طلعنا انا و امي و عمو هشام اتغدينا برا.. و بعدها مشينا المول اشترينا حاجات.. امي و عمو هشام اشترو لي كميه حاجات.. بدون م اقول ليهم اشترو لي.. و مشينا جمب البحر حضرنا الغروب ... رجعنا البيت اخر الليل.. رجعنا مبسوطين شديد.. عمو هشام طيب و ظريف شديد..
مراد جا داخل شقه مصطفي..لاقي مصطفي قاعد في الصاله...
مراد معصب و زعلان:( خلاص ي مصطفي.. انا المرا دي م دايره.. حتجنني خلاص)
مصطفي:( بسم الله.. مالك داخل كده ي قاتل ي مقتول)
مراد يقعد و يشيل الكاس يكب شراب و يشربو كلو مره وحده..
مراد:( ياخ في بيتنا م قادر اخد راحتي.. كل شويه تجيني الغرفه..بقيت لمن اكون في الغرفه الا اقفل الباب بالمفتاح)
مصطفي يضحك..
مراد:( يعني انا دمي فاير كده و انت تضحك)
مصطفي:( اعمل ليك شنو لكن?)
مراد:( م عارف اخلص منها كيف.. انا كنت بحبها و فرحتا جدا انها جات و قضيت معاها اوقات حلوه بس م عارف يااخ فجاه كده اتغيرت بقيت تتحداني و تتعامل معاي كيف كيف.. حسيت روحي بكره و م داير اشوفها)
مصطفي:( م تشتغل بيها.. اخطب جمانه و خليها تطق راسها بالحيطه)
مراد:( م عارف)
مصطفي:( لا اعرف.. و حدد الخطوبه و اتحداها ذي م بتتحداك)
مراد:( قلتا كده?)
مصطفي:( ااي اسمع كلامي.. نشوفها حتعمل شنو?)
مراد:( طيب)
الصباح قاعده ليلي و يارا و ماريا في الصاله بشربو الشاي... يجي نازل مراد ..
مراد:( صباح الخير)
يردو:( صباح النور)
مراد:( بعد بكرا حنمشي نتقدم ل جمانه.. جهزو نفسكم)
ليلي:( هي الخطوبه طوالي كده? دايره تحضيرات و الف شي)
مراد:( لالا.. احنا كده بس...م داير ااي ناس و الحاجات الحنوديها ليهم انا حاجيبها انتو بس عليكم تمشو بس)
ليلي:( طيب راحتك ريحتني)
مراد:( يلا سلام)
و يطلع..
يارا موضوع الخطوبه م يعجبها و شالت همي...
ماريا بقت تتناقش مع ليلي في الخطوبه و كده... مفروض يشيلو شنو و يخلو شنو...
ليلي:( حاضرب ل ساميه اكلمها عشان يجهزو)
شالت التلفوت و ضربت...
كنت واقفه في المطبخ بعمل في شاي.. سمعتا تلفون امي ضربت و مشت ردت...
ساميه:( الو...صباح النور ي ليلي....الحمدلله..... بالجد? ي سلااام...بعد بكرا? ربنا يتم ليهم علي خير ويسعدهم ي رب)
