اليوم داك ايه قعدت معاي طول اليوم م مشت من جمبي.. اخلص المحاضره و اطلع القاها مستنياني برا.. حسيت فيها حاجه غريبه م فهمتها بسالا تقول لي ماف شي...
ليلي كلمت مراد و مختار ب اسعد.. و قالو ماف مشكله يجي و نتعرف و نسال عنو..بس برضو قالو امجد و كده.. امجد جا قال ليهم م عندي مشكله و اعملو الخطوبه و اي شي دايرنو.. يارا طوالي كلمت اسعد يجيب اهلو و حددو نهايه الاسبوع حيجو.. يلبسو دبل بس.. بدون حفله بدون عزومه ناس.. اسعد حيجيب ابوهو و اعمامو و مع اهلنا القريبين و خلاص..
مي عرفت كل قصه سوسن.. و قالت لازم اعرف.. سوسن. قالت ليها م دايره مشاكل مع ساميه..
مي كل يوم في الجامعه دايره تقول لي حاجه بس م قادره..حسيت فيها حاجه م كويسه سالتها قالت ماف شي..
تاني يوم قاعدين انا و شهد.. يارا كانت بتجهز في حاجات الخطوبه م جات الجامعه..
جات مي قعدت.. مجاهد حا نادي شهد مشت معاهو...
مي:( ميناس.. دايره اقول ليك حاجه مهمه شديد)
قلتاليها:( في شنو ي مي?)
مي:( عايني.. لو عرفتي انو عندك اخوان بعد ده حتعملي شنو?)
عاينتا ليها و ضحكتا و سكتا...
مي:( ردي علي)
قلتا ليها:( مي.. م فاضيه ليك انا.. ده الموضوع الزمان كنتي ماسكاهو لي... اخوان م عندك.. ابوك اتوفي... امك عرست راجل تاني...اها و بعد داك)
مي كانت خايفه و بتفرق في يدينها مع بعض...
مي:( لا ي ميناس انا م شمتانه فيك.. انا بس دايره اقول ليك حاجه)
قلتاليها:(قولي و خلصيني)
مي:( ميناس والله الكلام ده لمصلحتك.. م دايره اعمل مشكله وله حاجه)
قمتا علي حيلي شلتا شنطتي و قلتا ليها:( مي انا ماشه)
مي مسكتني من يدي..
مي:( استني عليك الله)
قلتا ليها بزهج:( اختصري في شنو?? )
مي:( ميناس ابوك كان متزوج وحده تانيه و عندو بت و ولد منها)
عاينتا ليها باستغراب..
مي:( والله العظيم انتي عندك اخوان)
بقيت مخلوعه شديد و م قادره اقول كلمه.. قعدتا في الكرسي تاني.. و حسيت الدنيا دي لفت بي...
قلتا ليها بخوف:( مي.. ده م هظار.. موضوع ذي ده.. )
قاطعتني..
مي:( والله العظيم م بهظر..و رب الكعبه انا جاده)
قلتاليها:( انتي شنو العرفك?? )
مي:( لانو اخوانك انا بعرفهم و انتي كمان بتعرفيهم)
