مساء العسل
كل عام وانتو بخير ياربي ينعاد عليكم بالصحه والتوفيق وسلامة الاهل والاحباب
البارت 19
#أمانتي
بقلمي ملاك الصمت
هيفين .. رجعت للبيت اني وبيبي ورة قراءة فاتحتنه واني مو امشي ع الگاع لااا طايرةبالسما فرحتي مو سايعتها الدنيا ..
ديلر هو الي وصلنه للبيت جان يدندن ويبتسم كلما تصير عيني بعينه .. ودي احضنه فلا اهده .. جنت حيل مستعجله اتسمه بأسمه من جديد بس هالمرة برضاتي .. هالمرة اني رايدته وممنونه ..
يدندن كلام ماافهمه بس بالنظرات عيونه الزيتونيه تضحك قبل ثغرة ..
وصلنه للبيت وماقبل يطب گال عنده شغل متراكم يروح يسويه حته باجر يكدر يتفرغ من شغله علمود نروح نعقد محكمه من الصبح ..
ضحكت لان مستعجل اكثر مني ..
يعني سويتهه صدوك ..
اي يول مااگدر اجاري شعوري بعد .. گلبي راح يطگ عليج .. عجل ارحمي بحالي ..
ضحكت من كل گلبي ع كلامه ..
اسم الله ع گلبك ..
گتله احبك مقدامي ..
اووووف .. هيج اسمي حلو بلسانج ..
باسني من گصتي وودعني وراح ..
جنت بالطارمه وطبيت بيبي لكيتهه تضحك جانت يمكن تشوفنه من جامه المطبخ ..
باركتلي مرة ثانيه حضنتهه بقوة ..
ع كيفج ع كيفج بنيتي ترة اني مومقدامج ..
هههههههه بيبي ..
خجلتني .. يعني جانت تسمع وتشوف ..
هو انتو ماتجون الا بالعين الحمرا ..
ظليت صافنه بوجهه ع مقصد كلامهه بعدهه تيقنت انو هي الهه ايد بخطه تمت بينهه وبين عمو عبدالهادي لجمعنه ببعض اني وديلر ..
ثاني يوم بدلت من وقت لان متفق وياي ديلر نروح نعقد بالمحكه ..
استغربت اجاني ديلر وحده ..
الي اعرفه لازم شهود 2شو بس وحده ..
كالي شغلتنه احتمال تطول يومين بين محكمه ومستشفى وتحاليل فليش نتعبهم خطيه بالفرة ويانه .. واذا تسهل كولشي اليوم اني مطيهم خبر ع المخابرة يجون ..
كلامه بي منطق بس ردت اعرف منو يجي ..
گال ابوه وعمو ثامر .. يعني عمامي ثنينهم الشهود ..
وصلنه للمحكمه واخذنه استمارة ولازم نروح للصدريه ونسوي تحليل دم ونشوف التطابق وباقي الفحوصات والتحاليل الروتينيه ..
طول هالاجراءات وايده مافارکت ايدي ..
جنت فرحانه .. حيل فرحانه ..
كملنه كولشي قريب الظهر وصار وقت ندخل ع القاضي يوثق عقدنه بشهود ..
ديلر اتصل ع عمو عبد الهادي وعمو ثامر حته يجون ..
وبالفعل نص ساعه وهمه يمنه ودخلنه عقدنه والفرح مافارگني ولا ايدي فارگت ايد ديلر ..
صرت بأسمه ..ايام ويتوثق هالشي بجنسيتي .. فرحتي ماانطيهه لأحد .. ماتوقعت نفسي ويجي يوم واحب مقدام هالگد ..
شي فوق خيالي وتصوري ..
عمو هادي وعمو ثامر باركولنه ..
واتفقنه كولنه نروح لبيت عمو عبد الهادي مسويلنه غده ع شرف هالمناسبه ..
بس ديلر رفض كال عدنه شغله نسويهه ونلحگكم روحو انتو هسه للبيت ..
عمو هادي گاله ع شنو ناوي بويه ..
كل خير يابه .. كل خير ..
جان يباوعلي بابتسامة مكر ..
شگد احبه وشگد احب شكله وشخصيته .. حته تسلطه ومحاولة سيطرته عليه صح ينرفزني هالشي وع طول اني وياه بصراع اثبات ذات بس صرت احب هالطبع بي صرت اشوفه نابع من غيرة وخوف عليه من كولشي داير مدايري ..
عمو هادي وعمو ثامر رجعوا بالسيارة الي اجوا بيهه واني صعدت سيارة ديلر للمشوار المفاجئه ..
رحنه لبيت طلعنه شيخ .. رجال جبير لحيته رصاصي شكله مألوف .
بس فتح الباب باوع لديلر الي جان لازم ايدي وباوعلي ابتسم ..
تذكرته .. هذا الشيخ نفسه الي عقدلنه اول مرة ..
رحب بينه ..
هلا هلا .. هلا بوليدي ..
شلونك شيخ حسن ..
الحمدلله .. برحمة الرحيم ..
ونعم بالله ..
اخذه ديلر ع صفحه وحجه وياه بصوت ناصي ..
شيخ حسن جان يباوعلي ويبتسم تالي باركلنه بحرارة وحضن ديلر ..
گعدنه بالهول وشيخ حسن دخل مادري شيسوي ..
اجتي مرة متوسطه وجهه بشوش ضيفتنه مي وعصير وباركتلنه ..
الي عرفته هي زوجة شيخ حسن ..
دقايق ورجعلنه الشيخ مبدل ..
يله يابه ..
نهض ديلر ونهضت وراه وعيوني تستفسر وتسأله شراح يصير ..
ودعتنه زوجته وباركت النه مرة ثانيه وطلعنه ثلاثتنه بالسيارة لبيت عمو هادي ..
شكيت انو راح نعقد عقد شيخ هي هاي المفاجئه ..
وصدوك بس وصلنه لبيت عمو كولهه جانت تدري بهالمفاجئة الا اني ..
لكيت خاله ياسمين محضرتلي صينيه بيهه 7بياضات شكر وروبه وحلويات ومن السما والخ ..
طبينه وكولهه تباركلي .. جانوا بيت عمو ثامر موجودين وبيبي وبيت عمو هادي فقظ ..
وصلت للهول گعدوني بين الباب الي تفصل الهول عن الكليدور ورجليه حطوهه بطشت مي صغير بي مي ورد وياس وذبوا شال ابيض ع راسي والشيخ بلش يعقد النه ..
من فرحتي ورغم التوصيات بس گلت نعم وانت. وكيلي من اول مرة .. كولهه گامت تضحك ..
أنت تقرأ
امانتي
General Fictionقصه منقوله للكاتبه ملاك الصمت غربه حب فراق امل عذاب هل للقاء موعد؟ ؟ #أمانتي القصه حقيقيه ابطالهه خليط بين الغربيه والاكراد ان شاء الله تستمتعون بيهه ..
