لمن الناس كلها مشت و ناس ماما ليلي جو ماشين.. ماما قالت الا ابيت عندها و امشي بكرا هناك..
مراد:( من الاول كده ي خالتو دايره تحرميني منها)
ساميه:( بعد الشر عليكم.. بس خلوها معاي الليله يااخ)
قلتا ليها:( ببيت ي ماما ماف مشكله)
مراد:( من اسي بتكسري كلامي ي ميناس)
بقينا نضحك..
قلتا ل ماما ليلي:( ولدك عايش الدور شديد)
ليلي:( ااي شايفاهو.. مخلوع ساي)
مراد:( كلكم بقيتو علي.. طيب مشكورين...السلام عليكم)
و مشي علي باب الشقه...
انا طوالي مشيت وراهو.. طلع طلعتا وراهو و بناديهو..
( مراد.. مراد)
وقف...
مراد:( عيون و قلب و روح و حياة و دنيه مراد كلها)
ضحكتا قلتا ليهو:( وقفتا قلبي قايلاك زعلتا ياخ)
مراد:( معقوله بس في زول بزعل من القمر)
ضحكتا بخجل...
مراد:( ارح معاي البيت يااخ...نفسي اساهر و اتونس معاك كتيير)
قلتا ليهو:( بكرا بجي...من الجامعه بجيكم)
مراد:( طيب...ربنا يصبرني.. ميناس.. داير اسمع منك كلمه حبيبي... م بتقولي لي كده... اليوم كلو مراد مراد...كرهتا اسمي ده)
ضحكتا...
مراد:( يلا)
قلتا ليهو:( حاضر حبيبي)
مراد:( ي سلااااام... احلي كلمه في الدنيا...ربنا يخليك لي حبيبتي ياخ.. تاني اوعي تقولي لي مراد.. تقولي حبيبي بس)
قلتا ليهو:( حاضر)
جو طالعين ناس ماما ليلي سلمو علي و نزلو و مراد طبعا اخر واحد نازل فيهم ينزل درجه و يقبل يعاين لي.. و انا بضحك...بقول ليهو:( والله انت مجنون)
جد مبسوطه ب شخصيه مراد الجديده... شخصيه بعيده عن مراد الزمان الكان عصبي و جواط و م عندو ذره رومانسيه.. اسي ده مراد جديد طيب و حنين و هادي و رومانسي...كلهم كانو فرحانين بشخصيه مراد الجديده و بقولو انا السبب في التغيير الكبير الحصل ليهو..
مراد رجع اتكلم معاي في التلفون طوول الليل.. م خلاني انوم ولا نام هو.. حسيتو مبسوط اكتر مني..
الصباح بنات الجامعه و زميلاتي.. عندهم قروب قالو لي رسلي لينا الصور حقت الخطوبه... رسلتا ليهم كم صوره.. تاني جات شهد رسلت كم صوره...
المساء رجعنا البيت هناك.. انا و يارا بنتونس في الحديقه برا... و نحكي...الخطوبه و غيرا.. جا داخل مراد هايج و زعلان... وقف قدامي.. وقفنا انا و يارا مخلوعين..
