قلتا ليهو:( يلا قوم اتوضي و صلي و ادعي ليها)
مديت يدي مسكتو من يدو و رفعتو.. قام بقي بقول:( استغفر الله ي رب. استغفر الله. استغفر الله)
و دخل الحمام...حضرتا ليهو المصلايه و جمبها مصحف..
اتوضي و جا بصلي طلعتا و خليتو... انا و ماشه علي غرفتي لقيت مراد جاي طالع..
مراد:( بقيتي كيف?)
بقيت ببكي ..
قلتا ليهو:( امجد حالتو كعبه.. حالتو كعبه شديد)
مراد:( دي مرتو ...حارب عشانها ااي زول..ربنا يصبرو بس)
قلتا ليهو:( ماريا ماف ذيها...والله ست النسوان)
مراد:( ااي والله..ذي النسمه.. طيبه و حنيه و كل حاجه.. ربنا يرحمها)
قلتا ليهو:( آمين)
مراد:( امي وين?)
قلتا ليهو:( جوه في غرفه امي هنا هي و امي.. كمان الاتنين حالتهم كعبه...انا لا قادره اصبر روحي لا قادره اصبرهم)
مراد:( ربنا يصبرنا كلنا... بس امجد...خليك جمبو ي ميمي م تخلوهو براهو.. انا بنشغل مع الناس برا و م بركز ليهو خايفو يعمل في روحو حاجه)
قلتا ليهو:( لالا.. ربنا بصبرو ان شا۽الله)
مراد:( ان شا۽الله.. يلا امسحي دموعك دي و امشي ارتاحي ليك يومين م نمتي)
امجد بقي عايش كائن بلا احساس و روح.. قعد في البيت 20 يوم حتي نزل الشغل..بقي بمشي الشغل و بجي بقعد مع محمد شويه و بدخل غرفتو يقفل علي روحو الباب و يبكي....
الا۽ بقت تجينا في البيت كتير عشان محمد...كانت بتحبو بطريقه غريبه.. في رابط بينها و بينو احنا م فهمناهو... م بمر يومين الا و الا۽ بتجي..محمد ذاتو بقي بعرف الا۽ و من تجي و تشيلو بضحك معاها..محمد فقد امو شديد.. بقي ببكي كتير اول ايام بس الا۽ و ماما ليلي و امي بقو يهدوهو .. انا م قدرتا اهديهو ولا اتحمل البكي حقو... جد كان بقطع قلبي.. مع الايام اتعود علي الا۽ و ماما ليلي و امي...و بقي بسكت ليهم..طبعا كان بعرف ابوهو .. بس امجد لمن بلقاهو ببكي هو كان دموعو بتنزل و م بعرف يتصرف معاهو كيف بشيلو يديهو ل امي و ديل يسكتوهو و هو بطلع غرفتو فوق بقفلا عليهو...حياتنا شويه شويه رجعت ذي م كانت... الا امجد م قدر يرجع حياتو.. اعتزل الضحك و الونسه...
راقد امجد في سريرو و جمبو محمد نايم.. و شايل صوره ماريا بعاين فيها و دموعو نازله..
امجد:( ماريا.. اشتقت ليك ي مرتي.... م قادر اعيش بدونك انا...سوقيني معاك ي ماريا.... والله لو م الانتحار حرام كنت م عشتا بعدك ثانيه..)
حضن الصوره عليهو و بقي ببكي...
الليله مرت 5 شهور علي موت ماريا... مرت علينا كانها 5 سنوات..
