البارت 6
#امانتي
بقلمي ملاك الصمت
مقدام ..
گعدت الصبح ع صوت هوسه يم راسي فتحت عيوني لگيت امي تبوس بيه وابويه كاعد ع طرف جربايتي وميس تحاول تسحب اللحاف مني ..
ابويه .. ياحرمه عوفي الولد نايم تعبان من الطريق ..
امي .. خليني اگعده شلون هيج يرجع بدون ميگول مو علساس
فد يومين يتونسون ياله يرجعون ..
كعدت من النوم ع اصواتهم شلت راسي ابتسمت ..
نهضت بنصف جالس حضنت امي ..
الحمدلله ع سلامتك حبيبي ..
الله يسلمج يوم حبيبتي مشتاقلج ياغاليه ..
وسلمت ع ابويه بسته براسه وتحمدلي بالسلامه وميوسه كذلك حضنتني وباستني وتحمدتلي بالسلامه وظلت تلح شجبتلي وياك ..
ردت اداهرهه بس مالي واهس شقه ومالي خلگ ملحه فرأسآ گتلهه غراضج يم شهد روحي زعجيهه وگعديهه ..
ميس .. اي لسه نايمات ثنينهن ..
بلعت ريک وكأني ناسي البلوة الثانيه حته تذكرني بيهه ..
رفعت راسي صارت عيني بعين ابويه .. يراقبني من ينجاب طاري هيفين يعرفني احبهه بس ممصرحله بهالشي بس فتح الموضوع مرة ثانيه ويه بنت عمي بتركيا كان شورة وفكرته من حس وتأكد مني احبهه ..
عيونه لابويه بيهه الف سؤال بنتظرن مني جواب ويمكن عيوني ونظراتي الضايجه كشفت المستور بدون كلام ..
گوم يابه گوم غسل وبدل وانزل اتريگ حته نجيب ذبيحه تجراة دم ع سلامتكم ..
لتفكر ولتشيل هم كولشي ينحل ان شاء الله ..
ابويه وامي طلعلوا وميس سبقتهم راحت ركض تگعد شهد علمود تاخذ صوغتهه واني ظليت دقايق بفراشي اتذكر كلام البارحه .. انتَ اخويه ..حيل ضجت من هالكلمه يمكن حقهه لان متربين سوة و24 ساعه بوجهه ..
ليش گلبي دائما يسامحهه وينطيهه الاعذار مع انو هي جاحده ورافضة حبي ..
طردت التفكير من راسي وگمت غسلت وبدلت ونزلت لگيت الكل گاعدين بالمطبخ ..
امي وابويه وميس وشهد وبلوة مقدام وبيبي وبيت عمي ثامر هو وولده ولد عمي تلاثتهم وزوجته ..
كولهم گامولي سلموا عليه تحمدولي بالسلامه وبيبي سلامهه خاص باستني من راسي لان رديتلهه هيفين سالمه ونظر عيونهه راجع ..
ظلت تگولي بيش اجازيك ودعتلي ودعت لابويه لان ماعفناهم ..
استحيت من دعواتهه هي صح مو بيبيتي اللح بس بحنيتهه صارتلي صدوك بيبي وحته احن علينه من بيبي ام ابويه الله يرحمهه ..
ظليت گاعد يمهه وعيني كل شويه لااراديا تصد ع بلوة گلبي بس ماطول ماريدهه تشوفني ..
الضوجني بيهه تضحك وتسولف فرحانه بعيونهه وممهتمه بالي صار ..
بيبي مو تگولين بيش أجازيك .. جازيني بهالبلوة ..
اشرتلهه بعيوني ع هيفي ..
گبعيلياهه واطينياهه والباقي عليه اني اتكفل بي ..
ضحكت هي ونصت صوتهه ..
هي الك ي بيبي بس لتستجعل ع رزقك واثگل شويه لاتركض وراهه ..
ظليت صافن ع كلام بيبي ..
بعدين گعدنه نتريگ كولنه سوة ريوگ جماعي ..
وراهه گمت ويه ابويه ذبحه عجل تجراة دم ع سلامة هيفين ونجاح عمليتهه ..
ووزعنه اللحم من بعد ماقسمناه ع الناس المحتاجه ..
وذبحنه عجل ثاني لغدا اليوم وعشا باجر لان باجر يصادف خميس ومتعودين نسوي ثواب لروح عمي ..
بعد الغده بيتنه فرغ كلمن رجع لبيته واني بعد ماشفت هيفين لان هي وبيبي رجعت لبيت عمي ورة الغده ..
ماصارلي مجال انفذ الوعد الي وعدتهه بي انو اول منرجع للعراق اخذهه لشيخ ونفصخ العقد ..
ورة الغده ومن بعد مافضت الناس رحت لغرفتي ارتاح
اجاني ابويه علمود يحجي وياي بموضوع ..
اني عرفته بشنو جاي يحجي ..
ابويه .. ها يابه گواك الله ..
الله يسلمك ..
ابويه .. عساك ماتعبان ..
لايابه بس نعسان شويه لان البارحه الطريق كوله كاعد ماكدرت انام ..
ابويه .. وجهك محتصر مو بس معوز نوم ..
دنگت وذبيت حسرة بقوة شجاوبه ..
اي يابه شويه ..
ابويه .. كل هالحسرات وشويه .. سولف بويه حاجيت بنيه عمك ..
اي يابه حاجيتهه ..
اي ؟
متريد تتم زواجنه ووعدتهه اول منوصل اطلگهه وهاي شوفة عينك من اجيت لسه ملتهي وياك بلكي العصر ...
ابويه ماتركني اكمل ..
لاعصر ولاصبح اترك الموضوع ..
يعني شلون يابه اتركه البنيه مارايدتني خو ما غصب هو واني هم لهنا وكافي انهانيت هوايه ومن منو من وحده زعطوطه ..
أنت تقرأ
امانتي
General Fictionقصه منقوله للكاتبه ملاك الصمت غربه حب فراق امل عذاب هل للقاء موعد؟ ؟ #أمانتي القصه حقيقيه ابطالهه خليط بين الغربيه والاكراد ان شاء الله تستمتعون بيهه ..
