قاعده في غرفتي دقي لي مراد..
رديت..
مراد:( وينك?)
قلتا ليهو:( قاعده بقرا)
مراد:( من الصباح انتي بتقري)
قلتا ليهو:( ااي والله و زهجتا)
مراد:( انا اسي جاي.. شويه بس)
قلتا ليهو:( انت ليه طلعتا مش ممنوع من الطلعه)
مراد:( اسي بجي.. م اتاخرتا)
قفلتا....
بعد شويه باب غرفتي دقي..
قلتا:( ادخل)
جا داخل مراد.. شال كيس كبير في يدو و شايل باكو ورد كبير...
عاينتا ليهو باستغراب..
مراد ضحك..
قلتا ليهو:(اها?)
مراد:( ايوا.. ديل ليك انتي)
قمتا مبسوطه و جريت عليهو وقفتا قدامو..
مراد:( ديل عشان النفسيات و الامتحانات و كده)
مدا لي الورد.. شلتو و شميتو..
قلتا ليهو:( يجنن)
مراد وقف بعاين لي سااي..
قلتاليهو:( مالك?)
مراد:( انا كيف كنت عميان عنك طول السنين دي?)
خجلتا و سكتا نزلتا راسي..
مراد:( ميناس.. انا دايرك مرتي و شريكه حياتي)
قلبي بقي بضرب شديييد و داير يطير من مكانو.. لمن دموعي جرت...مراد بقي بضحك علي...
مراد:( هيي.. خلاص.. اوعي شويه.. مستني ردك انا)
قلتا ليهو:( انت م عارف ردي?)
مراد:( داير اسمعو منك)
دنقرتا راسي و سكتا...
مراد مدي يدو رفع لي راسي ..
مراد:(عايني لي في عيوني.. و ردي علي)
ابتسمتا و هزيت راسي ب موافقه..
مراد:( قولي موافقه بيك ي مراد)
سكتا..
مراد:( يلا)
قلتا ليهو:( انا موافقه اكون مرتك ي مراد)
مراد كان حيطيييير من الفرحه...
مراد:( ربنا يخليك لي و م يحرمني منك)
قلتا ليهو:( و يخليك لي)
مراد مدي لي الكيس..
مراد:( دي حاجات تقسقسي ييها و انتي بتذاكري)
قلتا ليهو:( شكرا)
مراد:( اقري كويس..دايرك تجي الاولي)
قلتا ليهو:( حاضر)
