امانتي

«15»

البارت 15
#أمانتي
ملاك الصمت

هيفين ..
وصلني ديلر اقصد مقدام لازم اتعلم اكول اسمه هيج بالجامعه وصلني لكليتي ..
طول طريقي للقاعه انتبهت البنات وحته الولد يباوعولي نظرات غريبه ويديرون وجههم ويبسبسون خفت صراحه ..
ياستار ياربي شصاير ..
وصلت للقاعه متروسه بنات والوضع اسوأ ..
شفت أساور ..
قبل السلام گتلهه شكوو ؟
شصاير ولج ..
صباحو ام البلاوي ..
هلو حبي صباح الخير .. ليش شمسويه وام البلاوي ..
منو هذا الحلو الي البارحه طيتينه دفرة ووكفتي وياه وبعدين صاعده وياه موصلج ..
صخام وعزا شمدريج ..
شنو منو گلي غير جنت وياج من اجه عليج ..
اي والباقي ؟
ههههههه العالم الضاربتهه بوري تراقبج ..
صدوك تحجين ؟
لعد منين عرفت يعني .. همه شايفيج وكولهه تحجي ..
افتهمت ليش النظرات الغريبه والتبسبس من افوت ..
اي وشيريدون مني گرايبي واجه عليه ..
علييينه هيوف ..
ضحكت وضميت ضحكتي ..
بعدين تعرفين ..
اخذنه اول محاضرة واني صراحه مزعوجه من النظرات البنات صلفات والولد بعد اخس ماعرف شعدهم وياي ..
من صار ريست ..
واحد ورايه سمعته يكول ..من يمنه تستشرف يم الحلوين لا حلال الزحف ..
بلحظه وحده مؤشر العصبيه عندي فول ورث مثل ماتتورث الجكارة ويطلع دخانهه ..
التفتت عليه .. انت شكد ماتستحي وممتربي .. ماعندك خوات متخاف من الله ..
ظل وجهه ينطي الوان ابد مجاوبني وساكت متفاجئ لان رديت عليه يمكن متوقعني ارد تالي صديقه سحبه وراح بسرعه ..
ناس متستحي ..
كولهه صارت تباوع عليه ..
بعصبيه گتلهم ..
خلصت المسرحيه .. عزلنه يله ..
تبارك صافنه عليه .. واساور تسكت بيه واني احس جسمي كوله يرجف من العصبيه اصلا ماعرفت نفسي شنو هاللسان وهالوكاحه ومنين طلعتلي هالجرأة بس من الشغله مست شرفي ماسكتت لان واحد لاعب بألف بنيه ومن تعصي عليه وحده يصير يطعنهه بشرفهه لان مو سهله ومااجتي للطريق ..
من اول اسبوع بدينه دوام ولحد هسه يجون يصارحوني ولد حته من مرحلتي واني ارفض اناقش الموضوع اصلا وحتلو اصروا يحجون وياي الكلام يكون بحضور وحده من صديقاتي لو تبارك لو اساور وكولهه تدري الوحيدين الي احجي وياهم همه اياد وعبدالله لان ممثل المرحله ..
رحت للحمامات غسلت وجهي وارتاحيت شويه ..
صارت المحاضرة الثانيه وهنا المفاجأة للكل ..
استاذ مقدام دخل .. الولد الي شافوه واکف وياي البارحه ووصلني صار استاذهم ..
سلم وعرف عن نفسه ..
سلام عليكم .. اني استاذ مقدام عبد الهادي مالك استاذ مادة ال ......
طبعا الي يعرف اسمي الثلاثي وربط ويه اسم الاستاذ عرفه هذا ابن عمي ..
اول العارفين اساور .. ظلت تباوعلي واني اصلا ماگتلهه ابن عمي كلت كرايبي ..
يمكن عيونهه تريد تاكلني والي مصبرهه المحاضرة تريدهه تخلص علمود تهد عليه ههههههه ..
ولان اجانه متأخر والماده موجوده بجدول الامتحانات بعد 3اسابيع فمن اليوم بدأ يشرحلنه الماده حته خلال هالفترة تصير عدنه ماده امتحان ..
بطوله بهيبته باناقته .. جان لابس بنطرون كابوي لونه طوخ ووياه سترة نيلي وبدي فانيله ابيض لبس كاجوال واللحيه مرتبه بس طاگ بيهه شيب مزيده وقار وجاذبيه وشوارب مشذبه بشكل مرتب ..
بهل هيئه يشرح ويمشي بين الستولات ويسأل ويجاوب واحيانا يخلينه نشارك اذا السؤال عن معلومات عامه .
اباوع نظرات البنات اله بأعجاب .. ويشاقيهن ويضحك ويتعرف ع اسمائهن ..
بصراحه اني ضجت وصرت ع اعصابي گاعده .. خاصه سارة والشله مالتهه صارن يسألن اسئله سخيفه عود هنه ممفتهمات وهو يشرحلهن ومركز بوجوهن شلون دروب تعبانه يسون كل هالملاعيب مال البنات اعرفهه بس ماعندي جرأة اسويهه بس صرت بنار مشتعله جواي اريد المحاضرة تخلص ..
كافي شقى وياهن كافي ضحك لسان حالي يصرخ بهل كلمات ..
صارت عينه بعيني خزرته دنك وضحك مستمتع الظاهر والبنات هيج يزحفن اله ..
تعبت من المكابرة ..
گتله .. تسمحلي استاذ اروح اغسل ..
ردت بس ابتعد واهدأ قبل لا افضح روحي .. ماعرف شنو ديصير بيه .. ديلر مالتي .. اي حته اسمه بس اني اصيحله بهل اسم ..
لا عدنه ماده مهمه اشرحهه ..
سكتت فشلني ..
صرت اغلي واني اشوف سارة تتموع گدامه بكلامهه ..
اخير شي سارة صافنه عليه وهو يشرح جان كللهه ..
شبيج يول وين صافنه مو دا اشرح ؟؟
هاا وياك استاذ ..
تمط بالحجي مالتهه بمياعه .. وكولهه كامت تضحك لان كالتله وياك ..
اني من جواي افور واغلي .. ماعولت المحاضرة تخلص واخذ حضورنه وتعمد يكول اسمي الثلاثي من دياخذ الحضور ..
رأسا سارة التفتتلي ..
يمكن عرفت هو يصير ابن عمي ..
رفعتلهه حاجب وابتسمت منتصرة بس والله مادري ليش حسيت منتصرة عليهه وشنو هالشعور الاجاني انه اي هو مالتي وصلة القرابه البيناتنه مستحيل احد يوصل الهه ..
من طلع اسمع سارة بصلافه تسمعني وتكول .. اويلي ياب فديت ال يول انييييي ..
ضحكت بمياعه ضحكه مال ... مدري اني من كرهي الهه بذيج اللحظه هيج تخيلت ..
شكد حقيرة وشكد جنت اكرهه بس بعد الي سوته با
تكمله بارت 15