دخلتا المستشفي مشيت علي مكتب علي.. لقيتو قاعد و شغال في ورق قدامو..
علي:( ميناس..ادخلي)
قلتا ليهو:( مساءالخير ي دكتور)
علي:( مساء النور...ادخلي)
قلتا ليهو:(لا.. دايره اشوف مراد)
علي:( في العنايه و هو كويس اتطمني)
قلتا ليهو:( حتي لو في العنايه انا دايره ادخل ليهو)
علي:( بلاش قوه راس...م ينفع تدخلي ليهو..هو كويس اتطمني...م تبقي مقلقه كده بدون سبب)
قلتا ليهو:(ااي مقلقه.. و لو م شفتو م حارتاح)
في اللحظه ديك جات جاريه ممرضه دخلت المكتب...
الممرضه:( دكتور علي المريض الفي العنايه 105 حصل ليهو مضاعفات)
علي بخلعه:( مراد?)
و جرا طلع و انا وراهو و الممرضه برضو..
دخلو العنايه و الممرضه ابت تخليني ادخل...
بقيت ببكي و بصرخ...
بقول:( افتحو الباب.. مراد مالو? حصل شنو?? مراد.. مراد... علي...تعال طمني...افتحو الباب.. مراد مالو? حصل شنو)
قعدتا علي الارض و ببكي باعلي صوتي...
مسكتا التلفون دقيت ل يارا...
يارا ردت...
يارا:( ميمي وين انتي?)
قلتا ليها و انا ببكي و بكورك:( مراد تعبان.. تعالو شوفوهو...تعالو سرعه)
يارا بقت تصرخ و رمت التلفون و جرت علي غرفه ابوها...
جات طالعه ممرضه مستعجله.. قبل م تقفل الباب فتحتا الباب و دخلتا سرعه لقيت مراد راقد في غرفه كلها زجاج و جسمو كلو موصل فيهو اجهزه.. و واقف علي و معاهو ممرضتين و علي بفحص في مراد ...و ممرضه بتركب في درب و التانيه بتجهز في حقنه.. و بشتغلو بسرعه كبيره.. وقفتا ورا الزجاج بعاين وانا دموعي نازله و حالتي كعبه.. علي م ركز لي..شويه الجهاز حق القلب بقي بضرب شديد..
علي كان بتكلم مع الممرضات و هم متوترين شديد...شال جهاز حق الكهربا و ختاهو علي جسم مراد و جسم مراد كلو قام مع الكهربا.. عمل كده مرتين...حتي الصفاره حقت جهاز القلب وقفت...علي ختي الجهاز .. علي قبل لقاني واقفه...ابتسم لي.. انا اللحظه ديك حيلي م شالني و جيت واقعه...
فتحتا عيني لقيت نفسي راقده في غرفه و في يدي درب و حولي ماما و ماما ليلي و يارا و امجد..
قلتا ليهم:( مراد...مراد وينو?)
و دايره اقوم...
امي مسكتني رجعتني ارقد تاني..
