قعدتا في المكتب و بقيت بتونس في الواتس مع ناس الجامعه.. لقيت مي مرسله ... ي بنات باركو لي.. خطبوني.. البنات كلهم باركو ليها.. دخلتا باركتا ليها.. سالتها العريس منو... البنات قالو لي مجاهد المعانا في الدفعه.. استغربتا شديد.. انو مجاهد صحبي بس م حصل حكي لي انو عندو علاقه ب مي.. صح بقعدو بتونسو مع بعض.. بس في حدود الصحوبيه...م قايله في بينهم علاقه لدرجه دي..مجاهد ولد كويس. م بستاهل مي دي.. بس قلتا م مشكله ربنا يكتب ليهم الخير..
يارا دقت لي ..
يارا:(ايوا ي ميمي وين انتي?)
قلتا ليها:( في مشوار و جايه دايره شنو?)
يارا:( ده مراد بسال منك.. هاك كلميهو)
و ادت مراد التلفون..
مراد:( ميمي وين انتي?)
قلتا ليهو:( في مشوار و جايه)
مراد:( مشوار وين يعني?)
قلتا ليهو:( لمن اجي بكلمك)
مراد:( طيب) و قفل..
بعد شويه جا علي شايل كيس و قعد و طلع سندوتشات.. علي ( يلا اكلي معاي عشان يبقي بينا عيش و ملح)
قلتا ليهو:(لا شكرا م جيعانه)
علي ختي السندوتش من يدو و كشر وشو...
ضحكتا قلتا ليهو:( خلاص حاكل)
و شلتا السندوتش و بقيت باكل..
علي:( اها احكي لي .. الجامعه كيف?)
قلتا ليهو:( كويسه)
علي:( انتي عايشه مع ناس مراد في نفس البيت?)
قلتا ليهو:( ااي.. مرتبيه معاهم من انا صغيره..عشان كمان م عندي اخوان ولا اخوات.. فمتعلقه بيهم شديد)
علي:( ااي فهمتا ..اهو خوفك باين عليهو...بقو ذي اخوانك و كده)
ابتسمتا قلتا ليهو:( ااي بالضبط كده)
بقيت بتونس مع علي كتير حكي لي بقرايتو..و ب ناس بيتهم و كده... ظريف شديد و وناس و حسيت اني بعرفو لي سنين م كم يوم بس...
النتيجه طلعت.. بس للاسف انا كمان المواصفات م اتطابقت مع كليتي.. زعلتا شديد...و دموعي نزلو...
علي:( ميناس.. المووضوع م خطير.. بتلقي متبرع انا بفتش ان شا۽الله بنلقي)
قلتا ليهو:( كلنا م اتطابقنا ليهو)
علي:( عادي.. بنلقي.. خلي الموضوع ده علي بس.. م تزعلي انتي اسي)
علي هداني شويه و طمني انو حيلقي كليه ل مراد...
اميره مشت ل وليد الباشا حكت ليهو ب محمود و الحصل كلوو..
مراد قاعد في غرفتو جيت داخله لقيتو مكشر...
