مراد:(ههههه في احلاامك.. خلاص افتحي الباب و تعالي طالعه بطلي خوفك ده)
قلتا ليهو:( ابيت م جايه.. امشي نوم يلا)
مراد:( طيب...تصبحي علي خير)
قلتا ليهو:( و انت بخير)
و سمعتا خطواتو مشت علي غرفتو..
لمن سمعتا باب الغرفه حقتو قفل.. فتحتا الباب و طلعتا براحه عاينتا لقيتو مافيش.. طلعتا وقفلتا باب غرفتي جا طالع لي من ورا العمود..و جا علي...انا اتخلعتا و بقيت بضحك باعلي صوتي..
مراد:( بتتغشي بسهووله)
قلتا ليهو:( والله قايلاك مشيت)
و انا بضحك...
مراد:(اسكتي.. في ضيوف تحت)
جات يارا طالعه..
يارا:( ده شنو الازعاج ده?)
قلتا ليها:( ده اخوك المجنون ده)
يارا:( مراد حتقتل البت من الضحك.. حرام عليك)
قلتا ليها:( اخوك ده مجنون)
يارا:( حصل شنو?)
مراد:( و اختك دي لسانا طويل ساي.. خوافه شديد)
يارا:( صح...حقت كلام بس)
قلتا ليها:( بلاي...خلاص وقفتي مع اخوك? طيب ي يارا)
مراد:( طبعا لازم تقيف معاي.. تعالي ي يارا)
و مسكها و مشي قعد في الكنبه.. و قعدا جمبو...
انا مشيت قعدتا في الكرسي جمبهم و مكشره...
بقينا نكاوي في بعض و نهظر...و يارا شويه معاي و شويه مع مراد... نضحك و نهظر...قضينا سهره حلوه شديييد..
تاني يوم مراد دقي لي قال لي كلمتا ابوي و طبعا وافق.. و ضربتا ل خالتو ساميه قلتا ليها بعدين المسا۽ جايكم و انتي و عمو هشام في البيت.. قالت لي طيب في انتظارك..
قلتا ليهو:( تمام طيب.. ربنا يسهل)
راقده ماريا و جمبها امجد شايل محمد...
امجد:( ي الله...جد احساس الابوه ده حلو شديد... تشوف قطعه منك كده.. قدامك.. تمشي.. و تضحك ...ي الله)
ماريا:( تمشي و تضحك? لسه الولد صغير)
امجد ضحك:(حيكبر ان شا۽الله و نشوفو قدامنا كبير هو و اخوانو و اخواتو)
ماريا:( اخوانو و اخواتو?? انت داير تجيب 20 طفل وله شنو?)
امجد:( ايوا.. و مالو?)
ماريا:( الشرع حلل ليك ااربعه.. كفاايا العذاب الشفتو في الولاده.. امشي جيب من وحده تانيه غيري)
امجد ضحك..
امجد:( م عرفتي حاجه في الاسلام لسه..و عرفتي الشرع حلل اربعه)
