When We Crash (When Trilogy #2)

Chapter 18

Chapter 18

Kahit Sino

“Sama ka mamaya?” tanong ni Kaye habang sinasabayan ako sa paglakad. Dala-dala niya ang chart ng kanyang pasyente habang ako naman ay dala-dala ko ang isang lab result test na kakakuha ko lamang.

Tumango ako.

“Nice! Mabuti naman!” masigla niyang sagot.

Natawa ako ng bahagya. “Gusto ko ring makita yung condo mo, e.” sabi ko. Kayeleen bought a condominium unit and she wants me and Nick to check it out.

“Yas, bitch. This is my independence day!” proud na proud niyang sabi. Matagal ding pinag-ipunan ni Kaye ito. Nag-aalok naman ang papa niya ng tulong pero sadyang gusto talaga ni Kayeleen na paghirapan iyon ng hindi umaasa sa mga magulang niya.

“Sira ka talaga, Kayeleen!” iling-iling kong sabi at tinanguan niya na lamang ako bago kami maghiwalay ng landas. Ihahatid ko pa ang resulta ng lab test kay doc Ramirez.

Yes, it’s Ryan again. Malinaw naman na namemersonal siya dahil these past few days ay panay ang pagpapahirap niya saakin. Kung ano-ano ang mga ipinapagawa niya. Tapos sa tuwing sinusubukan kong i-correct siya na hindi naman ganoong klaseng test ang kailangan ng pasyente ay pinipilosopo niya ako. Kesyo bakit daw hindi na lang kami magpalit?

Siya na lang daw ang nurse at ako na lang ang doktor? Hindi ko na lang pinapatulan... Alam ko naman kung saan nanggaling ang galit niya. And I’m willing to accept his wrath. Kung gusto niya akong pahirapan then do it. Pinahirapan ko rin naman siya noong mga estudyante pa lamang kami. Guess this is karma, huh?

“Doc, heto na po yung result ng test.” pormal kong sabi at iniabot kay Ryan yung brown envelope na hawak ko. Walang emosyon niyang kinuha iyon mula saakin at sinilip niya kaagad yung resulta habang nakakunot ang noo.

“Sige na,” iyon lang ang sinabi niya sa akin nang mapansin niyang nakatayo pa rin ako rito.

“Okay po.” sagot ko na lamang at tinalikuran na siya.

--

“Hoy ang bongga naman nitong condo mo!” puri ni Nick. Ako rin ay hindi ko mapigilang hindi mamangha. Halos kulay green ang makikita mo dito sa loob. Paborito talaga ni Kaye ang green. From her pieces of furniture to her curtains ay may touch of green. Nonetheless, ang comfy at ang elegant at the same time.

Dito sa MQR ang condo ni Kaye at kami naman ni Yael ay sa HTO. Yung swimming pool ng building nila ay nasa may bandang gitna pero yung sa building namin nila Yael ay nasa rooftop yung pool. Speaking of the rooftop pool, bakit ba hindi pa namin iyon sinubukan ni Yael?

“Kasing bongga ko ba bakla?” ani Kaye. Inirapan lang siya ni Nick.

“So, bukod sa pamilya mo ay kami pa lang nitong si Nickolas ang nakakapunta dito?” nakangiti kong sabi. Hindi ko mapigilang hindi makaramdam ng tuwa. Nakakatuwa naman talaga kapag binibigyan ka ng halaga ng kaibigan mo hindi ba?

“Oo naman... At susunod na yung mga boylet ko pagkatapos niyo.” biro niya na naginh dahilan upang matawa ako.

“Kapokpokan mo!” sita naman ni Nick. Nag make face lang si Kaye sa kanya.

“Osiya, maupo muna kayong dalawa diyan ah? Maghahanda ako ng pagkain natin.” masayang sabi ni Kaye bago kami iniwan. She’s extra hyper today.

Umupo ako sa kulay green niyang sofa habang si Nick naman ay panay ang pagtitig sa mga paintings na nasabit sa puting wall ni Kaye.

“I can’t believe the bitch’s dream finally came true.” mahinang sabi ni Nick habang nakangiti na nakatitig sa paintings. Maging ako ay napangiti rin. Kahit na wagas kung mag-alaskahan ang dalawang ito ay halatang-halata naman kay Nick na masaya rin siya para kay Kaye.