البارت 8
#أمانتي
بقلمي ملاك الصمت
مقدام ..
بنهايه شهر 12عام 2006 وتحديدا اول ايام عيد الاضحى المبارك تم تنفيذ قرار الاعدام الي صدر بحق الطاغيه صدام وكان توقيت هالقرار بمثابه هديه للعوائل العراقيه ومواساة لكل عائله فقدت شهيد وثنين وتلاثه بدون ذنب فقط لانهم شيعه ..
بس الي صار رد فعل قوي من البعثيه الي جانوا مسلحين .. رجعت المذابح والقتل العشوائي من بعد ماهدأ فترة والشيعه بالاخص وكل شخص ضميرة ماقبل ع الي ديصير بشكل عام دفع ثمن الي صار ..
بيوتنه انفجعت بشهداء وجثث ورجعت الحرب الطائفيه من جديد ..
الجثث كانت مكومه بالشوارع محد يتجرأ يشيل الميت يدفنه ..
وصار منظر رؤيه جثث تنهش بيهه الكلاب السائبه اجلكم الله مشهد طبيعي ..
الشوارع اصبحت خاليا تقريبا من الناس والمارة الا ماندر وحته اليطلع ماطلعه الاالشديد القوي وهم يتشاهد ع روحه ياله يطلع ..
المدينه اصبحت كأنها مدينه اشباح ..
سقطت تقريبا .. بحجه المقاومه صارت مواجهات بين البعثيه وبين القوات الامريكيه الي كانت كقوات احتلال تحمي امن المحافظه لان القوات العراقيه مجانت مستلمه مهامهه بحمايه المدن لكونهم غير مؤهلين واصلا من الا 2003 اصدر حاكم الهراق بول بريمر بوقتهه حل الجيش ..
تزامنت هالمواجهات ويه قرار امريكا بارسال قوات اضافيه للعراق ..
محد يدري شنو وشكو منو الصديق منو العدو منعرف ..
جنه شباب وتجمعات بالمقاهي وتنفتح مواضيع سياسيه ومناقشه وضع المحافظه .. اتصورا الي يحجي بالليل ع نظام صدام والي سووه بينه البعثيه حته بعد اسقاط حكم صدام ثاني يوم الصبح ينسحل وينعدم كدام اهله او ياخذوه وورة ايام نلگاه مشمور يم حاويه اوساخ واحيانا اصلا لايرجع ولانلكاله جثه ..
ايام مرت الله لايعيدهه ..
3شاحنات محمله بغاز الكلور السام تم تفجيرها بالرمادي والفلوجه والحصيله مئات الجرحى بالتسمم بهذا الغاز .. صدوگ كانت المحافظه ساقطه بيد مسلحي القاعده بالاضافه للبعثيين ..
واحد من اصدقائي وصلي خبر انو قبل شكم يوم ماخذين ولد اسمه عمار من بيت اهله ..
الولد اعرفه يجي عمرة 16او 17سنه اخوه صديقي درسنه سوة بالاردن بس من تخرجنه اني رجعت هو تزوج واستقر هناك وبقوا اهله بالعراق وماعنده بس هالاخ و2خوات ..
من المسلحين دخلوا بيتهم واخذوا عمار ابوهم اخذ مرته وبناته وهج من البيت ومحد يعرف وين راحوا .. اي خاف ع بناته الشرف غالي والولد راح ..
بس هالعمار اله بعد خبزة بهالدنيا ..
خابرني ولد صديقي جراح كال ذابين عمار يم حاويه قريبه ع بيت اهله الولد شايفين سيارة ذابته وبيت اهل عمار جيران بيت عمي ابو هيفين ..
الولد صارله ساعات مشمور هناك لايحرك ايد ولارجل بس محد يتجرأ يتقربله ..
اتفقنه اني وياه نتلثم وناخذ الولد ونعبره بين البيوت حته محد يشوفنه وناخذه لاقرب مستشفى ..
لبست وطلعتله ويشماغي وياي متلثم بي ..
أنت تقرأ
امانتي
General Fictionقصه منقوله للكاتبه ملاك الصمت غربه حب فراق امل عذاب هل للقاء موعد؟ ؟ #أمانتي القصه حقيقيه ابطالهه خليط بين الغربيه والاكراد ان شاء الله تستمتعون بيهه ..
