امانتي

«10»

البارت 10
#أمانتي
بقلمي ملاك الصمت

هيفين ..
عطله والصيف حار لانگدر نطلع بسبب الاوضاع الامنيه ولانگدر نسافر لنفس السبب ..
محبوسين بالبيت والروتين اليومي ..
المصايح والكلام الي دار بيني وبين ديلر محد عرف بي ولا حته بيبي الي سمعتنه نتصايح بس معرفت ع شنو ..
اني انعزلت عن اكثر الناس الاتواصل وياهم الي همه بيت عمو عبدالهادي وهمه هم وکأنه مشغولين بشي محد مر بيهم عدا الاتصالات ومرات عمو يجي 5دقايق يشوفنه شمحتاجين ويروح وجنت اشوف بعيونه نظرات عتب ،افترضت انو هو يدري بالي صار بيني وبين ديلر واستحيت بعد اطلعله .. حته ميس وشهد كولش ابتعدن عني ..
ديلر من ذاك اليوم بعد ماشفته .. ظل ببالي ذكريات ذيج الليله الولد المدمى والوشم واللثام .. اني متأكده الي شفته ديلر .. شنو دليلي ؟؟بس الوشم .. زين شنو هذا الطريق الديمشي بي ديلر ..
مر شهر وانعزمنه ع خطوبه ديلر من ناديه ..
هنا صدمتي جبيرة مو لان احب ديلر لا والله ماحاسبته غير اخ اكبر مني بس لان خطب واني بعدني ع ذمته ..
صارت الشغله وكأنه تزوج عليه واني بعدني ع ذمته ..
شنو قصده بهالحركه يكسر خشمي لو شنو ..
ماطلبت منه غير حقي .. اجاني طلب نتمم الزواج واني رفضت وكتله شوف حياتك بس قبل لتشوف حياتك انطيني حريتي .. مااتصور طلبت شي فوگ حقي ..
تعبت نفسيتي كولش انهضمت من هاي المهزله الي صارت وانقهرت اكثر لان كولشي أذاني صار بعلم عمو ابو مقدام ..
كل الداير مدايري ديأذوني وماعرف ليش ..
وگعت بالفراش مريضه .. شماتي هواي واقرب القريبين مني گالوا تحبه وعافهه واتزوج عليهه ..
ماحضرت لاحفله خطوبه ولا عقد .. قاطعت بيت عمو عبدالهادي ..
بيبي جانت مقهورة عليه وتواسيني يمكن هي هم عبالهه احبه .. مرات تلومني لان ماقبلت بي .. من اني صغيرة واشوف هالشخص بحق وبدون حق يتحكم بحياتي ..
كرهت تسلطه عليه وع حياتي كرهت اسلوبه وياي كوله امر ونهي ولاغيني من الوجود ..
وگعتي بالفراش جان سببهه ارهاق نفسي ..
يمكن استمر وياي لحد مااجتي المدرسه ..
الخط مالتي رجع نفسه لبنى واني وشهد وويانه صديقتي غدير ..
صرت انطوائيه حيل .. احس نفسي مكسورة .. هواي مرات افكر اروح اعاتب .. المن اعاتب .. ديلر فد واحد راكب راسه العناد بس عتبي ع عمي شلون رضى بهيج مهزله تصير ..
شلون ابنه عاقد عليه ويخطبوله وحده ثانيه .. مجان اعتراضي ع خطوبة ديلر بالعكس اتمناله الخير واتمناه ينسعد بس اعترضت ليش اقدم ع هيج خطوة واني ع ذمته ليش من طلبت منه يطلگني عاند ..
هواي جانوا يجون يخطبوني ومن يسمعون معقوده ع ابن عمي بعد ميرجعون .. محد جان مستعد يسمع تفاصيل ومبررات بنظرهم اني بنيه الارتباط بيه وراه مشاكل ..
مشت الايام بيه واني اداوم وملتهيه بدراستي .. قاطعت بيت عمي بس عمي ابد ماعافنه ومع ذلك مجنت اطلعله من يجي ..
صح شهد ويايه بالخط بس غير السلام مابيناتنه شي ..
احس ايامي كولهه صارت سوة .. ملل وكآبه وفراغ ..شعور بالانكسار ..
جنت يوم الجمعه والسبت اروح دورات تقويه بمعهد قريب علينه فجنت اطلع وحدي بدون الخط ومرات تصدف اشوف ديلر بسيارته يوصل ناديه لبيتهم او من بيتهم وطالعين لفد مكان ..
وايام يوصلهه للكليه نشوفهم الصبح من خطنه يمر ع شهد ..
جنت اشيح بنظري لبعيد ماريد عيوني تلتقي بعيونه ماجنت اطيق اشوفه بس اعرف هو يباوعلي ويراقبني ..
حته ناديه ماجنت اركز بيهه ولا بشكلهه شي ميعنيني موضوعهم ..
هواي فكرت اطلب من عمو يأثر ع ديلر حته يطلكني بس مجانت عندي جرأة رغم الحق وياي بس استحي شيكول عليه شايفتلي واحد واريد اتزوجه بس بنفس الوقت بياوجه حق هيج ابنه حاجزني صرت مثل الوقف لا اني الشايفه طريقي وقابله بواحد من الي ديخطبوني و لا اني المتقبله وضعي وحياتي ويه ديلر وشتقبل .. من جان فارغ ماتقبلته هسه من خطب وعقد اتقبله ..
ذبيت جهدي ع دراستي ..
بحيث خلصت مرحله الخامس اعدادي واني اعفاء بأغلب المواد عدا اللغه العربيه والاحياء والاحياء بحقارة من المدرسه مانعفيت بي يطلع معدلي 89واعشار ولازم تحطلي باليومي 97 حته يصعد المعدل لل 90بس هي حطتلي 94باليومي ورفضت تزودلي 3درجات بعد والحجه مالتهه انو هي اطتني اعلى درجه باليومي ومتطي اعلى من 94 عفتهه حسيتهه غبيه والجدام معها عقيم بس بنفس الوقت انقهرت ..
خلال السنه صارت تنفتح مواضيع مختلفه بالسيارة بيني وبين أيهم ..
حسيته مثقف واريحي ومرات يفتح مواضيع من كلامه احسه بعده رايدني ..
واني بعقل صرت اميل اله ..
من بين كل الي خطبوني جان ايهم يعرف بتفاصيل قصتي ويه ديلر بحكم الصداقه بيني وبين اخته لبنى فأكيد هي حاجتله التفاصيل ..
اكثر من مرة لمحلي انو ع استعداد يجي يخطبني واني أأجل الموضوع ..
اخير شي جانت امتحانات نهايه السنه ومن الخط بس اني وغدير جايات نمتحن احياء اخير يوم لان شهد سادس ومعطله من زمان واصلا مو هسه امتحاناتهه ولبنى كذلك ..
تأخرت غدير بالامتحان واني عنادا ماعرف