و كيف تنزلي نفسك للمستوي ده? و كيف بتعرفي اشكال بالشكل ده و تتابعيهم?)
اميره تكورك في مراد:( فكني.. م ليك دعوه بي.. خلاص انت الشريف? انت ذاتك بتعرفو و بتمشي حفلاتو شفتك بعيني هناك)
مراد:( انا ولد امشي ذي م امشي انتي مرا و عندك عيال كيف تمشي ليهو? ده فاتح بيتو ده للشغل الكعب.. بتاجر في ااي شي ممكن تتخيليهو كيف تمشي هناك انتي? كيف?)
مراد كان زعلان شديد و بكورك فيها و بشد ليها في شعرها..
محمود دخل البيت ساق عيالو من امنه.. كانو نايمين.. جا شايلهم الاتنين علي كتفو.. و جا طالع و دموعو نازله.. وقف قدامنا..
محمود:( انتي طالق .. بكره ورقتك حتصلك)
و يطلع و هو عليهو حاله كعبه..
مختار جرا الخرطوش و بقي بضرب فيها و هي بتكورك.. ماما ليلي و امي قعدو في الكرسي و خاتين يدينهم في راسهم.. انا و يارا و ماريا مخلوعين.. امجد و مراد بعاينو لابوهم ساي و هو بضرب فيها..
مختار:( م ليك قعاد في بيتي تاني...شيلي هدومك و اطلعي برا.. من الليله البيت ده محرم عليك محل م دايره تمشي امشي)
اميره جرت علي غرفتها بقت بتلم في حاجاتها و هي بتبكي..
احنا كلنا قعدنا في الصاله و ساكتين م لاقين كلمه نقولها..
جات نازله اميره و شكلها تعبان شديد.. و جسمها كلو دم تجي ماشه جمبنا و تقيف تعاين لينا...
اميره:( م انا بس الغلط ي عمي.. مراد ولدك ده ذاتو كلو غلط.. مراد كان عندو علاقه معاي و كنت بمشي ليهو كل يوم في غرفتو لمن انتو تنومو)
