مصطفي:( اولا شي اميره دي شيلا من حساباتك.. دي وحده خاينه.. مستحيل تثق فيها..و تاني شي متزوجه و عندها عيال.. مالك و مال الهم.. تقعد تربي في عيالا و تاني شي كذابه لا حامل لا شي.. و م بتقدر تقول حاجه لزول لانها حتفضح نفسها قبل م تفضحك)
مراد:( اميره دي مجنونه.. بتعمل ااي شي)
مصطفي:( م حتعمل شي)
مراد:( و جمانه?)
مصطفي:( انت مش بتحبها و دايرها)
مراد:( م عارف.. بقيت م مقتنع بيها)
مصطفي:( والله ي مراد حيرتني معاك.. اعمل ليك شنو انا اسي.. لو بتحب جمانه.. اخطبها و استمر معاها بس... انساك من اميره دي)
مراد:( مرات بحس اني بحبها.. بس م عارف والله.. م عارف اي شي)
مصطفي:( خلاص اجل الخطوبه شويه.. و اقعد مع نفسك و شوف داير منو)
مراد ياخد الكاس الجمبو و يقعد يشرب و يفكر..
ماما ليلي و عمو مختار و انا و يارا و اميره و عيالا قاعدين علي الصفره كلنا بنتغدا.. جو نازلين امجد و ماريا و ماريا شايله صحن في يدها يقيفو جمب الصفره..
امجد بابتسامه:( ممكن نتغدا معاكم?)
مختار يعاين ل ليلي و يهز راسو ب نعم..
ليلي :(اتفضلو)
ماريا تخت الصحن و يقعدو..
امجد:( عندنا كبسه تجنن.. تاكلو اصابعكم وراها)
قلتا ليهو:( بحب الكبسه انا اديني)
امجد:( حااضر)
سوسن لقت بيت صغير.. غرفه واحده و صاله و حمام و مطبخ.. و سعرو كويس.. و قريب ل شقتها القديمه.. احلام اقنعتا انو كويس و بقت عليهو...
جمانه بتتكلم مع مراد في التلفون..
جمانه:( اها ي مراد حتجو متين.. انا كلمتا اهلي)
مراد:( ابوي مسافر م كلمتو.. خلي لمن يجي)
جمانه:( حيرجع متين?)
مراد:( م عارف اصبري بس.. ناس امك لسه قاعدين)
جمانه بزهج:( ي الله ي مراد.. لحدي متين بس)
مراد:( مالك ي جمانه بقيتي شفقانه كده?)
جمانه:( م شفقانه بس اهلي م بجو تاني قريب)
مراد:( حنجي.. بس اصبري...يلا انا شغال لبعدين)
جمانه بعدم رضا:( طيب.. باي)
يقفل منها و يشتغل في الكمبيوتر القدامو...
ماريا و امجد رحلو بيتهم فوق و ماريا بقت تقعد اكتر الوقت فوق ... واقفه ماريا في المطبخ بتشتغل...
