سوقتا عربيتي و بقيت ماشه.. م عارفه امشي وين بس كل الفي راسي دايره الاقي مراد.. في الاخر شلتا التلفون و دقيت ليهو... م ردا...
اتضايقتا ذياده.. وقفتا عربيتي في الشارع و بقيت قاعده.. لا قادره ارجع.. لا قادره امشي البيت لا قادره اعمل ااي شي.. شويه تاني ضربتا ليهو...ردا..
مراد:( الو)
من سمعتا صوتو دموعي نزلت..
قلتا ليهو:( كيفك?)
مراد بصوت حزين:( الحمدلله.. انتي كيف?)
قلتا ليهو:( الحمدلله.. وين انت?)
مراد:( قاعد)
قلتا ليهو:( وين بالضبط?)
مراد:( عن صحبي)
قلتا ليهو:( بيتو وين?)
مراد:( لشنو ي ميمي?)
قلتا ليهو:( دايره اشوفك)
مراد:( م داير اشوف زول انا)
بقيت ببكي م قدرتا امسك روحي..
مراد:( ميمي? بتبكي ليه?)
م قدرتا ارد.. بس ببكي.. جد جواي كان في وجع غريب م قدرتا اتحملو اكتر..
مراد:( ميمي.. م تبكي.. ميمي...ردي علي.. ميمي انا م ناقص والله.. الفيني مكفيني)
قلتا ليهو:( خلاص ي مراد.. مع السلامه)
و قفلتا الخط....
مراد طوالي ضرب لي.. ابيت ارد.. تاني ضرب حتي رديت.
مراد:( ميمي.. احفظي الوصف ده و تعالي)
قلتا ليهو:( طيب.. قول)
وصف لي المكان و مشيت.. وقفتا تحت العماره و ضربتا ليهو.. جا نازل لي.. ركب معاي.. شكلو كان متغير شديد و رابي دقنو.. و عيونو واقعه .. وزنو ناقص..جد قلقتا من شكلو ..
مراد:( كيفك?)
قلتا ليهو:( الحمدلله)
مراد م كان قادر يرفع عينو في عيني..
مراد:( مالك زعلانه?)
قلتا ليهو:( م قدرتا اتحمل كل الفتره دي م اشوفك ي مراد.. جد البيت كعب بدونك)
مراد:( ميناس عليك الله م متحمل انا كفايا الفيني)
قلتا ليهو:( تعال راجع خلاص)
مراد:(م بقدر ي ميمي.. م بقدر ارجع..م بقدر اعاين ل امي وله ابوي.. وله ل يارا وله انتي حتي.. العملتو جمانه كسر عيني قدامكم.. جد خجلان منكم شديد)
قلتا ليهو:( انسي الحصل.. كانو م حصل)
مراد:( كيف? كيف بس? بس بقدر.. م قادر والله)
قلتا ليهو:( مراد ااي شي بتحلا.. شوف شكلك بقي كيف? )
مراد:( م قادر ي ميناس... حاقعد مع صحبي هنا و خلاص)
