Loving The Famous

20

J A S S Y

This is my second day in Davao. Kasalukuyan kaming nagti-taping kasama si Tommy na kanina pa akong nilalandi. Kapag nasa harapan kami ng camera, alam kong sinasamantala niya pero wala naman akong magawa. Kinausap ko siya kanina tungkol doon pero sabi niya, wala naman daw siyang intensyon na gano'n, na baka hindi lang ako sanay dahil nag-break na kami. I'm not stupid though. Alam kong sinasadya niya ang lahat ng ito. Mabuti na lang at malapit na kaming matapos. Nasabi na rin niya sa akin na babalik uli siya ng Italy pagkatapos nito. Ito lang talaga ang inuwi niya dahil matagal nang naka-schedule ito. Hindi ko alam kung ano ang pinagkakaabalahan niya sa ibang bansa pero halatang seryoso siya ngayon. Para bang may pinagdadaanan?

"Jasmine, in five minutes!" Tawag sa 'kin ng direktor.

Nasa beach kami ngayon nang kasalukuyang ginagawa ang documentary. We're featuring the beautiful beaches here in Davao. Naka-bikini ako at naka-trunks naman si Tommy. Pagkalabas namin ng tent ay hindi ko inaasahan ang mga taong nakaabang sa amin na manonood ng taping. Nagpalakpakan pa sila nang makita kami ni Tom kaya hinawakan niya ako sa kamay. Wala naman akong nagawa kundi magpatianod na lang sa mga nangyayari.

I'm very much uncomfortable throughout the production. No choice naman ako dahil kailangan ko pa ring ngumiti.

Pagkatapos ng ilang oras ay natapos na rin kami. Later, I made time for the fan signing. Nakipag-bonding ako sa mga taga-hanga ko na kanina pang naghihintay. Kahit naman mataray akong babae, mahal ko pa rin naman ang mga fans ko dahil sila ang dahilan kung nasaan man ako ngayon. How I hope, they'd still be there kapag nalaman nila na wala na kami ni Tommy at sa babae na ako nakipagrelasyon ngayon.

Ang bilis magbago ng panahon. Dati ako ang hinahabol ng mga kalalakihan at kahit ng mga babae pero ngayon ay literal na ako ang naghahabol sa isang babae, sa iisang babaeng in a short period of time - nahulog ako nang sobra. Sa isang babaeng nagpapabaliw sa akin at nagpapatibok ng puso ko ngayon. Who would have thought na si Jesiah 'yun?

Umiling akong pumasok sa tent at nagbihis. Bukas ng umaga ay uuwi na kami, pero hindi ko pa sinasabi kay Jesiah. Ang alam niya kasi ay gabi pa kami makakabyahe, pero since napaaga ang pagpunta namin dito ay napaaga ring natapos ang taping.

The mayor of the city invited us for a dinner tonight. Hindi naman kami makahindi kaya lahat ng crew ay um-attend sa simpleng salu-salo na 'yun.

Dumiretso ako ng hotel at nagbihis. Maya-maya lang ay kumatok na sa akin si Tommy.

"You don't need to do this." Sabi ko sa ex ko nang makaharap siya. "Kaya ko namang pumunta doon na mag-isa." Alam ko rin kasing hindi okay ito kay Jesiah.

"Why? What's wrong with this? Sinusundo lang naman kita?"

Hindi ako sumagot at pinagpatuloy ko ang pag-aayos ng bag ko.

"May bago ka na ba, Jasmine?" Seryosong tanong ni Tom sa akin. Ito ang ayaw kong pag-usapan namin. Nahihirapan kasi akong magsinungaling.

"Wala akong bago, Tommy." I denied. "Ang sa akin lang matapos na tayo dito at hindi mo na kailangang umastang boyfriend pa kita dahil wala naman tayo sa harap ng camera." Pag-e-explain ko. Umaatake na naman ang pagiging masungit ko. "Now, let's go?"

Hindi na siya sumagot pa at tahimik lang kaming bumiyahe.

Maraming tao ang nadatnan namin na hindi ko inaasahan. Akala ko kasi mga kasamahan ko lang sa trabaho ang nandito pero may mga iba pa palang imbitado. May media rin at mga paparazzi na nagkalat.

Oh I hate this.

"Ladies and gentlemen, please welcome, Jammy!" Kinikilig pa na introduction sa amin mg mayor ng makita kami ni Tommy na parating. Nagkagulo ang mga tao at nagsilapitan sa amin.